ನಡೆಯಿರಿ ಮಕ್ಕಳೇ
ಶಾಲೆಯ ಕೈದೋಟಕೆ
ಕೇಳಿರಿ ಕೇಳಿರಿ
ಪುಟಾಣಿ ಮಕ್ಕಳೇ
ದೇಹದ ಬಲವರ್‍ಧನಕೆ
ನಿರ್ಮಲ ಮನಸು ಕಾರಣವು
ಇರದಂತೆ ಕ್ರಿಮಿ ಕೀಟ ಕಸ ಕಡ್ಡಿ
ಸ್ವಚ್ಛ ಮಾಡೋಣ ಮನೆಯನು
ಬೀಸಾಡದಿರಿ ಎಲ್ಲೆಂದರಲ್ಲಿ
ಜೋಡಿಸಿ ವಸ್ತುಗಳ ಒಪ್ಪ ಓರಣದಲಿ
ಹಾಕಿರಿ ಬೇಡವಾದ ಪದಾರ್‍ಥಗಳ
ಅದಕ್ಕಿಟ್ಟ ತೊಟ್ಟಿಯಲಿ
ಮನೆಯೇ ಮಂದಿರವು
ತಿಳಿಯಿರಿ ಇದನು ನೀವು
ಉನ್ನತ ಶಕ್ತಿ ಪಡೆಯಿರಿಲ್ಲಿ
ಎಲ್ಲರ ಪ್ರೀತಿ ವಾತ್ಸಲ್ಯದಿಂದಲಿ
ಸಸಿಗಳ ನೆಡಿರಿ ಕಳೆಯನು ಕೀಳಿರಿ
ಕೆಸರಾಗಲಿ ಬೆರಳು ಹಸನಾಗಲಿ ಬದುಕು
ಗಿಡ ಮರ ಬಳ್ಳಿಗಳ ಸಾನ್ನಿಧ್ಯತೆಯಲಿ
ಶುದ್ಧ ಪ್ರಾಣವಾಯು ಸಿಗಲಿ
ಬೆಳೆಯಿರಿ ಪ್ರಕೃತಿ ಮಡಿಲಲಿ
ದೇಹ ಪರಿಶುದ್ಧವಾಗಲಿ
ಸಹೋದರತೆ ಸಮಾನತೆ
ರಕ್ತದಲಿ ಮಿಳಿತವಾಗಲಿ
ನೀವಾಗಿರಿ ಶ್ರವಣ
ಅವ್ವ ಅಪ್ಪನ ಸೇವೆ ಮಾಡುತಲಿ
*****
