ಕನ್ನಡದಾ ಬಾವುಟ

ಕನ್ನಡದಾ ಬಾವುಟವ ಹಾರಿಸಬನ್ನಿ
ಕನ್ನಡದಾ ಕಹಳೆಯ ಮೊಳಗ ಬನ್ನಿ
ಕನ್ನಡದಾ ದೀವಿಗೆ ನೀವಾಗಿ ಬನ್ನಿ
ಕನ್ನಡಿಗರು ನಾವೆಂದು ಎದೆ ತಟ್ಟಿ ಬಾಳಿ||

ಕೆಂಪು ಹಳದಿ ಬಣ್ಣದ ಧ್ವಜವ ಹಿಡಿದು
ವೀರಗಾಥೆಯ ತಿಲಕವನ್ನು ಹಣೆಯ ಮೇಲೆ ಇಟ್ಟು
ಐಕ್ಯತೆಯ ಭಾವುಕದ ಮೆರಗನ್ನು ಕೊಟ್ಟು
ಕನ್ನಡಿಗರು ನಾವೆಂದು ಎದೆ ತಟ್ಟಿ ಬಾಳಿ ||

ಇಟ್ಟ ಹೆಜ್ಜೆ ತೊಟ್ಟ ದೀಕ್ಷೆಕೊಟ್ಟ ಭಾಷೆ
ಮಾನರಕ್ಷೆ ಅಭಿಮಾನ ಪ್ರಾಣಕ್ಕೆ ಮಿಗಿಲು
ಇತಿಹಾಸ ಸಂಸ್ಕೃತಿಯ ಒಕ್ಕಲುತನ ಬೆಳೆದು
ಕನ್ನಡಿಗರ ಕೀರ್ತಿ ಉತ್ತುಂಗವೇರಲಿ ಎಂದೆಂದು||

ತನುಮನ ಕನ್ನಡ ನುಡಿ ಕನ್ನಡ ಬಾಳ್ಗೆ
ಜನಕನ್ನಡ ಗಣಕನ್ನಡ ನಡೆಕನ್ನಡ ಏಳ್ಗೆ
ಸಿರಿತನದ ಅನುಭಾವ ಹಸಿರಾಗಿರಲಿ ಗೆಲ್ಗೆ
ಕನ್ನಡಿಗರು ನಾವೆಂದು ಮನ ಮುಟ್ಟಿ ಕಾಣ್ವೆ||
ಸಿರಿಗನ್ನಡಂ ಗೆಲ್ಗೆ ಸಿರಿಗನ್ನಡಂ ಬಾಳ್ಗೆ
*****