ಕನ್ನಡ ನಲ್ಬರಹ ತಾಣ
ಹೂತು ಹೋಗಿದೆ ಒಲವಿನ ಮಾತು
ಉಸಿರು ನರಳಿದೆ ಸೆಣಸುತ ಸೋತು
ಸಾಯುವ ಮುಂಚೆ ನೀರು ಕೊಡಿ
ಬಾಯಾರಿದೆ ಹೃದಯ.
ಹೊಟ್ಟೆಯ ಒಳಗಿನ ಸುಟ್ಟ ವಾಸನೆ
ಬೀದಿಗೆ ಹರಿದು ಬಡತನ ಬಯಲು
ಮೂಗು ಮುಚ್ಚಿದೆ ಮನೆ ಮನೆ ಸಾಲು
ಬೀದಿ ಬೀದಿಯಲಿ ಹುಡುಕಿ ನೋಡಿದರು
ಹೃದಯದ ವಿಳಾಸ ಅಲ್ಲಿಲ್ಲ
ಬೆವರು ಬಸಿದರೂ ಸಿಗಲಿಲ್ಲ.
ಸಾಯುವ ಮುಂಚೆ ನೀರು ಕೊಡಿ
ಬಾಯಾರಿದೆ ಹೃದಯ.
ನೆಲಮಾಳಿಗೆ ಮನಸು
ಸೆರೆವಾಸದ ಕನಸು
ಬೆತ್ತಲ ಭಾವನೆ ಕೊಯ್ಯುವ ಕತ್ತಲು
ಇದ್ದರು ಪ್ರಾಣ, ಗೋರಿಯ ಬದುಕು
ಒಣ ವೇದಾಂತದ ವಿಷ ಸಾಕು
ಸಾಯುವ ಮುಂಚೆ ನೀರು ಕೊಡಿ
ಬಾಯಾರಿದೆ ಹೃದಯ
ಇನ್ನೆಲ್ಲಿದೆ ಸಮಯ?
*****
“ಮಮ್ಮಿ ! ಮಮ್ಮಿ ! ಬೇಗ ಬಾ” “ಅಡಿಗೆ ಮಾಡುತ್ತಾ ಇದ್ದೇನೆ, ಯಾಕೆ ಕಿರಿಚಿಕೊಳ್ಳುತ್ತಾ ಇದ್ದಿಯಾ ರೋಜಿ? ಬರುತ್ತೀನಿ ತಾಳು” ಎಂದಳು ಕೆಲಸದಲ್ಲಿ ನಿರತ ತಾಯಿ. “ಮಮ್ಮಿ! ಒಂದು ನಿಮಿಷ ಬಂದು ನೋಡು, ಕಾಗೆ ಪುಟ್ಟ ಅಳಿಲನ್ನು ಕುಕ್ಕಿ ನೋವು ಮಾಡುತ್ತಾ ...
“ಭಟ್ಟರೇ, ನಿಮಗೆ ಹೇಳಲೊ? ಇಘ್ನೇಶ್ವರರಾಯರು ಅಂದರೆ ನಮ್ಮ ಜಾತಿಗೇ ಭೂಷಣ. ಅವರು ವಕೀಲಿ ಮಾಡಲು ಸುರು ಮಾಡಿದಂದಿನಿಂದ ಬೇರೆ ಜಾತಿಯವರ ಸೊಕ್ಕು ಮುರಿದಿದೆ. ಈಗ ಶೆಟ್ಟಿ ಶಾನಬೋಗರೆಲ್ಲ ಅವರಿಗೆ ರಾಯರೇ ಎಂದು ಸಲಾಮು ಮಾಡುವವರೇ! ನಿಮಗೆ ಹೇಳಲೊ? ಅದು ಒಬ್ಬೊಬ್ಬರ ಜನ್ಮಕುಂಡಲಿ ಇದ್ದ...
