ಕನ್ನಡ ನಲ್ಬರಹ ತಾಣ
ದೈವವೇ! ಬ್ರಹ್ಮಾಂಡಗಳನು ಮುತ್ತಿಡುವಂಥ
ಭವ್ಯ ಅಪರಂಪಾರ ಶಕ್ತಿಯೇ! ದೇವನಲಿ
ಮೇಲಾಟವನು ಹೂಡಿ ಮೇಲೆಕೆಳಗಾದಂಥ
ಮೇಲ್ಮೆಯೇ! ನೀನೆ ಬೆಂಗಾವಲಿಗ! ಕಾವನಲಿ
ಸ್ಪರ್ಧೆಯೇ? ನಿನ್ನ ತಿರುಳೆನ್ನ ಎದೆಹೊಗಲಿನ್ನು.
ನಿನ್ನ ಹುರುಳೆನ್ನ ಕೊರಳುಸಿರಾಗಿ ಪಸರಿಸಲಿ?
ನಿನ್ನ ಹೆಸರನೆ ಹೇಳಿ ಸೊಗಸು-ಕೋಟಲೆಯಿನ್ನು
ಬಂದು ಬಾಗಿಲವನ್ನು ನೂಕಿರಲಿ! ಭುವನದಲಿ
ನಿನ್ನ ಎದೆಗಾರಿಕೆಯ ಬೆರಗು ಬಿದ್ದಣವಿರಲು
ಹೆದೆಯೇರಿಸಲು ನಾನು ಹಿಂದೆಗೆಯುವೆನೆ? ನನ್ನ
ಬಾಳುವೆಯು ನಿನಗೆಂದು ಮೀಸಲಾಗಿರುವರಳು!
ಕಿರಿದಹುದು, ಇರಲೇನು? ಅರಳಲಿದೆ. ಅರಿದೆನ್ನ
ನೆತ್ತಿಕೊಳೆ ನನ್ನ ನರುಗಂಪು ವಿಭ್ರಮಿಸಿ
ಬಿಡಬಹುದು ಹದಿನಾಲ್ಕು ಲೋಕಗಳ ತಣಿಸಿ!
*****
ಸಿಗರೆಟ್ನ್ನು ಕೊನೆಯ ಸಲ ಎಳೆದು ಬದಿಗಿದ್ದ ಅಶ್ಟ್ರೆಯಲ್ಲಿ ಹಾಕಿದ. ಮೂರು ದಿನಗಳಿಂದ ಹೇಳಲಾಗದಂತಹ ಯಾತನೆ ಅವನನ್ನು ಹಿಂತಿಸುತ್ತಿದೆ. ಇದ್ದಿದ್ದು ಮಿತ್ರನ ಮಾತುಗಳು ಬಂದು ಕಿವಿಗೆ ಅಪ್ಪಳಿಸಿ ಎತ್ತ ನೋಡಿದರೂ ಅವನದೆ ಮುಖ ಕಾಣುತ್ತಿದೆ. “ನಾ ಹೇಳುವದನ್ನು ಅರ್ಥಮಾಡಿ ಕೊಳ್ಳು...
ಈ ಮಾಹಾತ್ಮ್ಯೆ ಯಾವ ಪುರಾಣದಲ್ಲಿದೆ? ಎಲ್ಲಿ ಯಾರು ಹೇಳಿದ್ದು? ಯಾರು ಕೇಳಿದ್ದು? ಯಾವ ಇಷ್ಟಾರ್ಥಸಿದ್ದಿಗಾಗಿ? ಎಂದೆಲ್ಲ ಪ್ರಶ್ನೆಗಳನ್ನು ನೀವು ಕೇಳಬಹುದು. ಉತ್ತರ ಹೇಳುತ್ತಾ ಹೋದರೆ ಪೀಠಿಕಾ ಪ್ರಕರಣವೇ ಉದ್ದ ಬೆಳೆದು ಮಹಾತ್ಮ್ಯೆಯನ್ನು ಕೇಳುವಷ್ಟರಲ್ಲಿ ನಿಮಗೆ ಹಾಕಳಿಗೆ ತೊಡಗಿ ತೂಕಡ...
