ಪ್ರತಿಫಲ

ನೀನು ಗಳಿಸುತ್ತಿಲ್ಲ
ನೀನು ನಿರುದ್ಯೋಗಿ
ಅಷ್ಟೇ ಏಕೆ ಬಡವಿಯೂ ಕೂಡ,
ನಿನಗೆ ಅಬಲೆಯ ಪಟ್ಟ
ಮೇಲೆ ಕಳಸವಿಟ್ಟಂತೆ.

ದಿನಕ್ಕೆ ಹದಿನೆಂಟು ತಾಸು
ಕೆಲಸ ಮಾಡುತ್ತಿರುವೆಯಾ?
ಎದುರು ವಾದಿಸಬೇಡ ಜೋಕೆ
ಮನೆಗೆಲಸ ನಿನ್ನ ಧರ್ಮ
ಅದು ದುಡಿಮೆ ಹೇಗಾದೀತು?

ಬೆಳಿಗ್ಗೆದ್ದು ಸ್ನಾನ – ತಿಂಡಿ
ಮಕ್ಕಳಿಗೆ ಪತಿರಾಯರಿಗೆ
ಸ್ಕೂಲು, ಆಫೀಸು ಮತ್ತೆ
ಮಧ್ಯಾಹ್ನದ ಅಡಿಗೆ
ಅತಿಥಿಗಳ ಸೇವೆ ಬೇರೆ!

ಸಾಯಂಕಾಲ ಸವಾರಿ, ಬಂದಾಗ
ಅಲಂಕರಿಸಿಕೊಂಡು ನಗುನಗುತ್ತಾ
ಸ್ವಾಗತ – ಲಘು ಉಪಾಹಾರ
ಇಷ್ಟೇ ಅಲ್ಲದೇ
ಒಬ್ಬ ಪುಕ್ಕಟೆ ಸೇವಕಿಗೆ
ಅನೇಕ ಕೆಲಸಗಳು
ಅವಳಿಗೆ ಪ್ರತ್ಯೇಕ
ತನಗಾಗಿ ಸಮಯವೆಲ್ಲಿ?

ಮನೆಯ ವಸ್ತುಗಳು
ಸ್ವಲ್ಪ ಅಸ್ತವ್ಯಸ್ತ ಕಂಡರೂ
ಪತಿರಾಯರು ಕಿಡಿಕಿಡಿಯಾಗಿ
ಹೇಳುತ್ತಾರೆ “ಇಡೀ ದಿನ
ಮನೆಯಲ್ಲೇನು ಕಡಿಯುತ್ತಿ?

ಇಡೀ ದಿನ ಸತತ
ಬಿಡುವಿಲ್ಲದ ದುಡಿತ ಮೇಲೆ
ಅವಹೇಳನದ ಮಾತು ಬೇರೆ
ಇದಕ್ಕಿಂತ ದೊಡ್ಡದಾದ
ಪ್ರತಿಫಲ ಇನ್ನೇನು ಬೇಕು?
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಅರ್‍ಧಕೆ ನಿಂತ ಹಾಡುಗಳೆ
Next post ಅಜ್ಜ ಅಜ್ಜಿ

ಸಣ್ಣ ಕತೆ

  • ಬಾಳ ಚಕ್ರ ನಿಲ್ಲಲಿಲ್ಲ

    ತಂದೆಯ ಸಾವು ಕುಟುಂಬವನ್ನೇ ಬೀದಿಪಾಲು ಮಾಡಿತು. ಹೊಸಪೇಟೆಯ ಚಪ್ಪರದ ಹಳ್ಳಿಯಲ್ಲಿ ವಾಸವಾಗಿದ್ದ ಇಮಾಮ್ ಸಾಬ್ ಹಾಗೂ ಝೈನಾಬ್ ದಂಪತಿಗಳಿಗೆ ೬ ಹೆಣ್ಣು ಮಕ್ಕಳು, ಒಂದು ಗಂಡು ಮಗು.… Read more…

  • ಆ ರಾತ್ರಿ

    ಆ ದಿನ ಮಧ್ಯಾಹ್ನ ವಸಂತನ ಮನೆಯಲ್ಲಿ ಬಹಳ ಗಡಿಬಿಡಿ! ವಸಂತ ತಾನು ಕೂಡುವ ಕೋಣೆಯನ್ನು ಅತ್ಯಂತ ಶಿಸ್ತಿನಿಂದ ಇಡುವ ಕಾರ್ಯದಲ್ಲಿ ಮಗ್ನನಾಗಿದ್ದನು. ಗಡಿಯಾರದ ಮುಳ್ಳುಗಳು ಎರಡು ಗಂಟೆಯಾದುದನ್ನು… Read more…

  • ವರ್ಗಿನೋರು

    ಆಗ್ಲೇ ವಾಟು ವಾಲಿತ್ತು. ಯೆಷ್ಟು ವಾಟು ವಾಲ್ದ್ರೇನು? ಬಳ್ಳಾರಿ ಬಿಸ್ಲೆಂದ್ರೆ ಕೇಳ್ಬೇಕೇ? ನಡೆವ... ದಾರ್ಗೆ ಕೆಂಡ ಸುರ್ದಂಗೆ. ನೆಲಂಭೋ ನೆಲಾ... ಝಣ ಝಣ. ‘ಅಲ್ಗೆ’ ಕಾದಂಗೆ. ಕಾಲಿಟ್ರೆ… Read more…

  • ಕೂನನ ಮಗಳು ಕೆಂಚಿಯೂ….

    ಬೊಮ್ಮನಹಳ್ಳಿ ಸಂತೆಯಿಂದ ದಲ್ಲಾಳಿಗೆ ಸಂಚಾಗಾರ ಎಂದು ನೂರು ರೂಪಾಯಿ ಸೇರಿ ಒಂದು ಸಾವಿರದ ಒಂದುನೂರು ಕೊಟ್ಟು ತಂದ ’ಚೆನ್ನಿ’ಕರುಹಾಕಿ ಮೂರು ತಿಂಗಳಲ್ಲಿ ಕೊಟ್ಟಿಗೆಯೊಳಗೆ ಕಾಲು ಜಾರಿ ಬಿದ್ದದ್ದೆ… Read more…

  • ನಂಬಿಕೆ

    ಮಧ್ಯರಾತ್ರಿ ನಿದ್ದೆಯಿಂದ ಎಚ್ಚೆತ್ತ ಕಾದ್ರಿ ಒಮ್ಮೆ ಎಡಕ್ಕೆ ಮತ್ತೊಮ್ಮೆ ಬಲಕ್ಕೆ ಹೊರಳಾಡಿದ. ಹೂ... ಹೂ.... ನಿದ್ರೆ ಬರಲಾರದು. ಎದ್ದು ಕುಳಿತು ಪಕ್ಕದ ಚಾಪೆಯತ್ತ ಕಣ್ಣಾಡಿಸಿದ ಪಾತು ಅವನ… Read more…

cheap jordans|wholesale air max|wholesale jordans|wholesale jewelry|wholesale jerseys