ಅಮರ

(‘ದಿ. ಜಾನ್ ಕೆನಡಿ’ಯ ಕೊಲೆಯನ್ನು ನೆನೆದು)

ಅಯ್ಯೋ! ಹತನಾದ ವಿಶ್ವ ಪ್ರೇಮಿ!!
ಕಗ್ಗೂಲೆಯ ಕಾಳ ರಾತ್ರಿಯಲಿ
ಜಗ ಬೆರೆಯಿತು….
ವಿಶ್ವ ಪ್ರಾಣದ ರಕ್ತ –
ಕೋಡಿ ಹರಿಯಿತು

ಶೋಕಾಂಬುಧಿಯ ತೆರೆ
ಎದ್ದು ಮೊರೆಯಿತು!

ಜವರಾಯ ನೀ ನನ್ನಿಕಾರನೆಂದು
ನನ್ನಿಯಲೆ ನಿನ್ನ ಒಲವೆಂದು
ಧರೆಯೆಲ್ಲ ನಂಬಿಹುದು….

ಆದರೆ….. ಹುಸಿ,
ನಿನ್ನ ನಂಬಿದ ಕುಲಕೆ
ನೀ ಬರೆದೆ ಎದೆ ಬಿರಿವ ಪುಸಿ

ಹಾಸ…ಪರಿಹಾಸ…..ಮೋಸ!
ನಮ್ಮ ಕನಸಿನ ಮನೆಗೆ
ಎರಗಿ ಬಂದ ನಾಶ…..

‘ಬಾಪು ಆಬೆಗೆ’ ಬಡಿದ ದೆವ್ವ
ಜವಗುಣವ ಮೀರಿ
ಮನುಜತೆಯ ಜೀವಂತ ದೀಪಕೆ ಬಡಿಯಿತು….ದಿವ್ಯ

ಹೊಸಭಾವ, ಜೀವೈಕ್ಯದ ನವೀನ
ರಸದುಂಬಿ
ಮನುಷ್ಯತ್ವ, ಸಮತತ್ವ

ನಿಜವೆಂದು ನಂಬಿ-ದ
ನಿರ್ಮಲ ನಗುಮೊಗದ
ವಿಶ್ವಶಾಂತಿಯ

ಸಹೃದಯ ವಿಶ್ವನೇತ
ಓ ! ನೀನಿಲ್ಲ!!
ಆವ ನಿರ್ದಯ ಕಠೋರ
ನಿರ್ಮಮ ಪ್ರೇತ
ಗೈದಿತು ಮಹಾ
ಪ್ರಾಣಕೆ ಘಾತ….

ನಿನ್ನುಸಿರಿನ
ಬೆಲೆಯನರಿಯದೀ
ಹಾಳು ನರಜಾತಿ

ನಿನ್ನ ಬದುಕಿನ
ನೆಲೆಯ ತಿಳಿಯದೀ
ಕಟುಕವಾನರಕೋತಿ….

ನಿನ್ನಿರವಿನ ಭೇದವರಿಯದ ಜನ
ಕ್ಲೀಬತನಲಿ ಸಿಡಿದರೇನು
ನಂಜಿನ ಗುಂಡು….?

ನೀನಮರ, ಅಜೇಯ
ದೈವ ಮಾನವ,
ಜಗಕಾಗಿ ಮಡಿದ ಗಂಡು…..!
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಛಲೋ ಅಂದರ ನಡೀಬೇಕ
Next post ಲೋಕ ತಾನೆ ತಾನಾಗಿರಲು ನಾವು ಮಾಡುವುದೇನು?

ಸಣ್ಣ ಕತೆ

  • ಆನುಗೋಲು

    ರೈಲು ನಿಲ್ದಾಣದಲ್ಲಿ ನಿಂತಿತು! "ಪೇಪರ! ಡೇಲಿ ಪೇಪರ!........ಟಾಯಿಮ್ಸ, ಫ್ರೀ ಪ್ರೆಸ್, ಸಕಾಳ! ಪ್ಲಾಟ ಫಾರ್ಮ ಮೇಲಿನ ಜನರ ನೂರೆಂಟು ಗದ್ದಲದಲ್ಲಿ ಈ ಧ್ವನಿಯು ಎದ್ದು ಕೇಳಿಸುತ್ತಿತ್ತು. ಹೋಗುವವರ… Read more…

  • ಇರುವುದೆಲ್ಲವ ಬಿಟ್ಟು

    ಕುಮಾರನಿಗೆ ಪಕ್ಕದ ಮನೆಯ ರೆಡಿಯೋದಲ್ಲಿ ಬಸಪ್ಪ ಮಾದರ ಧ್ವನಿ ಕೇಳಿ ಎಚ್ಚರವಾಯ್ತು. ದೇಹಲಿ ಕೇಂದ್ರದಿಂದ ವಾರ್ತೆಗಳು ಬರುತ್ತಿದ್ದವು. ಹಾಸಿಗೆಯಿಂದ ಎದ್ದವನೆ ಕದ ತೆಗೆದ. ಬೆಳಗಿನ ಸೊಗಸು ಕೊರೆವ… Read more…

  • ಮುದುಕನ ಮದುವೆ

    ಎಂಬತ್ತುನಾಲ್ಕು ವರ್ಷದ ನಿವೃತ್ತ ಡಾಕ್ಟರ್ ಶ್ಯಾಮರಾಯರಿಗೆ ೩೮ ವರ್ಷದ ಗೌರಮ್ಮನನ್ನು ಮದುವೆಯಾದಾಗ ಅದು ವೃತ್ತಪತ್ರಿಕೆಗಳಲ್ಲಿ ದೊಡ್ಡ ಅಕ್ಷರಗಳಲ್ಲಿ ಬಂದು ಒಂದು ರೀತಿಯ ಆಶ್ಚರ್ಯ, ಕೋಲಾಹಲ ಎಬ್ಬಿಸಿತ್ತು. ಡಾ.… Read more…

  • ಮೌನರಾಗ

    ಇಪ್ಪತ್ತೊಂಬತ್ತು ದಾಟಿ ಮೂವತ್ತಕ್ಕೆ ಕಾಲಿರಿಸುತ್ತಿದ್ದ ಸುಧೀರ್ ಮದುವೆಯ ಬಗ್ಗೆ ತಾಯಿ ಸೀತಮ್ಮ, ತಂದೆ ರಂಗರಾವ್ ಅವರಿಗೆ ಬಹಳ ಕಾತುರವಿತ್ತು. ಹೆಣ್ಣುಗಳನ್ನು ಸಂದರ್ಶಿಸಲು ಒಪ್ಪದೇ ಇದ್ದ ಸುಧೀರನ ಮನೋ… Read more…

  • ಯಿದು ನಿಜದಿ ಕತೀ…

    ಯೀ ಕತೀನ ನಾ... ಯೀಗಾಗ್ಲೇ, ಬರ್ಲೇಬೇಕಾಗಿತ್ತು! ಆದ್ರೆ ನಾ ಯೀತನ್ಕ...  ಯಾಕೆ ಬರ್ಲೀಲ್ಲ? ನನ್ಗೇ ಗೊತ್ತಿಲ್ಲ. ಯಿದು ನಡೆದಿದ್ದು... ೧೯೬೬ರಲ್ಲಿ. ‘ವುಗಾದಿ ಮುಂದೆ ತಗಾದಿ...’ ಅಂಬಂಗೆ,  ವುಗಾದಿ… Read more…