ಅಕ್ಕನೊಂದಿಗೆ

ಅಕ್ಕ! ಆಗಾಗ ನುಗ್ಗುತ್ತಲೇ ಇರುತ್ತವೆ
ನಿನ್ನ ಸತ್ಯ ಶೋಧದ ಅಮೃತ ವಚನಗಳು
ಗುಣ ಗುಣಿಸುತ್ತೇನೆ ಕನವರಿಸುತ್ತೇನೆ
ಇಂದು ಬೆಳಿಗ್ಗೆ ಇದ್ದಕ್ಕಿದ್ದಂತೆ ಕದಳಿ ಬನದಿಂದೆದ್ದು
ಬಂದು ನನ್ನ ಭುಜ ತಲುಕಾಡಿದೆ
ಕ್ಷಮಿಸು! ಗುರುತು ಹಿಡಿಯಲೇ ಇಲ್ಲ
ಮರುವೋ; ನಿದ್ದೆಗಣ್ಣೋ
ವೈರಾಗ್ಯ ಖಣಿ ಮುಕ್ತಿಮಣಿ ಅಕ್ಕ
ನನ್ನಕ್ಕ ತಬ್ಬಿ ಖುಷಿಪಟ್ಟೆ
ಶತ ಶತಮಾನಗಳ ಅಂತರಂಗದ
ಅಂತಃಕರಣದ ಮಾತುಗಳು ಕುಶಲೋಪಚಾರ
ಉತ್ತರ ಏನು ಹೇಳಲಿ ಅಕ್ಕ
ಏನೇನೂ ಬದಲಾಗಿಲ್ಲ
ನಿನಗೆ ಅಡ್ಡಗಟ್ಟಿದ ಪುಂಡ ಪೋಕರಿಗಳ
ದಾರಿ ಇನ್ನೂ ಹಾಗೇ ಇದೆ.
ಧರ್ಮದ ಹೆಸರಿನಲ್ಲಿ ಅಧರ್ಮ
ಮೇಲು ಕೀಳು ಭಾವನೆ.

ಬದಲಾಗಿವೆ ಟಾಪ್‌ ಬಾರ್‌ಗಳಾಗಿರುವ ಅನುಭವ ಮಂಟಪಗಳು
ಫ್ಯಾಶನ್ ಪರೇಡ್ ಲೇಡಿಜ್
ಕ್ಲಬ್‌ಗಳಾಗಿರುವ ಅಕ್ಕನ ಬಳಗಗಳು
ಪರಶಿವನೇ ಗಂಡನಾಗಬೇಕೆಂದು
ತಪಿಸಿದ ನೀನೆಲ್ಲಿ ಇಂದಿನ ಪಾಂಚಾಲಿಗಳೆಲ್ಲಿ
ಚಿಲಿಪಿಲಿಸದ ಅನಾಥ ಗಿಳಿಗಳು
ಬೇಟೆಗಾರರ ಗಿರಿಕಂದರಗಳು
ಅಕ್ಕ ಈ ಸೀರೆ ಸುತ್ತಿಕೋ

ಈಗ ಅಲ್ಲಮಪ್ರಭು ಬಸವಾದಿ ಗಣಗಳಿಲ್ಲ
ಬಾ ಒಂದಿಷ್ಟು ಸುತ್ತಾಡಿ ಬರೋಣ….
ಲೌಕಿಕ ಜಂಜಡದ ನಿನ್ನ ಮಾತುಗಳಲ್ಲಿ
ಹೊರಳಾಡಿ ಮುಳುಗೇಳುವ ಈ ಜನರೆಲ್ಲಿನೋಡು –

ಅಕ್ಕ ನೋಡಕ್ಕ ಏನೂ ಬದಲಾಗಿಲ್ಲ
ಹೆಣ್ಣಿನ ತುಳಿತ ತೊತ್ತುಗಳಲ್ಲಿ
ಆಗಿದ್ದೀಷ್ಟೆ ಅಲ್ಲಲ್ಲಿ ಕೊರಡು ಕೊನರುತಿವೆ
ಕಲ್ಲು ಕವಿತೆ ಹಾಡುತಿವೆ
ಸುಟ್ಟುಕೊಂಡ ದೇಹಗಳಲಿ ಜ್ವಾಲೆ ಉರಿಯುತಿದೆ.

