ಇನ್ನೇನು ಬೇಕು?

ಕಗ್ಗತ್ತಲ ಭೇದಿಸಲೊಂದು ಬಿಸಿಲ ಕೋಲು
ಉಸಿರಾಡಲು ಒಂದಿಷ್ಟು ಗಾಳಿ
ಇನ್ನೇನು ಬೇಕು?

ಕಚ್ಚಲೊಂದು ಬಣ್ಣದ ಚೆಂಡು
ಚಚ್ಚಲೊಂದು ಮರದ ಕುದುರೆ
ಇನ್ನೇನು ಬೇಕು?

ಬರೆಯಲೊಂದು ಮಣಿಕಟ್ಟಿನ ಸ್ಲೇಟು
ಬತ್ತಾಸು ಕೊಳ್ಳಲು ಆರು ಕಾಸು
ಇನ್ನೇನು ಬೇಕು?

ಕಣ್ಣಿಗೆ ಹಚ್ಚಲೊಂದು ಡಬ್ಬ ಕಾಡಿಗೆ
ನವಿಲು ಬಣ್ಣದ ಲಂಗ, ಜರಿ ಅಂಚಿಗೆ
ಇನ್ನೇನು ಬೇಕು?

ಅನಿಸಿದ್ದನ್ನೆಲ್ಲಾ ಹಂಚಿಕೊಳ್ಳಲು ಗೆಳತಿಯರು
ದಿಟ್ಟಿಸಿ ನೋಡುವುದಕಷ್ಟೇ ಚಂದದ ಹುಡುಗ
ಇನ್ನೇನು ಬೇಕು?

ಹುದುಗಿಕೊಳ್ಳುವುದಕ್ಕೊಂದು ಬೆಚ್ಚನೆಯ ಎದೆ
‘ಅಮ್ಮಾ’ ಎಂದು ಕರೆಯಲು ಒಂದು ಮಗು
ಇನ್ನೇನು ಬೇಕು?

ನನ್ನದೇ ಎಂದು ನಲಿದಾಡುವುದಕ್ಕೊಂದು ಮನೆ
ಸುಳಿದಾಡುವುದಕ್ಕೊಂದು ಮಲ್ಲಿಗೆಯ ಕೈ ತೋಟ
ಇನ್ನೇನು ಬೇಕು?

ಮಗನಿಗೊಂದು ಸರ್ಕಾರಿ ನೌಕರಿ
ಮಗಳ ಬಾಳಿಸಲೊಬ್ಬ ಅಳಿಯ
ಇನ್ನೇನು ಬೇಕು?

ಮೊಮ್ಮಗಳಿಗೆ ಸಂಪತ್ತು ಕೀರ್ತಿ
ಸ್ವಂತಕ್ಕೆ ಮುಪ್ಪಿನಲ್ಲೂ ಆದರ ಗೌರವ
ಇನ್ನೇನು ಬೇಕು?

ಮಬ್ಬು ಹರಿಯಲೊಂದು ಮಿಣುಕು ದೀಪ
‘ಮತ್ತೆ ಹುಟ್ಟಿ ಬರಬೇಕು’ ಅಂಥಾ ಶಾಪ
ಇನ್ನೇನು ಬೇಕು?

ಕಗ್ಗತ್ತಲ ಭೇದಿಸಲೊಂದು…
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಸ್ವಾತಂತ್ರ್ಯ ಹೋರಾಟದ ಹಿಂಸೆ
Next post ಅನನ್ಯ

ಸಣ್ಣ ಕತೆ

  • ದಿನಚರಿಯ ಪುಟದಿಂದ

    ಮಂಗಳೂರಿನ ಹೃದಯ ಭಾಗದಿಂದ ಸುಮಾರು ೧೫ ಕಿ.ಮೀ. ದೂರದಲ್ಲಿರುವ ಚಿತ್ರಾಪುರ ಪೇಟೆ ಕೆಲವು ವಿಷಯಗಳಲ್ಲಿ ಪ್ರಖ್ಯಾತಿಯನ್ನು ಹೊಂದಿದೆ. ಸಿಟಿಬಸ್ಸುಗಳು ಇಲ್ಲಿ ಓಡಾಡುತ್ತಿಲ್ಲವಾದರೂ ಬಸ್ಸುಗಳಿಗೇನೂ ಕಮ್ಮಿಯಿಲ್ಲ. ಎಕ್ಸ್‌ಪ್ರೆಸ್ ಬಸ್ಸುಗಳು… Read more…

  • ಕೊಳಲು ಉಳಿದಿದೆ

    ಮಾತಿನ ತೆರೆ ಒಂದು "ನೋಡಿ, ಜನರು ನನ್ನನ್ನು ನೋಡಿ ನಗುತ್ತಾರೆ! ಈ ಬಂಗಾರದ ಕೃಷ್ಣನ ಮೂರ್ತಿ ಇವಳ ಕೈಯಲ್ಲಿ ಯಾವಾಗಲೂ ಏಕೆ ಎಂದು ಕೇಳುತ್ತಾರೆ! ನನ್ನ ಹತ್ತರ… Read more…

  • ಸ್ನೇಹಲತಾ

    ೧೫-೯-೧೯.. ಈಗ ಮನಸ್ಸಿಗೆ ನೆಮ್ಮದಿಯೆನಿಸುತ್ತಿದೆ. ಇಂದಿನಿಂದ ಮತ್ತೆ ನನ್ನ ದಿನಚರಿ ಬರೆಯುವ ಕಾರ್ಯಕ್ರಮವನ್ನು ಆರಂಭಿಸಬೇಕು. ದಿನಚರಿಯೆ ನನ್ನ ಸಹಧರ್ಮಿಣಿ; ನನ್ನ ಸಹ-ಸಂಚಾರಿ; ಅದೆ ನನಗೆ ಸಂತಸ ಕೊಡುವುದು.… Read more…

  • ರಾಧೆಯ ಸ್ವಗತ

    ಈಗ ಸೃಷ್ಟಿಕರ್ತನ್ನು ದೂಷಿಸುತ್ತಾ ಕಾಲ ಕಳೆಯುತ್ತಿದ್ದೇನೆ ಕೃಷ್ಣಾ. ಹೆಂಗಸರಿಗ್ಯಾಕೆ ಅವರ ಪ್ರಿಯಕರರಿಗಿಂತ ಹೆಚ್ಚು ಆಯುಸ್ಸನ್ನು ಅವನು ಕೊಡುತ್ತಾನೋ? ನೀನು ಹೇಳುತ್ತಿದ್ದುದು ಮತ್ತೆ ಮತ್ತೆ ನೆನಪಾಗುತ್ತಿದೆ: "ರಾಧೆ, ಈ… Read more…

  • ಮನೆ “ಮಗಳು” ಗರ್ಭಿಣಿಯಾದಾಗ

    ಮನೆ ಮಗಳು "ಸೋನಿ" ಉಡಿ ತುಂಬುವ ಸಮಾರಂಭ. ಬೆಳಗಾವಿ ಜಿಲ್ಲೆಯ ಸದಲಗಾ ಪಟ್ಟಣದ ಪೀರ ಗೌಡಾ ಪಾಟೀಲ ಹಾಗೂ ಅವರ ತಮ್ಮ ಮಹದೇವ ಪಾಟೀಲರಿಗೆ ಎಲ್ಲಿಲ್ಲದ ಸಂಭ್ರಮವಾಯಿತು.… Read more…