ಮನೆ

ಭಾವ ಚಿತ್ರಗಳನ್ನು ಹೊತ್ತ ಗೋಡೆ
ಮೌನದಲ್ಲೂ ಇತಿಹಾಸ ಬಿಂಬಿಸುತ್ತದೆ.
ಗೋಡೆಗಳು ಕಿಟಕಿಗಳು, ಬಾಗಿಲುಗಳು
ತಮ್ಮೊಳಗೆ ಮನೆಯ ಮನಸ್ಸಿನ ಕಂಪನಗಳ
ಬಗ್ಗೆ ಮಾತನಾಡಿಕೊಳ್ಳುತ್ತವೆ. ಮತ್ತೆ ಇರುವೆಗಳು
ಎಲ್ಲಾ ಜಾಗಗಳನ್ನು ಮೂಸಿಸುತ್ತವೆ ಹಿತವಾಗಿ.

ಬಚ್ಚಲ ಮನೆಯಲ್ಲಿ ತೊಟ್ಟಿಕ್ಕುವ ನಲ್ಲಿಯ ಹನಿ
ಒಳಗಿನ ಎಲ್ಲಾ ಬಿಕ್ಕುಗಳ ಪ್ರತಿಬಿಂಬಿಸಿ, ಎಲ್ಲಾ
ಗೊಂದಲು ಗೋಜಲುಗಳ ಗಡಿಯಾರ ಮಾತ್ರ
ನಿರ್ದಿಷ್ಟ ಜಾಗದಲ್ಲಿ ಒಂದಾಗತ್ತದೆ.
ತೆರೆದ ಮುಚ್ಚಿದ ಬಾಗಿಲುಗಳಿಂದ ಗಾಳಿ ಬೆಳಕು
ಏನನ್ನಾದರೂ ಕಸಿಕಿದು ತಂದು ಗುಡ್ಡೆ ಹಾಕುತ್ತದೆ.

ಗಿಡದಲ್ಲಿ ಹಾರಾಡುವ ದುಂಬಿ ಒಮ್ಮೊಮ್ಮೆ
ಒಳತೋಟಿಯೊಳಗೆ ಇಳಿದಾಗ ಹೂ ಕಂಪನ,
ಧೀರ್ಘ ಮನಸ್ಸಿನ ಕಂಪ, ಗಾಢ ಶಾಂತಿಯನು ಕಲುಕಿ,
ಒಳ ಹೊರಗೆ ಭಂಗಗೊಳಿಸಿ ಮನೆಯ ಮೌನ
ಬಹಳ ಧೀರ್ಘ, ಮಾತುಗಳಿಲ್ಲದ, ನೋಡದ
ಮುಖಗಳು ಚಹಾದ ವಾಸನೆಯಲಿ ಕರಗುತ್ತವೆ.

ಎಲ್ಲರೂ ದೂರದೂರ, ಯಾರೂ ಬರದ ಬಯಲು
ದಾರಿ, ಶುಭಾಶಯಗಳಿಲ್ಲದ ಬೆಳಗು, ಹುಡುಕಿ
ಹೋಗದ ಊರು, ಮುಚ್ಚಿದ ಬಾಗಿಲು, ಕೌನೆರಳಿನ
ಸಂಜೆ, ನಿರ್ಜೀವ ಕುರ್ಚಿಗಳು, ಕಡಿದುಕೊಂಡ
ಬಂಧ, ಯಾರೂ ಇಲ್ಲದೇ ಬರೀ ನಾಯಿ ಒಂದೇ,
ಒಡೆಯನಿಲ್ಲದ ದೊಡ್ಡ ಮನೆ ಕಾಯುತ್ತಿದೆ.
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಜಯ ಭಾರತ
Next post ಗಾಂಧಾರಿಯ ಮದುವೆ

