ಬೆಪ್ಪು ಕಡಲು

ತನ್ನಾಳ ಅಗಲ ಶಕ್ತಿ
ತಿಳಿಯದಿವರು
ದಡಗಳ ಕಟ್ಟಿ
ನನಗೇ ಮಿತಿಯೊಡ್ಡುವರೇ?
ತೀರಗಳಾಚೆಯ ಬದುಕಿಗೆ
ತೆರೆಯೆಳೆಯುವರೇ?
ರೋಷಾವೇಶದಿ ಹೂಂಕರಿಸಿ
ಕಡಲು
ದೈತ್ಯಾಕಾರದ ತೆರೆಗಳನ್ನೆಬ್ಬಿಸಿ
ದಡಕ್ಕೆ ಬಡಿದು
ಕಣ್ಣರಳಿಸಿ

ಏನಿದೆ ಇಲ್ಲಿ
ಬರೀ ರಸ ಹೀರಿ ಒಗೆದ ಕಸ
ಬೇಡೆಂದು ನಾನೇ ಒತ್ತರಿಸಿದ
ಒಡೆದ ಖಾಲಿ ಕಪ್ಪೆಚಿಪ್ಪು?
ಇದ ನೋಡಲು ತೀರಕೆ
ಬಂದನೇ ಬೆಪ್ಪು?
ನನ್ನೊಳಗಿನೊಳ ಕೋಣೆಯಲಿ
ಅದೆಷ್ಟು ಹವಳ ಮುತ್ತು!

ನನಗಷ್ಟೇ ಗೊತ್ತು
ನನ್ನ ಅಪೂರ್ವ ಶಕ್ತಿ
ಎಲ್ಲ ಶೂನ್ಯಕೂ ಮುಕ್ತಿ!

ಇದ್ದಕ್ಕಿದ್ದಂತೆ
ಅರಿವು ಮೂಡಿ
ಒಳಸರಿದು
ತನ್ನಾಳದಾಳಕೆ ಇಳಿಯುವಾಗ

ನಾರದ ಗಾಳಿಯ ಗಾಳಿಮಾತು
ನಕ್ಷತ್ರಿಕ ಸೂರ್ಯನ ಸುಳ್ಳುಮಾತು
ಮಾಯಾವಿನಿ ಭೂಮಿಯ
ಭರವಸೆಯ ನುಡಿಕೇಳಿ
ಮತ್ತೆ ರೋಷ ಉಕ್ಕುಕ್ಕಿ

ತನ್ನೊಳಹೊರಗಿನ ಬಗೆಗೆಲ್ಲಾ
ತನಗೇ ತಿಳಿದಿದ್ದರೂ
ಅದೇ ಹೊರಧುಮ್ಮಿಕ್ಕುವ
ಶಾಂತವಾಗಿ ಒಳ ಮೆಲ್ಲನೆ
ಸರಿಯುವ,
ಮತ್ತೆ ಸಿಟ್ಟೇರಿ ಭೋರ್ಗರೆವ
ಹುಚ್ಚರಾಟ
ಈ ಬೆಪ್ಪು ಕಡಲಿಗೆ!
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಭಾರತಿ! ಎಲ್ಲಿಗೆ ಬಂತೇ ನಿನ್ನ ಗತಿ
Next post ಈ ಮಾನವ ಹುಟ್ಟಿ ೨ ದಶಲಕ್ಷ ವರ್ಷಗಳಾದವು

ಸಣ್ಣ ಕತೆ

  • ಹಳ್ಳಿ…

    ಬಂಗಾರ ಬಣ್ಣದ ಕಾರು, ವೇಗವಾಗಿ... ಅತಿವೇಗವಾಗಿ, ಓಡುತ್ತಿತ್ತು. ರೆವ್ರೊಲೆ ಆವಿಯೊಯು-ವಾ-ಹೊಚ್ಚ ಹೊಸ ಮಾದ್ರಿಯ ಹೊರ, ಒಳಗೆ, ಬಲು ವಿಶಿಷ್ಠ, ವಿನೂತನ, ವಿನ್ಯಾಸದ, ಎಬಿ‌ಎಸ್ ಸಿಸ್ಟಮ್ ಕಾರೆಂದರೆ ಕೇಳಬೇಕೆ?… Read more…

