ಶ್ರೀ ಫಕ್ಕೀರಸ್ವಾಮಿ ಶಿವಯೋಗಿ ಸಮರ್ಥ
ಬೆಳಗುವೆನಾರುತಿಯಾ ಗುರುವರಾ
ಎತ್ತುವೆ ಆರತಿಯಾ || ಪ ||
ಥಳಿಥಳಿಸುತ ಕಾಲ್ ಕೈ ಮೈ ಬಣ್ಣಾ
ಕೆಂಪ ನಿಂಬಿಹಣ್ಣಾ ಗುರುವರಾ ಕೆಂಪ ನಿಂಬಿಹಣ್ಣಾ
ಸೂರ್ಯನ ಕಿರಣ ವರಣ ಇವರಿಗೆ ಇರುತಿರೆ ಪರಿಪೂರ್ಣ || ೧ ||
ಸಂಶಿಗ್ರಾಮ ಕಡಿಭಾಗ ಅಮೀನಧೀನ್
ಅವರ ವರವಿಲೆ ಹುಟ್ಟಿ ಪಟ್ಟವಗಟ್ಟಿ
ಶಿವಪುರ ಶಿರಹಟ್ಟಿ ಒಂದೇ ಮನಸಿಟ್ಟಿ || ೨ ||
ಹಳ್ಳದ ಬದಿಯಲಿ ಹುತ್ತದೊಳು ಅಡಗಿ
ಸತ್ಯಕಾಲದಲ್ಲಿ ಗುರುವರಾ ಸತ್ಯಕಾಲದಲ್ಲಿ
ಮತ್ತ ಭವಕೆ ಬಾರದೇ ಸಾಯುಜ್ಯ ಪದವಿಯ ಪಡಕೊಂಡೆ || ೩ ||
ಜಂಗಮಸ್ಥಾನ ಜಗಭರಿತ ಇವನ
ಎಲ್ಲರೊಳಗೆ ಸವನ ಗುರುವರಾ ಎಲ್ಲರೊಳಗೆ ಸವನ
ಸರ್ವಧರ್ಮ ಪಾವನಮೂರುತಿ ಸಿದ್ಧರಾಮನ || ೪ ||
ಪೊಡವಿಯೊಳು ಶಿಶುನಾಳಧೀಶನ ದಯದಿ
ಉಸುರುವೆ ಈ ನುಡಿಯಾ ಗುರುವರಾ ಉಸುರುವೆ ಈ ನುಡಿಯಾ
ಒಡಿಯ ಫಕ್ಕೀರೇಶಾ ನಿಮಗೆ ಬೇಡುವೆ ಮುಕ್ತಿಯ || ೫ ||
*****
