ಬನ್ನಿ ಮೇಘಗಳೇ
ಬನ್ನಿ ಜೀವನಾಡಿಗಳೇ|
ನನ್ನ ತವರೂರಿಗೆ
ನಾಲ್ಕು ಹನಿಯ ಸುರಿಸಿ|
ನನ್ನ ಅಣ್ಣ ತಮ್ಮಂದಿರ ಉಣಿಸಿ
ಮುಂದೆ ಪ್ರಯಾಣ ಬೆಳೆಸಿ||
ತಾಯಿ ಇರುವಳು ಅಲ್ಲಿ
ನೀರಿಲ್ಲವಂತೆ
ಅಣ್ಣಬೆಳೆದಿಹ ಪೈರು
ಒಣಗುತಿದೆಯಂತೆ|
ನನ್ನ ಸಾಕಿದ ಹಸುಕರುವಿಗೆ
ಮೇವಿಲ್ಲವಂತೆ||
ನಾ ಆಡಿ ಬೆಳೆದಾ ಗುಡಿಯ
ಬಾಗಿಲನು ತೊಳೆಯೆ ಬಾ|
ನಾ ರಂಗೋಲಿ ಹಾಕಿದಾ
ಅಂಗಳವ ಸಾರಿಸಲು ನೀ ಬಾ|
ನನ್ನೂರ ಪುಷ್ಕರಣಿಯ
ತುಂಬಿಸಲು ನೀನೊಮ್ಮೆ ಬಾ||
ನನ್ನೂರ ಗಿರಿಬೆಟ್ಟವದು
ಬಿಸಿಲಿಗೆ ಬಳಲಿಹುದು|
ಹಳ್ಳ ಕೊಳ್ಳ ಕೆರೆಕಟ್ಟೆ ಬಾವಿಗಳು
ಬತ್ತಿ ಬರಡಾಗಿಹವು|
ನನ್ನ ಮನೆದೇವರ
ಪೂಜೆಗೆ ಹೂ ಪತ್ರೆಯದಿಲ್ಲಾ||
*****
ಕವಿ, ಸಾಹಿತ್ಯ ಕೃಷಿಕ, ವೃತ್ತಿಯಲ್ಲಿ ಸಾಪ್ಟ್‍ವೇರ್ ಇಂಜಿನೀಯರ್ ಆಗಿ
ಅಮೋಘ ಸಾಧನೆ ಮಾಡಿರುವ ಆನಂದ ಹೆಬ್ಬಾಳು ಎಂದು ಗುರುತಿಸಿಕೊಂಡಿರುವ ಇವರ ಹೆಸರು ಆನಂದಾಚಾರ್.ಟಿ. ಇವರ ಕಾವ್ಯನಾಮ "ಜಾನಕಿತನಯಾನಂದ". ತಮ್ಮ ಬಿಡುವಿನ ವೇಳೆಯಲ್ಲಿ ಕನ್ನಡ ಸಾಹಿತ್ಯದಲ್ಲಿ ತೊಡಗಿಸಿಕೊಂಡು ಅನೇಕ ಕವನಗಳನ್ನು ರಚಿಸಿ, ಸುಗಮಸಂಗೀತ ಕ್ಷೇತ್ರದ ದಿಗ್ಗಜರಾಗಿದ್ದ ಶ್ರೀಯುತ ಮೈಸೂರು ಅನಂತಸ್ವಾಮಿಯವರ ಸಲಹೆಯಂತೆ ಹೆಚ್ಚಿನ ವಿದ್ಯಾಭ್ಯಾಸಮಾಡಿ, ಜೀವನ ತರಂಗಗಳು, ಮಂಥನ, ಚಕ್ಷು ಹಾಗು ಅಕ್ಷಯ ಎಂಬ ಕವನ ಸಂಕಲನ ರಚಿಸಿದ್ದಾರೆ.
ಅಮೋಘ ಸಾಧನೆ ಮಾಡಿರುವ ಆನಂದ ಹೆಬ್ಬಾಳು ಎಂದು ಗುರುತಿಸಿಕೊಂಡಿರುವ ಇವರ ಹೆಸರು ಆನಂದಾಚಾರ್.ಟಿ. ಇವರ ಕಾವ್ಯನಾಮ "ಜಾನಕಿತನಯಾನಂದ". ತಮ್ಮ ಬಿಡುವಿನ ವೇಳೆಯಲ್ಲಿ ಕನ್ನಡ ಸಾಹಿತ್ಯದಲ್ಲಿ ತೊಡಗಿಸಿಕೊಂಡು ಅನೇಕ ಕವನಗಳನ್ನು ರಚಿಸಿ, ಸುಗಮಸಂಗೀತ ಕ್ಷೇತ್ರದ ದಿಗ್ಗಜರಾಗಿದ್ದ ಶ್ರೀಯುತ ಮೈಸೂರು ಅನಂತಸ್ವಾಮಿಯವರ ಸಲಹೆಯಂತೆ ಹೆಚ್ಚಿನ ವಿದ್ಯಾಭ್ಯಾಸಮಾಡಿ, ಜೀವನ ತರಂಗಗಳು, ಮಂಥನ, ಚಕ್ಷು ಹಾಗು ಅಕ್ಷಯ ಎಂಬ ಕವನ ಸಂಕಲನ ರಚಿಸಿದ್ದಾರೆ.
Latest posts by ಜಾನಕಿತನಯಾನಂದ (see all)
- ಅನುಕರುಣೆಯೆಂಬ - January 18, 2021
- ನಾನು ಅಂಧನಾಗಿ - January 11, 2021
- ಅಲ್ಪ ತೃಪ್ತನಾಗಿರೆ - January 4, 2021