  • ದೇವರು ಮತ್ತು ಅಪಘಾತ

    ಊರಿನ ಕೊನೆಯಂಚಿನಲ್ಲಿದ್ದ ಕೆರೆಯಂಗಳದಲ್ಲಿ ಅಣಬೆಗಳಂತೆ ಮೈವೆತ್ತಿದ್ದ ಗುಡಿಸಲುಗಳಲ್ಲಿ ಕೊನೆಯದು ಅವಳದಾಗಿತ್ತು. ನಾಲ್ಕೈದು ಸಾರಿ ಮುನಿಸಿಪಾಲಿಟಿಯವರು ಆ ಗುಡಿಸಲುಗಳನ್ನು ಕಿತ್ತು ಹಾಕಿದ್ದರೂ ಮನುಷ್ಯ ಪ್ರಾಣಿಗಳ ಸೂರಿನ ಅದಮ್ಯ ಅವಶ್ಯಕ… Read more…

  • ಶಾಕಿಂಗ್ ಪ್ರೇಮ ಪ್ರಕರಣ

    ಅವನು ಅವಳನ್ನು ದಿನವೂ ತಪ್ಪದೇ ನೋಡುತ್ತಿದ್ದ. ಅವಳು ಕಾಲೇಜಿಗೆ ಹೋಗುವ ಹೊತ್ತಿಗೆ ಅವಳನ್ನು ಹಿಂಬಾಲಿಸುತ್ತಿದ್ದ. ಕಾಲೇಜು ಬಿಡುವ ಹೊತ್ತಿಗೆ ಗೇಟಿನ ಎದುರು ಕಾದು ನಿಂತು ಮತ್ತೆ ಹಿಂಬಾಲಿಸುತ್ತಿದ್ದ.… Read more…

  • ಕರಾಚಿ ಕಾರಣೋರು

    ಮಳೆಗಾಲ ಆರಂಭವಾಯಿತೆಂದರೆ ಕುಂಞಿಕಣ್ಣ ಕುರುಪ್ಪನ ಏಣೆಲು ಗದ್ದೆಗೆ ನೇಜಿ ಕೆಲಸಕ್ಕೆ ಹೋಗಲು ಕಪಿಲಳ್ಳಿಯ ಹೆಂಗಸರು, ಗಂಡಸರು ತುದಿಗಾಲಲ್ಲಿ ಕಾಯುತ್ತಿರುತ್ತಾರೆ. ವರ್ಷವಿಡೀ ವಿಪ್ರರ ಮತ್ತು ವಿಪ್ರಾತಿವಿಪ್ರರ ಆಡಿಕೆ ತೋಟಗಳಲ್ಲಿ… Read more…

  • ಮಂಜುಳ ಗಾನ

    ಶ್ರೀ ಸರಸ್ವತಿ ಕಾಲೇಜಿನ ಪಾಠಪ್ರವಚನಗಳ ಬಗ್ಗೆ ಎರಡನೆ ಮಾತಿಲ್ಲ. ಅತ್ಯಂತ ಉತ್ತಮ ಗುಣಮಟ್ಟದ ಶಿಕ್ಷಣ ವಿದ್ಯಾರ್ಥಿಗಳಿಗೆ ದೊರಕುತ್ತಿತ್ತು. ಆದರೆ ಈ ಕಾಲೇಜಿನ ವಿಶೇಷವೆಂದರೆ ವಿದ್ಯಾರ್ಥಿಗಳ ಮತ್ತು ಉಪನ್ಯಾಸಕರ… Read more…