ನಾಯಿ ಬೆಕ್ಕು ಕುರಿ
ಹಚ್ಚಿ ದೊಡ್ಡ ಉರಿ
ಕಾಡು ತುಂಬ ಬೆಂಕಿ ಹತ್ತಿ
ಚಳಿ ಕಾಸಿತು ನರಿ!
***
ಡೊಳ್ಳು ಹೊಟ್ಟೆ ಗುಂಡ
ತಿನ್ನೋದ್ರಲ್ಲಿ ಭಂಡ,
ಕೇಳಿ ಕೇಳಿ ಹಾಕಿಸ್ಕೊಂಡು
ತಿಂದ ನೂರು ಬೋಂಡ.
***
ಊಟ ಗುಂಡಂಗ್ ಇಷ್ಟ
ಪಾಠ ಮಾತ್ರ ಕಷ್ಟ
ಕ್ಲಾಸಿನಲ್ಲಿ ಗೊರಕೆ ಹೊಡೆದು
ಭಾರೀ ಹೂಸು ಬಿಟ್ಟ!
***
ಬಿಸಿಲು ಬಿದ್ದಿದೆ – ಜೊತೆಗೆ
ಮಳೆ ಬರ್ತಿದೆ
ಕಾಗೆಗೂ ನರಿಗೂ ಎಲ್ಲೋ
ಮದುವೆ ಆಗ್ತಿದೆ!
***
ಉಂಡೆ ಉಂಡೆ ಉಂಡೆ
ತನ್ನಿ ಒಂದು ಹಂಡೆ
ಒಳಕ್ಕೆ ಇಳಿದು ತಿಂದ್ಹಾಕ್ತೀವಿ
ಇಡೇ ಸಂಡೇ ಮಂಡೆ
***
ಚಕ್ಲಿ ನಂಗೆ ಇಷ್ಟ
ಹೊರಕ್ ತರೋದೇ ಕಷ್ಟ
ರೌಡಿ ಗುಂಡ ಓಡಿ ಬಂದು
ಕಸ್ಕೋತಾನೆ ದುಷ್ಟ!
***
ಪುಟ್ಟ ಪುಟ್ಟ ರೊಟ್ಟಿ
ಬೆಣ್ಣೆ ಸವರಿ ತಟ್ಟಿ
ಕೊಡು ಅಜ್ಜಿ ಆಗ್ತೀನಿ
ಭೀಮಗಿಂತ ಗಟ್ಟಿ
***
ನನ್ನನ್ ಅಪ್ಕೊಂಡ್ ಮುದ್ಮಾಡೋದು
ಬಲೇ ಇಷ್ಟ ಅಜ್ಜಿಗೆ
ಅಜ್ಜಿ ಅಂದ್ರೆ ನಂಗಂತೂ
ಅನಾನಸ್ಸಿನ್ ಸಜ್ಜಿಗೆ
***
