ಯಾವಾಗಲೂ

ಯಾ ಯಾ ಯಾ
ಯಾವಾಗಲೂ

ಯಾವುದನ್ನೂ ಬಯಸದಂತೆ
ಯಾರನ್ನೂ ನೋಯಿಸದಂತೆ
ಯಾಕಾಗೂ ಕೊರಗದಂತೆ
ಯಾರ ಮೇಲೂ ಒರಗದಂತೆ
ಯಾ ಯಾ ಯಾ
ಅಯ್ಯಾ ನಮ್ಮ ನಡೆಸೋ
ಯಾವಾಗಲೂ

ವಾದಕೆಂದೆ ವಾದಿಸದಂತೆ
ವಾಲಗ ಸುಮ್ಮನೆ ಊದದಂತೆ
ವಾರಗೆಯವರ ಮರೆಯದಂತೆ
ವಾರೆ ನೋಟಕೆ ಸೋಲದಂತೆ
ವಾ ವಾ ವಾ
ಅಯ್ಯಾ ನಮ್ಮ ನಡೆಸೋ
ಯಾವಾಗಲೂ

ಗಲ್ಲಕೆ ಕೈಯಿಟ್ಟು ಕೂರದಂತೆ
ಗಗನ ಕುಸುಮಕೆ ಎಳಸದಂತೆ
ಗತಕಾಲವನು ಬಯ್ಯದಂತೆ
ಗದ್ದಿ ಮೋಹಕೆ ತುಯ್ಯದಂತೆ
ಗಾ ಗಾ ಗಾ
ಅಯ್ಯಾ ನಮ್ಮ ನಡೆಸೋ
ಯಾವಾಗಲೂ

ಕಾಲು ನಡೆದು ಕುಸಿಯದಂತೆ
ಹಾಲು ಕುದಿದು ಬಸಿಯದಂತೆ
ಕಡಲು ಮೇರೆ ಮೀರದಂತೆ
ಒಡಲು ಬೇರೆ ಕೋರದಂತೆ
ಲೂ ಲೂ ಲೂ
ಅಯ್ಯಾ ನಮ್ಮ ನಡೆಸೋ
ಯಾವಾಗಲೂ
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಅನುವಾದದ ಕ್ರಿಯಾಶೀಲತೆ
Next post ಬೇವು ಬೆಲ್ಲ

ಸಣ್ಣ ಕತೆ