ಬನ್ನಿ ಬನ್ನಿ ಯೋಧರೇ |
ದೇಶ ಸೇವೆ ಮಾಡುವ ||
ದೇಶಕಾಗಿ ದುಡಿಯುವ |
ದೇಶಕಾಗಿ ಮಡಿಯುವ ||ಬ||
ಜನ್ಮ ಭೂಮಿ ನಮ್ಮ ಭೂಮಿ |
ಧರ್ಮದಾತೆ ನಮ್ಮ ಮಾತೆ ||
ಧರ್ಮದಿಂದ ನಡೆದು ನಾವು |
ದಕ್ಷತೆಯನ್ನು ತೋರುವ ||ಬ||
ಸಿಡಿಲು ಗುಡುಗು ಏನೇ ಬರಲಿ |
ಕೋಮು ಗಲಭೆಗಳೇನೆ ಆಗಲಿ ||
ಸಂಚುಕಾರರ ಮರ್ಮವೆ ಇರಲಿ |
ದಿಟ್ಟತನದಿ ಎದುರಿಸುವ ||ಬ||
ಇಟ್ಟ ಹೆಜ್ಜೆ ಹಿಂದೆ ಇಡದೆ |
ತೊಟ್ಟ ದೀಕ್ಷೆಯ ತೊರೆಯದೆ ||
ದೇಹ ಪ್ರಾಣ ಇರುವವರೆಗು |
ತಾಯ ಸೇವೆ ಮಾಡುವ ||ಬ||
ಒಂದೇ ತಾಯಿ ಒಂದೇ ನಾಡು |
ಏನೇ ಬರಲಿ ಒಗ್ಗಟಿರಲಿ ಎಂಬ ಮಂತ್ರ ||
ಜೀವ ಕೋಟಿ ತಿಳಿದು ಸಾಗಲಿ |
ಇದು ಸಾಧ್ಯವಾದಾಗಲೆ ಸಂತಸ ಸಂತಸ ||ಬ||
*****