ಆದರೂ ಅಕ್ಕ ನಾವು ಸೋತಿಲ್ಲ.
ಹದ್ದುಮೀರಿ ವರ್ತಿಸಿಯೂ ಇಲ್ಲ.
ಹಂಬಲಿಸಿ ಕೊರಗಿ ನೀ ಕಂಡ “ಮಲ್ಲಿಕಾರ್ಜುನನಂತೆ”
ನಾವು ಹಂಬಲಿಸಿ ಅಂತರೀಕ್ಷಕ್ಕೇರಿ ಸಮುದ್ರದಾಳಕ್ಕಿಳಿದು
ವಿಜ್ಞಾನ ತಂತ್ರಜ್ಞಾನಗಳನ್ನಲ್ಲಾಡಿಸಿ
ಆಗುಂತಕ ‘ಶಕ್ತಿ’ ಕಂಡುಹಿಡಿಯುತ್ತಲಿದ್ದೇವೆ.
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಅವರು
Next post ಕಿವಿಗಳು

ಸಣ್ಣ ಕತೆ

  • ಎರಡು ಮದುವೆಗಳು

    ಮುಂಗಾರು ಮಳೆಗಳು ಸರಿಯಾಗಿ ಬಾರದೇ ಭುವನೇಶ್ವರದ ಹಳ್ಳಿಯ ಜನರಲ್ಲಿ ಒಂದು ರೀತಿಯ ಕಳವಳವಾಗಿತ್ತು. ಮಳೆ ಬಂದರೆ ಬೆಳೆ, ಬೆಳೆ ಆದರೆ ಬಾಳು ಎಂದು ಬದುಕುತ್ತಿದ್ದ ಅವರಿಗೆ ಏನು… Read more…

  • ಹೃದಯ ವೀಣೆ ಮಿಡಿಯೆ….

    ಒಂದು ವಾರದಿಂದಲೇ ಮನೆಯಲ್ಲಿ ತಯಾರಿ ನಡೆದಿತ್ತು. ತಂಗಿಯನ್ನು ನೋಡಲು ಬೆಂಗಳೂರಿನಿಂದ ವರ ಬರುವವನಿದ್ದ. ಗೋಪಿ ಅವಳನ್ನು ಆ ವರನ ಹೆಸರೆತ್ತಿ ಚುಡಾಯಿಸುತ್ತಿದ್ದ, ರೇಗಿಸುತ್ತಿದ್ದ. ಅವಳ ಕೆನ್ನೆ ಕೆಂಪಗೆ… Read more…

  • ಜಡ

    ಮಾರಯ್ಯನನ್ನು ಅವನ ಹಳ್ಳಿಯಲ್ಲಿ ಹಲವರು ಹಲವು ಹೆಸರುಗಳಿಂದ ಕರೆಯುತ್ತಿದ್ದರು. ಹಾಗಾಗಿ ಅವನ ನಿಜವಾದ ಪೂರ್ತಿ ಹೆಸರು ಮಾರಯ್ಯನೆಂಬುವುದು ಸಮಯ ಬಂದಾಗ ಅವನಿಗೆ ಒತ್ತಿ ಹೇಳಬೇಕಾಗಿ ಬರುತ್ತಿತ್ತು. ಅಂತಹ… Read more…

  • ಲೋಕೋಪಕಾರ!

    ಸಾಥಿ ಶಿವರಾವ ಅವರಿಗೆ ಬಹು ದೊಡ್ಡ ಚಿಂತೆ! ಅವರು ಅನೇಕ ಪ್ರಶ್ನೆಗಳನ್ನು ಬಹು-ಸರಳವಾಗಿ ಬಿಡಿಸುತ್ತಿದ್ದರು. ಪರೀಕ್ಷೆಯಲ್ಲಿ ಅನೇಕ ಪ್ರಶ್ನೆಗಳಿಗೆ ಉತ್ತರ ಬರೆದಿದ್ದಾರು. ಆದರೆ ಎಂತಹ ದೊಡ್ಡ ಪ್ರಶ್ನೆ… Read more…

  • ಯಾರು ಹೊಣೆ?

    "ಧಡ್....... ಧಡಲ್........ ಧಡಕ್" ಗಾಡಿ ನಿಂತಿತು. ಹೊರಗೆ ಮೋರೆಹಾಕಿ ನೋಡಿದೆ. ಕತ್ತಲು ಕವಿದಿತ್ತು. ಚುಕ್ಕೆಗಳು ಪಕಪಕ ಕಣ್ಣು ಬಿಡುತ್ತಿದ್ದವು. ಮೂಡಲ ಗಾಳಿ "ಸಿಳ್" ಎಂದು ಬೀಸುತ್ತಿತ್ತು. ನಾನು… Read more…

cheap jordans|wholesale air max|wholesale jordans|wholesale jewelry|wholesale jerseys