ಅಮರ

ನಾನು ಪ್ರಕೃತಿ ಶಿವ ಸತ್ಕೃತಿ ನನ್ನ ಗುಣವ ಹೇಳುವೆ
ನೀನು ವಿಕೃತಿಯಾಗಿ ಬಂದೆ ದುಃಖಗಳನು ತಾಳುವೆ

ಭೂಮಿಯೊಳಗೆ ನಾನು ಆಳ ಬೇರು ಬಿಟ್ಟು ನಿಂತಿಹೆ
ಗಗನದಲ್ಲಿ ತಲೆಯನೆತ್ತಿ ಚೆಲುವನೆಲ್ಲ ಹೊತ್ತಿಹೆ

ಮಣ್ಣಿನೊಳಗೆ ಒಡಬೆರೆಯುತ ಭದ್ರವಾಗಿ ಬೆಳೆದಿಹೆ
ಸಣ್ಣಪುಟ್ಟ ಗಾಳಿಯಲ್ಲಿ ಬೆದರದಂತೆ ಉಳಿದಿಹೆ

ನಾನು ಒಂದೇ ಇದ್ದರೂ ನೂರು ಕೈಗಳಿರುವುವು
ಬಾನಿನಲ್ಲಿ ಹರಡಿಕೊಂಡು ಹೂವು ಹಣ್ಣು ಕೊಡುವುವು

ಬಿಸಿಲು ಗಾಳಿ ಮಳೆಯು ಚಳಿಯು ಎಲ್ಲ ನನ್ನ ಮಿತ್ರರು
ಅವರ ಜೊತೆಗೆ ಸಹ ಬಾಳ್ವೆಯು ಕೃತಜ್ಞತೆಗೆ ಪಾತ್ರರು

ಒಳಗೆ ನೋವೆ ತುಂಬಿಕೊಂಡೆ ಹರಿಯುತಿಹುದು ಜೀವನ
ಹಸಿರು ನಗೆಯ ಹೊರಗೆ ತೋರೆ ಚೆಲುವಾಯಿತು ಈ ವನ

ಹೂವ ಮುಡಿದು ಫಲವ ಪಡೆದ ಸಂತಾನವ ಬೆಳೆಸುವೆ
ಪ್ರಾಣಿ ಪಕ್ಷಿಗಳಿಗಾಸರೆ ಕೊಡುತ ಅವನು ಬೆಳೆಸುವೆ

ಎಲೆಯುದುರಿಸಿ ಚಿಗುರು ಪಡೆದು ಉಡಿಗೆ ಬೇರೆಯಾದರೂ
ಬೇರದೊಂದೆ ದೇಹವೊಂದೆ ಮೇಲುಪರೆಯು ಹೋದರೂ

ನನ್ನಚೆಲುವ ಕಂಡು ಮಣಿವ ಭಕ್ತರಿಹರು ಜಗದಲಿ
ನನ್ನ ಸೊಗವ ನೋಡಿ ಹಾಡಿ ದಣಿಯದಿಹರು ಬೆರಗಲಿ

ಹುಟ್ಟು ಸಾವು ನೋವು ಬೇವು ಎಂದು ನಾನು ಚಿಂತಿಸೆ
ಸಾಗರದೀ ಸೃಷ್ಟಿಯಲ್ಲಿ ಅಲೆಯು ನಾನು ಯೋಚಿಸೆ

ಅದರಿಂದಲೇ ಮರವಾದರು ನಾನು ಅಮರ ಎಂದಿಗು
ಮರ್ತ್ಯ ಮನುಜ ನೀನು ಕೂಡ ಅಮರನಾಗು ಎಂದಿಗು
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಚುನಾವಣೆಗೆ ನಿಂತ ಮಠಾಧೀಶರು
Next post ಲಿಂಗಮ್ಮನ ವಚನಗಳು – ೫೯

ಸಣ್ಣ ಕತೆ

  • ನಿಂಗನ ನಂಬಿಗೆ

    ಹೊಸಳ್ಳಿ ನೋಡುವದಕ್ಕೆ ಸಣ್ಣದಾದರೂ ಕಣ್ಣಿಗೆ ಅಂದವಾಗಿದೆ. ಬೆಳವಲ ನಾಡಿನಲ್ಲಿ ಬರಿ ಬಯಲೆಂದು ಟೀಕೆ ಮಾಡುವವರಿಗೆ ಹೊಸಳ್ಳಿ ಕೂಗಿ ಹೇಳುತ್ತಿದೆ - ತಾನು ಮಲೆನಾಡ ಮಗಳೆಂದು ! ಊರ… Read more…

  • ವ್ಯವಸ್ಥೆ

    ಮಗಳ ಮದುವೆ ಪಿಕ್ಸ್ ಆಗಿದ್ದರಿಂದ ದೊಡ್ಡ ತಲೆ ಭಾರ ಇಳಿದಂತಾಗಿತ್ತು. ಮದುವೆ ಮುಂದಿನ ತಿಂಗಳ ಕೊನೆಯ ವಾರವೆಂದು ದಿನಾಂಕವನ್ನೂ ನಿಗದಿಪಡಿಸಲಾಗಿತ್ತು. ಗಂಡಿನವರ ತರಾತುರಿಗೆ ಒಪ್ಪಲೇಬೇಕಾದ ಪರಿಸ್ಥಿತಿ ನನ್ನದು.… Read more…

  • ಕೊಳಲು ಉಳಿದಿದೆ

    ಮಾತಿನ ತೆರೆ ಒಂದು "ನೋಡಿ, ಜನರು ನನ್ನನ್ನು ನೋಡಿ ನಗುತ್ತಾರೆ! ಈ ಬಂಗಾರದ ಕೃಷ್ಣನ ಮೂರ್ತಿ ಇವಳ ಕೈಯಲ್ಲಿ ಯಾವಾಗಲೂ ಏಕೆ ಎಂದು ಕೇಳುತ್ತಾರೆ! ನನ್ನ ಹತ್ತರ… Read more…

  • ಗಿಣಿಯ ಸಾಕ್ಷಿ

    ಹತ್ತಿರವಿದ್ದ ನೆರೆಹೊರೆಯ ಮನೆಯವರಿಗೆ ಗಿಣಿಯ ಕೀರಲು ಕಿರುಚಾಟ ಕೂಗಾಟ ಸತತವಾಗಿ ಕೇಳಿಬಂದಾಗ ಅವರು ಅಲ್ಲಿಗೆ ಧಾವಿಸಿ ಬಂದಿದ್ದರು. ಗೌರಿಯು ಕಳೇಬರವಾಗಿ ಬಿದ್ದಿರುವುದು ನೋಡಿ ಅವರಿಗೆ ದಿಗ್ಭ್ರಾಂತಿಯಾಯಿತು. ಅವಳ… Read more…

  • ಜೋತಿಷ್ಯ

    ತಮಿಳು ಮೂಲ: ಕೊನಷ್ಟೈ "ನೀವು ಏನು ಬೇಕಾದರೂ ಹೇಳಿ, ನನಗೆ ಜ್ಯೋತಿಷ್ಯದಲ್ಲಿ ನಂಬಿಕೆ ತಪ್ಪುವುದಿಲ್ಲ. ಅದರಲ್ಲಿಯೂ ರಾಮಲಿಂಗ ಜೋಯಿಸರಲ್ಲಿ ಪೂರ್ಣ ನಂಬಿಕೆ"ಎಂದಳು ಕಮಲಾ. ಸಮಯ, ಸಂಧ್ಯಾ ಕಾಲ.… Read more…