ಬೆಳಗುಜಾವದಲಿ

ಬೆಳಗುಜಾವದಲಿ
ಹರಿ ನಿನ್ನ ದರ್ಶಿಸೆ
ನಯನಾನಂದವು|
ಪ್ರಸನ್ನ, ಕರುಣಾಸಂಪನ್ನ
ಹರಿ ನಿನ್ನ ಧ್ಯಾನಿಪೇ
ಮನಸಿಗೆ ಹರ್ಷಾನಂದವು|
ಹರಿ ನಿನ್ನನೆಬ್ಬಿಸುವ ಸುಪ್ರಭಾತವು
ಅದುವೇ ಕರ್ಣಾನಂದವು ||

ಉದಯ ರವಿಯು
ನಿನ್ನ ಗುಡಿ ಗೋಪುರದ
ಕಾಂತಿಯನು ಬೆಳಗುತಲಿ
ದ್ವಿಗುಣಗೊಳಿಸುತಿಹನು|
ಹಕ್ಕಿ ಚಿಲಿಪಿಲಿ ಕಲರವ,
ನದಿಯ ಝುಳುಝುಳು ಗಾನ
ಸಂಗೀತ ಸುಧೆಯನುಣಿಸುತ್ತಿಹುದು||

ವಿಪ್ರರೆಲ್ಲರು ಸೇರಿ ಬಗೆ ಬಗೆಯ
ಪೀತಾಂಬರ ಧರಿಸಿ|
ತಿಲಕ ನಾಮಾದಿಗಳನಿರಿಸಿ
ಸಂಧ್ಯಾವಂದನೆ ಮಾಡಿರಲು|
ವೈಕುಂಠ, ಕೈಲಾಸವೇ
ಧರೆಗಿಳಿದಿಹುದೆನಿಸುತ್ತಿಹುದು||

ವನಿತೆ, ಸುಮಂಗಳೆ
ಮುತ್ತೈದೆಯರೆಲ್ಲರು
ನಾರು ಮಡಿಯನುಟ್ಟು
ಹೆಜ್ಜೆ ಪ್ರದಕ್ಷಣೆಯ ಮಾಡಿರಲು|
ಅತ್ತ ಹವನ ಹೋಮಾದಿ
ಮಂತ್ರ ವೇದಘೋಷ ಮೊಳಗಿರಲು
ಈ ಭುವಿ ಸ್ವರ್ಗವೆನಿಸುತ್ತಿಹುದು||
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಅಳಿವಿನ ಅಂಚಿನಲ್ಲಿ ರಾಷ್ಟ್ರ ಪ್ರಾಣಿ
Next post ಗಳಿಗೆಬಟ್ಟಲ ತಿರುವುಗಳಲ್ಲಿ – ೧೨೧

ಸಣ್ಣ ಕತೆ

  • ಬೋರ್ಡು ಒರಸುವ ಬಟ್ಟೆ

    ಪ್ರಕರಣ ೬ ಸುತ್ತಮುತ್ತಲಿನ ಕೆಲವು ಪಾಠಶಾಲೆಗಳನ್ನು ನೋಡಿಕೊಂಡು ರಂಗಣ್ಣ ಜನಾರ್ದನಪುರಕ್ಕೆ ನಾಲ್ಕು ದಿನಗಳ ನಂತರ ಹಿಂದಿರುಗಿದನು. ರೇಂಜಿನಲ್ಲಿ ಹಲವು ಸುಧಾರಣೆಗಳಾಗಬೇಕೆಂಬುದು ಅವನ ಅನುಭವಕ್ಕೆ ಬಂದಿತು. ತನಗೆ ತೋರಿದ… Read more…

  • ಆ ರಾತ್ರಿ

    ಆ ದಿನ ಮಧ್ಯಾಹ್ನ ವಸಂತನ ಮನೆಯಲ್ಲಿ ಬಹಳ ಗಡಿಬಿಡಿ! ವಸಂತ ತಾನು ಕೂಡುವ ಕೋಣೆಯನ್ನು ಅತ್ಯಂತ ಶಿಸ್ತಿನಿಂದ ಇಡುವ ಕಾರ್ಯದಲ್ಲಿ ಮಗ್ನನಾಗಿದ್ದನು. ಗಡಿಯಾರದ ಮುಳ್ಳುಗಳು ಎರಡು ಗಂಟೆಯಾದುದನ್ನು… Read more…

  • ಇನ್ನೊಬ್ಬ

    ದೇವರ ವಿಷಯದಲ್ಲಿ ನಾನು ಅಗ್ನೋಸ್ಟಿಕನೂ ರಾಜಕೀಯದ ವಿಷಯದಲ್ಲಿ ಸೆಂಟ್ರಿಸ್ಟನೂ ಆಗಿದ್ದೇನೆ. ಇವೆರಡೂ ಅಪಾಯವಿಲ್ಲದ ನಿಲುವುಗಳೆಂಬುದು ನನಗೆ ಗೊತ್ತು. ಅಗ್ನೋಸ್ಟಿಕನಾಗಿದ್ದವನನ್ನು ಆಸ್ತಿಕರೂ ನಾಸ್ತಿಕರೊ ಒಂದೇ ತರಹ ಪ್ರೀತಿಯಿಂದ ಕಾಣುತ್ತಾರೆ,… Read more…

  • ಕಲ್ಪನಾ

    ಚಿತ್ರ: ಟಾಮ್ ಬಿ ಇದು ಇಪ್ಪತ್ತು ವರ್ಷಗಳ ಹಿಂದಿನ ಕಥೆ! ಮಾತನಾಡುವ ಸಿನಿಮಾ ಪ್ರಪಂಚ ಅದೇ ಆಗ ದಕ್ಷಿಣ ಭಾರತದಲ್ಲಿ ತಲೆಯೆತ್ತಿದ್ದಿತು! ಸಿನಿಮಾದಲ್ಲಿ ಪಾತ್ರವಹಿಸುವ ನಟಿನಟಿಯರನ್ನು ಅಚ್ಚರಿಯ… Read more…

  • ಅಮ್ಮ

    ‘ಅಮ್ಮನ್ಗೆ ಯಿಡೀ ರಾತ್ರೆಲ್ಲ ವಾಂತಿ ಭೇದಿ ವುಬ್ಸ ಆಯಾಸ... ಕುತ್ರೂಸಾ... ಬಾಳಾ ಯೆಚ್ಕುಡ್ಮೆಯಾಗಿ ರಾಮ್ಪಾರ್ದ ಡಾಕಿಟ್ರಾತ್ರ ತೋರ್ಸಿದ್ರು ಗುಣಾಗಿಲ್ಲ! ನೀ ಆದಷ್ಟು ಗಡಾನೇ ವೂರ್ಗೆ ಬಾಣ್ಣ...’ ಸೇಕ್ರಿ,… Read more…