ಮರಳಿ ಬಾ, ಸುರಂಜನಾ

ಅಲ್ಲಿ ಹೋಗದಿರು ಸುರಂಜನಾ
ದಯವಿಟ್ಟು ಮಾತಾಡದಿರು
ಆ ಯುವಕನಲ್ಲಿ.

ಆಕಾಶ ಪರ್ಯಂತ ಹರಡಿರುವ
ಬೆಳ್ಳಿ ಬೆಳಕಿಗೆ ಮರಳಿ ಬಾ, ಸುರಂಜನಾ,
ಮರಳಿ ಈ ಬಯಲಿಗೆ, ತೆರೆಗಳಿಗೆ
ಬಾ ಮರಳಿ ನನ್ನ ಹೃದಯಕೆ
ಅವನ ಜೊತೆ ನಡೆದು ಹೋಗದಿರು
ದೂರ ದೂರ ಅನಂತಕೆ
ಅವನಿಗೆ ನೀನು ಹೇಳುವುದೇನಿದೆ,
ಅವನಿಗೆ?

ಆಕಾಶದ ಹಿಂದಿನಲ್ಲಿ ಮರೆಯಾಗಿ
ಆಕಾಶದಡಿಯಲ್ಲಿ
ನೀನೊಂದು ಭೂಮಿಯಂತೆ
ಅದರ ಮೇಲಿರುವ ಹುಲ್ಲಿನಂತೆ
ಅವನ ಪ್ರೀತಿ ಸುರಂಜನಾ,
ನಿನ್ನ ಹೃದಯವು ಇಂದು
ಹುಲ್ಲಿನಂತೆಯೆ
ಗಾಳಿಯ ಹಗುರ ಚಲನಕೆ
ಅದುರುವುದು
ಗಗನದಾಚೆಗೆ ಚಾಚಿರುವ ಇನ್ನೊಂದು
ಗಗನವಾಗಿರುವುದು……
ಸುರಂಜನಾ, ಬಾ ಹಿಂದಿರುಗಿ….
ಮಾತಾಡದಿರು ಆ ಯುವಕನಲ್ಲಿ.
*****
(ಒಂದು ಬಂಗಾಲಿ ಕವನದಿಂದ ಸ್ಫೂರ್ತಿ)