ಮರುಭೂಮಿ

ಆಕಾಶ ಸಾಕ್ಷಿಯಾಗಿ
ಸೂರ್ಯನೊಂದಿಗೆ ಕೂಡಿದ
ಹೊಟ್ಟೆ ಉಬ್ಬುಬ್ಬಿನ ಮರುಭೂಮಿಯ
ಬಸಿರು, ಸುಖವಾಗಿ ಪ್ರಸವಿಸಲೇ ಇಲ್ಲ
ಬಯಕೆಯಲಿ ಬೆಂದು
ಓಯಸಿಸ್ ನೀರು ಕುಡಿದು
ತನ್ನ ಸಿಟ್ಟಿಗೆ ತಾನೇ ಕ್ಯಾಕ್ಟಸ್ ಗಂಟಿಯಾಗಿ
ಮೈ ಪರಿಚಿಕೊಂಡು, ದಳ್ಳುರಿಗೆ
ಸಿಡಿದೆದ್ದ ಬಸುರಿನ ತುಣುಕುಗಳು
ಇಡಿಯಾಗಿ ಸುರಿಯುವ
ಮರಳ ದಿಬ್ಬಗಳು
ಜಾದೂಗಾರನ ಕಣ್ಕಟ್ಟಿನಂತೆ
ಬಿಸಿಲಿಗೆ ಬೆತ್ತಲೆಯಾಗಿ
ಬಿದ್ದ ಮರುಭೂಮಿ
ಸಾವಿರಾರು ವರ್ಷಗಳಿಂದ
ಹಾತೊರೆಯುತ್ತಿದೆ ಮೋಕ್ಷಕ್ಕೆ
ವಿದೇಶಿಗರ ಶಸ್ತ್ರಗಳ ಛೇದನದೊಳಗೆ
ಬಸಿರಿನಿಂದ ಪುಟಿದೆದ್ದ ಕೂಸು ಈ ‘ಪೆಟ್ರೋಲ್’
ಮರುಭೂಮಿಯ ಹಡಗು ‘ಒಂಟೆಗೆ’
ಈಗ ಮಾಲಿಕನ ಪ್ರೀತಿ ಇಲ್ಲ
ಅವನ ಕಾರುಗಳಡಿ ಸಿಕ್ಕು ಒದ್ದಾಡುತ್ತಿದೆ
‘ಓಯೊಸಿಸ್’ ಸುತ್ತಲಿನ ಪ್ರೇಮಿಗಳು
ಮನೆಗೆ ಮರಳು ಬೀಳಲು ಬಿಟ್ಟು
ದಿನ್ನೆಯ ಮೇಲಿಂದ ಹಾರುತ್ತಿದ್ದರೆ
ವಿದೇಶಿಗರು ಜಾರು ಬಂಡೆಯಾಡುತ್ತಿದ್ದಾರೆ.
*****

ಪುಸ್ತಕ: ಗಾಂಜಾ ಡಾಲಿ

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಅಣುಶಕ್ತಿಗಡಿಯಾರ
Next post ನಾನು ಎಲ್ಲಿ ಕರೆದೆ ನಿನ್ನ?

ಸಣ್ಣ ಕತೆ

  • ಆನುಗೋಲು

    ರೈಲು ನಿಲ್ದಾಣದಲ್ಲಿ ನಿಂತಿತು! "ಪೇಪರ! ಡೇಲಿ ಪೇಪರ!........ಟಾಯಿಮ್ಸ, ಫ್ರೀ ಪ್ರೆಸ್, ಸಕಾಳ! ಪ್ಲಾಟ ಫಾರ್ಮ ಮೇಲಿನ ಜನರ ನೂರೆಂಟು ಗದ್ದಲದಲ್ಲಿ ಈ ಧ್ವನಿಯು ಎದ್ದು ಕೇಳಿಸುತ್ತಿತ್ತು. ಹೋಗುವವರ… Read more…

  • ಆ ರಾತ್ರಿ

    ಆ ದಿನ ಮಧ್ಯಾಹ್ನ ವಸಂತನ ಮನೆಯಲ್ಲಿ ಬಹಳ ಗಡಿಬಿಡಿ! ವಸಂತ ತಾನು ಕೂಡುವ ಕೋಣೆಯನ್ನು ಅತ್ಯಂತ ಶಿಸ್ತಿನಿಂದ ಇಡುವ ಕಾರ್ಯದಲ್ಲಿ ಮಗ್ನನಾಗಿದ್ದನು. ಗಡಿಯಾರದ ಮುಳ್ಳುಗಳು ಎರಡು ಗಂಟೆಯಾದುದನ್ನು… Read more…

  • ಮೌನವು ಮುದ್ದಿಗಾಗಿ!

    ಮೋಹನರಾಯರು ರಗ್ಗಿನ ಮಸಕು ತೆಗೆದು ಸುತ್ತಲೂ ನೋಡಲು ಇನ್ನೂ ಎಲ್ಲವೂ ಶಾಂತವಾಗಿಯೇ ಇದ್ದಿತು. ಬೆಳಗಿನ ಜಾವವು ಜಾರಿ, ಸೂರ್ಯನು ಮೇಲಕ್ಕೇರಿದುದು ಅವರಿಗೆ ಅರಿವೇ ಇರಲಿಲ್ಲ. ಅಷ್ಟು ಗಾಢ… Read more…

  • ಮೈಥಿಲೀ

    "ಹಾಗಿದ್ದರೆ, ಪಾಪವೆಂದರೇನು ಗುರುಗಳೇ?" ಕಣ್ಣು ಮುಚ್ಚಿ ಧ್ಯಾನಾಸಕ್ತರಾದ ಯೋಗೀಶ್ವರ ವಿದ್ಯಾರಣ್ಯರು ಕಣ್ತೆರೆಯಲಿಲ್ಲ. ಅಪ್ಪನ ಪ್ರಶ್ನೆಗೆ ಉತ್ತರ ಕೊಡಲಿಲ್ಲ. ತೇಜಪುಂಜವಾದ ಗಂಭೀರವಾದ ಮುಖದ ಮೇಲೊಂದು ಮುಗುಳುನಗೆ ಸುಳಿಯಿತು ಅಷ್ಟೇ!… Read more…

  • ಗೃಹವ್ಯವಸ್ಥೆ

    ಬೆಳಗು ಮುಂಜಾನೆ ಎಂಟು ಗಂಟೆಗೆ ಹೊಗೆಬಂಡಿಯು XX ಸ್ಟೇಶನಕ್ಕೆ ಬಂದು ನಿಂತಿತು. ಸಂತ್ರಾಧಾರವಾಗಿ ಮಳೆ ಹೊಡೆಯುತ್ತಿರುವದರಿಂದ ಪ್ರಯಾಣಸ್ಥರು ಬೇಸತ್ತು ಗಾಡಿಯಿಂದ ಯಾವಾಗ ಇಳಿಯುವೆವೋ ಎಂದೆನ್ನುತ್ತಿದ್ದರು. ನಿರ್ಮಲಾಬಾಯಿಯು ಅವಳ… Read more…

cheap jordans|wholesale air max|wholesale jordans|wholesale jewelry|wholesale jerseys