ಸಣ್ಣ ಕತೆ

  • ಧರ್ಮಸಂಸ್ಥಾಪನಾರ್ಥಾಯ

    ಕಪಿಲಳ್ಳಿಯ ಏಕೈಕ ಸಂರಕ್ಷಕ ಕಪಿಲೇಶ್ವರನ ವಾರ್ಷಿಕ ರಥೋತ್ಸವದ ಮುನ್ನಾದಿನ ಧಾರ್ಮಿಕ ಪ್ರವಚನವೊಂದನ್ನು ಏರ್ಪಡಿಸಲೇಬೇಕೆಂದೂ, ಇಲ್ಲದಿದ್ದರೆ ಜಾತ್ರಾ ಮಹೋತ್ಸವಕ್ಕೆ ತನ್ನ ಸಪೋರ್ಟು ಮತ್ತು ಕೋ-ಆಪರೇಶನ್ನು ಬಿಲ್ಲು ಕುಲ್ಲು ಸಿಗಲಾರದೆಂದೂ,… Read more…

  • ಜಡ

    ಮಾರಯ್ಯನನ್ನು ಅವನ ಹಳ್ಳಿಯಲ್ಲಿ ಹಲವರು ಹಲವು ಹೆಸರುಗಳಿಂದ ಕರೆಯುತ್ತಿದ್ದರು. ಹಾಗಾಗಿ ಅವನ ನಿಜವಾದ ಪೂರ್ತಿ ಹೆಸರು ಮಾರಯ್ಯನೆಂಬುವುದು ಸಮಯ ಬಂದಾಗ ಅವನಿಗೆ ಒತ್ತಿ ಹೇಳಬೇಕಾಗಿ ಬರುತ್ತಿತ್ತು. ಅಂತಹ… Read more…

  • ದೇವರು ಮತ್ತು ಅಪಘಾತ

    ಊರಿನ ಕೊನೆಯಂಚಿನಲ್ಲಿದ್ದ ಕೆರೆಯಂಗಳದಲ್ಲಿ ಅಣಬೆಗಳಂತೆ ಮೈವೆತ್ತಿದ್ದ ಗುಡಿಸಲುಗಳಲ್ಲಿ ಕೊನೆಯದು ಅವಳದಾಗಿತ್ತು. ನಾಲ್ಕೈದು ಸಾರಿ ಮುನಿಸಿಪಾಲಿಟಿಯವರು ಆ ಗುಡಿಸಲುಗಳನ್ನು ಕಿತ್ತು ಹಾಕಿದ್ದರೂ ಮನುಷ್ಯ ಪ್ರಾಣಿಗಳ ಸೂರಿನ ಅದಮ್ಯ ಅವಶ್ಯಕ… Read more…

  • ಮನೆ “ಮಗಳು” ಗರ್ಭಿಣಿಯಾದಾಗ

    ಮನೆ ಮಗಳು "ಸೋನಿ" ಉಡಿ ತುಂಬುವ ಸಮಾರಂಭ. ಬೆಳಗಾವಿ ಜಿಲ್ಲೆಯ ಸದಲಗಾ ಪಟ್ಟಣದ ಪೀರ ಗೌಡಾ ಪಾಟೀಲ ಹಾಗೂ ಅವರ ತಮ್ಮ ಮಹದೇವ ಪಾಟೀಲರಿಗೆ ಎಲ್ಲಿಲ್ಲದ ಸಂಭ್ರಮವಾಯಿತು.… Read more…

  • ಕಳಕೊಂಡವನು

    ಸುಮಾರು ಒಂದು ಗಂಟೆಯ ಪಯಣದಿಂದ ಸುಸ್ತಾದ ಅವನು ಬಸ್ಸಿನಿಂದ ಇಳಿದು ರಸ್ತೆಯ ಬದಿಗೆ ಬಂದು ನಿಂತು ತನ್ನ ಕೈಗಡಿಯಾರ ದೃಷ್ಟಿಸಿದ. ಮಧ್ಯಾಹ್ನ ಒಂದು ಗಂಟೆ. ಒಮ್ಮೆ ಮುಖ… Read more…