ಮಾತ್ರಿಯೋಷ್ಕಿ

ಮಾತ್ರಿಯೋಷ್ಕಿ ಮಾಸ್ಕೋದ
ಬೀದಿ ಬೀದಿಯ ಗೊಂಬೆ
ಗೊಂಬೆಯೊಳಗೊಂದು ಗೊಂಬೆ
ಒಂದರೊಳಗೊಂದು ಆದಷ್ಟು ಕುಬ್ಜ
ಆದರೂ ಕುಲುಕಾಟ ಒಳಗೊಳಗೆ
ಗೊರ್ಬಚೇವ್ನ ಗೊಂಬೆ
ಅದರೊಳಗೆ ಬ್ರೇಜ್ನೇವನ ಗೊಂಬೆ
ಒಳಗೆ ಕ್ರುಶ್ಚೇವನ ಗೊಂಬೆ
ಮತ್ತೂ ಒಳಗೆ ಸ್ಟಾಲಿನನ ಗೊಂಬೆ
ತೊಗಲುಗೊಂಬೆಯ ಆಟ

ಈಗ ಭಾರತದ ಗೊಂಬೆ
ನರೇಂದ್ರಮೋದಿಯ ನಯವಂತಿಕೆಯ ಗೊಂಬೆ.
ವಾಜಪೇಯಿಯ ವಿಜಯದ ನಗೆ ಉಸುರುವ ಗೊಂಬೆ
ಮನಮೋಹನರ ಮುತ್ಸದ್ಧಿ ಗೊಂಬೆ
ಚಂದ್ರಶೇಖರರ ಚುರುಕು ಗೊಂಬೆ
ಮತ್ತೂ ಒಳಗೆ ಇಂದಿರಮ್ಮನ ಇಂಗದ
ಮುಖಕಾಂತಿಯ ಬೊಂಬೆ
ಮತ್ತೂ ಒಳಗೆ ಗರ್ಭದಲ್ಲಿ ಜಬರದಸ್ತ
ಜವಾಹರರ ಗೊಂಬೆ

ಸಾಹಿತ್ಯದಲ್ಲೂ ಅದೇ ಗೊಂಬೆಯಾಟ
ಮಾತ್ರಿಯೋಷ್ಕಿ ಮಾಯಾಮಾಟ
ಭೈರಪ್ಪನವರ ಗೊಂಬೆ
ಅದರೊಳಗೆ ಕುವೆಂಪುರವರ ಗೊಂಬೆ
ಒಳ ಗವಿಯಲಿ ಪಂಪ ಕವಿಯ ಗೊಂಬೆ
ಮೂಲಬಿಂಬ ವ್ಯಾಸ ಮಹರ್‍ಷಿಯ ಗೊಂಬೆ
ಅದೇ ಗೊಂಬೆ ತದ್ರೂಪದ ಬಿಂಬ
ವ್ಯತ್ಯಾಸಗೊಂಡ ಆಕಾರವೆಂಬುದಷ್ಟೇ ಭಿನ್ನತೆ
ಮಾತ್ರಿಯೋಷ್ಕಿ ಮಾಂತ್ರಿಕ ಕಲೆ
ಜಗತ್ತಿನೊಳಗೆ ಅದರದೇ ಬಲೆ.
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಇತ್ಯಾದಿ ಏನಿಲ್ಲ… ಪ್ರೀತಿಯಷ್ಟೆ! – ೧೫
Next post ಮುಸ್ಸಂಜೆಯ ಮಿಂಚು – ೧೩