ಗೆಳೆತಿ ನನ್ನ ಪ್ರೀತಿಯ
ನಿನ್ನ ಗೆಳೆತಿಗೆ ಪರಿಚಯಿಸುವೆಯಾ?|
ನನ್ನ ಹೃದಯದ ಮಾತುಗಳ ಅವಳ
ಹೃದಯಕೆ ನೀ ಮುಟ್ಟಿಸುವೆಯಾ||
ಸದಾ ನನ್ನ ಜೊತೆಗಿರುವೆ
ನನ್ನೆಲ್ಲಾ ಆಸೆಗಳ ಅರಿತಿರುವೆ|
ಅವಳ ನಾನೆಷ್ಟು ಪ್ರೀತಿಸುವೆ
ಎಂದು ನೀ ತಿಳಿದಿರುವೆ|
ಆದರೂ ಅದೇಕಿಷ್ಟು ಹೆದರುತ್ತಿರುವೆ
ನೀ ಹೇಳದಿದ್ದರೆ ನಾ ವಂಚಿತನಾಗುವೆ||
ಓ ಮನಸೆಂಬ ಗೆಳತಿಯೆ
ಸಮಯನೋಡಿ ಸಮೀಕರಿಸು |
ನಮ್ಮಿಬ್ಬರ ಒಂದುಗೂಡಿಸೆ
ನೀ ಮನಸುಮಾಡು|
ಕಾಲ ಹರಣವ ಮಾಡದಿರು
ಸಮಯ ಯಾರಿಗೂ ಕಾಯುವುದಿಲ್ಲ|
ಮಿಂಚಿಹೋದ ಮೇಲೆ ಪ್ರಯತ್ನಿಸಿ ಫಲವಿಲ್ಲ
ಭಗ್ನ ಪ್ರೇಮಿಯಾಗೆನ್ನ ಜೊತೆ
ನೀ ಬದುಕುವುದು ಸರಿಎನಿಸುವುದಿಲ್ಲ||
*****
