ತಾರೆಗಳ ಊರಲ್ಲಿ
ಚುಕ್ಕಿ ಚಂದ್ರಮರ ಆಟ
ನನ್ನಾಟ ಇಲ್ಲಿ ನಿನ್ನಾಟ
ನಡುವೆ ಶಿವನಾಟ
ಸುವ್ವಿ ಸುವ್ವಲಾಲಿ ಲಾಲಿ
ಜೋ ಜೋ ||
ನಾಲ್ಕು ಕಂಬಗಳ ನಡುವೆ
ತೂಗುವ ತೊಟ್ಟಿಲು
ಜೀವ ಸೆಳೆವ ಕಂದ
ನಗಲೂ ನಿನ್ನಾಟ..
ನನ್ನಾಟ ನಡುವೆ ಶಿವನಾಟ
ಸುವ್ವಿ ಸುವ್ವಲಾಲಿ ಜೋ ||
ಬಾಳಿನ ಬಳ್ಳಿ ಕರುಳು
ಕವಲು ಒಡೆದ ಕರುಣೇ
ಸಂಬಂಧ ನನ್ನ ಕಂದ
ನನ್ನಾಟ ನಿನ್ನಾಟ ಶಿವನಾಟ
ಸುದ್ದಿ ಸುವ್ವಲಾಲಿ ಲಾಲಿ ಜೋ ||
ಎದೆಹಾಲ ಬಂಧ ನನ್ನ
ಕಂದ ತಾರೆಗಳ ಕಾಣೋ
ಚೆಂದಾಟ ನನ್ನಾಟ ಇಲ್ಲಿ
ನಿನ್ನಾಟ ನಡುವೆ ಶಿವನಾಟ
ಸುವ್ವಿ ಸುವ್ವಲಾಲಿ ಜೋ ಜೋ ||
ಚಂದಮಾಮನಿರುವ
ಅಳಬೇಡ ಕಂದ ಗುಮ್ಮ ಬರುವ
ಮಲಗೋ ನನ್ನ ಆನಂದ
ನನ್ನಾಟ ನಿನ್ನಾಟ ಶಿವನಾಟ
ಸುವ್ವಿ ಸುವ್ವಲಾಲೀ ಜೋ ||
*****
