ವ್ಯತ್ಯಾಸ

ಸ್ವಚ್ಚಂದ ಬೆಳಕಿನಲಿ
ಅಟ್ಟ ಅಡುಗೆಯ ಉಂಡು
ಆಕಾಶ ಭೂಮಿಗಳೇ
ನೆಲ ಮಾಡುಗೊಂಡು
ನಾಳೆ ಎಂಬುದ ಮರೆತು
ಇಂದಿಂದೆ ಬದುಕುವರು
ಅಲೆಮಾರಿ ಜನರು

ಚಿಂತೆಯಂಬ ಬೊಂತೆಗೆ
ಒಂದೊಂದು ಗುಂಡು
ಗೋಲಿಯ ಹೊಡೆದು
ತಣ್ಣೆಯನ್ನಕ್ಕೆ ಉಪ್ಪು
ಮೆಣಸು ನುರಿದು

ದಿನ ದಿನವೂ ಹೊಸ
ರುಚಿ ಹಿಂಜಿ ಅರೆದು
ಅಂದದಲಿ ಕೂಡಿಹರು
ಜೋಪಡಿಯ ಜನರು

ರಟ್ಟೆ ಗುಟ್ಟನ್ನು ಅರಿತು
ಕರ್ಮ ತತ್ವದಿ ಬೆರೆತು
ಸುಖ ದುಃಖ ಸಹಿಸಿ
ಸಹಿ ಕಹಿಯ ಬೆರೆಸಿ
ಹಂಗಿನಾಳಗದೆ ಹಿಗ್ಗಿ
ಸಂತೃಪ್ತ ಸಾಧಕರು
ಶ್ರಮಿಕ ಜನರು

ಮೆರೆದ ಮೊರೆತದ ನಡುವೆ
ಬೇಕು ಬಿಸಾತಿಲ್ಲದೇ ಕುಣಿದು

ಅಂಕೆ-ಶಂಕೆಗಳೇ ಸತ್ತು
ಕಳಂಕಗಳ ಕೊಳೆ ಹೊತ್ತು
ಹಂಸತೂಲಿಕಾ ತಲ್ಪದಲ್ಲೂ
ಹವಣಿಸಿ ನಿದ್ದೆಗೆ
ಕಂಗೆಟ್ಟು ಕೂಗಿಹರು
ಮಹಡಿಯಲ್ಲಿನ ಜನರು
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಬಿಡಿ ನನ್ನ ಪಾಡಿಗೆ ನನ್ನನ್ನು
Next post ಆನೆಗಳು ಎರಡು ವಿಧ

ಸಣ್ಣ ಕತೆ