ಏಳಿ ಎದ್ದೇಳಿ
ದುಡಿವ ಜಗದ ಕೈಗಳೊಂದಾಗಲ್ಹೇಳಿ.
ಕ್ರೂರ ಕೈಗಳ
ದಾಸ್ಯ ಬಿಡಿಸಲೇಳಿ.
ನಿಮ್ಮ ಬಲ ಜಗದ ಬಲ
ನಿಮ್ಮ ಛಲ ಯುಗಕೆ ಫಲ
ನಿಮ್ಮೆದೆಯ ಹಣತೆಯಲಿ
ಒಡಲ ಜಗದ ಬೆಳಕು
ನಿಮ್ಮೊಲವ ನುಡಿಯಿಂದ
ಮಾನವತೆ ಬದುಕು |
ನರಿಯ ನುಣ್ದನಿಗಿನ್ನೂ
ಕೂಗೋ ಕಾಕವಾಗುವಿರೇಕೆ
ಇರುವ ರೊಟ್ಟಿಯ ಮರೆತು
ತಿರುಕರಾಗುವುದೇಕೆ
ಮತಿಗೆಡಿಸೊ ಪಾಶಗಳ ಸಖ್ಯವೇಕೆ
ಮರೆತೆಯೋ ನೀವಿನ್ನು ಜೋಕೆ…. ಜೋಕೆ
ಬಿಡು ಹುಟ್ಟಿನಾ ಭ್ರಾಂತಿ ಜಾತಿ ಭೀತಿ
ತೊಡು ಕಂಕಣವಿನ್ನೂ
ಒಂದಾಗಿಸಲು ಮನುಜ ಪ್ರೀತಿ…. ನೀತಿ
ಅವರಿವರು ಹುಟ್ಟಿಸಿದಾ
ದೇವರಾಗೊಡವೆ ತೊಡವೆ ನಿನಗೇಕೆ
ನಿನ್ನೆದೆಯ ಗುಡಿಯ ದೇವರ ಮರೆವುದೇಕೆ?
ಮತ್ತೆ ಮರಳದಿರಿ
ಕತ್ತಲಿತಿಹಾಸಕ್ಕೆ ನಿತ್ಯವರಳೋ ಮೂಡಣದಿ
ನವ ಬದುಕಿದೆ
ಸತ್ತು ಮಲಗುವ ಬದುಕದೇತಕೋ ಕಾಣೆ….
ನಿಮ್ಮಾಣೆ…. ನಿನ್ನನ್ನು ನಂಬಿದರೆಂತೂ
ನಿನ್ನ ಬದುಕನು ರಾಗಾನುವೀಣೆ
*****
