ಹಾಸಿಗೆ

ಹಾಸಿಗೆ ಹಾಸಿದೆ ನೆಲದಾಗೆ ಅದು
ಹಾಸದ ತಳವಿಲ್ಲ ಜಗದಾಗೆ || ಪ ||

ಹಸುಗೂಸು ಉರುಳಾಡಿ ಕೈಮೈಯಿ ತಿಕ್ಕಾಡಿ
ಹೇಸಿಗೆ ಮಾಡಿದ್ದು ಹಾಸಿಗೆ
ಹಸನಾಗಿ ಹಾಸಿದ್ದ ಗಸಬಸ ಕೆಡಿಸ್ಯಾಡಿ
ರಸದಲ್ಲಿ ಉರುಳಿದ್ದು ಹಾಸಿಗೆ || ೧ ||

ಕಾಮದ ಕಲ್ಪನೆ ಏನೇನೂ ಇರದಾಗ
ಮಾನವ ಮುಚ್ಚಿದ್ದು ಹಾಸಿಗೆ
ಹಡೆದಂಥ ಹಡೆದವ್ವ ಅಳುಗೂಸು ಮೊದಲಾಗಿ
ಸಲಹಿತ್ತು ಜೋಲಿಯ ಹಾಸಿಗೆ || ೨ ||

ಮನೆಯೊಳಗೆ ಮನೆಹೊರಗೆ ಮಾರುದ್ದ ಹಾಸಿಗಿ
ನಿದ್ದೆಯ ಮಬ್ಬಿಗೆ ದಾರಿಯೆ ಹಾಸಿಗೆ
ರೋಗವು ಬಂದರೆ ಬೀಳಲು ಹಾಸಿಗೆ
ಬೀಗರಿಗಾತಿಥ್ಯ ಹಾಸಿಗೆ || ೩ ||

ಪ್ರಿಯನ ವಿಯೋಗದಿ ಪ್ರಿಯೆ ದೂರ ಇರುವಾಗ
ಉರಿಯಾಗಿ ಸುಡುತ್ತಿತ್ತು ಹಾಸಿಗೆ
ಅಂತಿಂಥ ಕಣ್ಣೆಲ್ಲ ಮೈಮೇಲೆ ಹರಿದಾಡಿ
ಮೈಬಿಸಿಯ ಇಳಿಸಿದ್ದು ಹಾಸಿಗೆ || ೪ ||

ಈ ಲೋಕ ಬೇಡಾಗಿ ಆ ಲೋಕ ಬೇಕೆಂದು
ತಪಿಸಲು ಚರ್ಮದ ಹಾಸಿಗೆ
ಎಲ್ಲಾವ ಬಿಟ್ಟಿನ್ನು ಸನ್ನೇಸಿಯಾದಾಗ
ಭೂತಾಯಿ ಆದಾಳು ಹಾಸಿಗೆ || ೫ ||
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಅಸ್ವಸ್ಥರು
Next post ಶ್ರೇಷ್ಟ ಚಿಂತಕ- ಅಮೇರಿಕಾದ ವಾಲ್ಟ ವಿಟ್ಮ್ಯಾನ್ ಬದುಕು ಬವಣೆ

ಸಣ್ಣ ಕತೆ

  • ಮೋಟರ ಮಹಮ್ಮದ

    ನಮ್ಮಂತಹ ಈಗಿನ ಜನಗಳಿಗೆ ಹೊಲ, ಮನೆ, ಪೂರ್ವಾರ್ಜಿತ ಆಸ್ತಿ ಪಾಸ್ತಿಗಳಲ್ಲಿ ಹೆಚ್ಚು ಆದರವಿಲ್ಲೆಂದು ನಮ್ಮ ಹಿರಿಯರು ಮೇಲಿಂದ ಮೇಲೆ ಏನನ್ನೋ ಒಟಗುಟ್ಟುತ್ತಿರುತ್ತಾರೆ. ನಾವಾದರೋ ಹಳ್ಳಿಯನ್ನು ಕಾಣದೆ ಎಷ್ಟೋ… Read more…

  • ಗಂಗೆ ಅಳೆದ ಗಂಗಮ್ಮ

    ಕನ್ನಡ ನಾಡು ಆರ್ಯದ್ರಾವಿಡ ಸಂಸ್ಕೃತಿಗಳನ್ನು ಅರಗಿಸಿಕೊಂಡು ತನ್ನದಾದ ಒಂದು ಉಚ್ಚ ಸಂಸ್ಕೃತಿಯಿಂದ ಬಹು ಪುರಾತನ ಕಾಲದಿಂದಲೂ ಕೀರ್ತಿಯನ್ನು ಪಡೆದಿದೆ. ಇಂತಹ ನಾಡಿನಲ್ಲಿ ಕಾಣುವ ಅವಶೇಷಗಳು ಒಂದೊಂದು ಹಿರಿಸಂಸ್ಕೃತಿಯ… Read more…

  • ಆವಲಹಳ್ಳಿಯಲ್ಲಿ ಸಭೆ

    ಪ್ರಕರಣ ೯ ಹಿಂದೆಯೇ ನಿಶ್ಚೈಸಿದ್ದಂತೆ ಆವಲಹಳ್ಳಿಯಲ್ಲಿ ಉಪಾಧ್ಯಾಯರ ಸಂಘದ ಸಭೆಯನ್ನು ಸೇರಿಸಲು ಏರ್ಪಾಟು ನಡೆದಿತ್ತು. ರಂಗಣ್ಣನು ಹಿಂದಿನ ದಿನ ಸಾಯಂಕಾಲವೇ ಆವಲಹಳ್ಳಿಗೆ ಬಂದು ಮೊಕ್ಕಾಂ ಮಾಡಿದನು. ಸಭೆಯಲ್ಲಿ… Read more…

  • ಸಂಶೋಧನೆ

    ವೇಣುಗೋಪಾಲನ ಜೀವನ ಬೆಳಗು ರಾತ್ರಿಗಳಂತೆ ಒಂದೇ ಮಾಂತ್ರಿಕತೆಗೆ ಹೊಂದಿಕೊಂಡಿತ್ತು. ಬೆಳಿಗ್ಗೆ ಏಳುವುದು ನೈಸರ್ಗಿಕ ವಿಧಿಗಳಿಂದ ಮುಕ್ತನಾಗಿ ಕಾಫಿ ಕುಡಿಯುತ್ತಾ ಅಂದಿನ ದಿನಪತ್ರಿಕೆ ಓದುವುದು, ಓದಿದ್ದರ ಬಗ್ಗೆ ಚಿಂತಿಸುತ್ತಾ… Read more…

  • ಜಂಬದ ಕೋಳಿ

    ಪ್ರಕರಣ ೩ ಜನಾರ್ದನ ಪುರದ ಹಳೆಯ ಇನ್ಸ್‍ಪೆಕ್ಟರಿಗೆ ಮೇಷ್ಟರುಗಳೆಲ್ಲ ಬೀಳ್ಕೊಡುವ ಔತಣವನ್ನು ಏರ್ಪಾಟು ಮಾಡಿದ್ದಾರೆ. ಹಳೆಯ ಇನ್‍ಸ್ಪೆಕ್ಟರು ಒಂದು ಸಾಮಾನ್ಯ ಪಂಚೆಯನ್ನು ಉಟ್ಟು ಕೊಂಡು, ಒಂದು ಚೆಕ್ಕು… Read more…