ರಾತ್ರಿ ಬೇಗ ಮಲಗಿ

ಮಕ್ಕಳು :  ರಾತ್ರಿ ಬೇಗ ಮಲಗಿ ಬೆಳಗ್ಗೆ
ಆರಕ್ಕೇಳ್ತೀವಿ
ಸಖತ್ತು ತಿಂಡಿ ಬಾರಿಸಿ ತಪ್ಪದೆ
ಪಾಠ ಓದ್ತೀವಿ.

ಗುಂಡ :    ತಿಂಡಿ ತಿಂಡಿ ತಿಂಡಿ
ತಿನ್ತೀನೊಂದು ಬಂಡಿ!

ಮಕ್ಕಳು :  ಹಟವೇ ಮಾಡದೆ ನಗ್ತಾ ದಿನಾ
ಸ್ಕೂಲಿಗೆ ಹೋಗ್ತೀವಿ,
ಎಲ್ಲರ ಜೊತೇಲು ಕೂತು ಹೇಳಿದ
ಪಾಠ ಕಲಿತೀವಿ.

ಗುಂಡ :    ಪಾಠ ಪಾಠ ಪಾಠ
ಪಾಠ ಮುಗೀತೊ  ಆಟ!

ಮಕ್ಕಳು :  ಸಂಜೆ ಆಯ್ತೋ ಆಟಕ್ಕೇಂತ
ಎಲ್ಲಾ ಓಡ್ತೀವಿ
ಕುಂಟಾಪಿಲ್ಲೆ ಚೆಂಡು ರಿಂಗು
ಎಲ್ಲಾ ಆಡ್ತೀವಿ.

ಗುಂಡ :    ಚೆಂಡು ಚೆಂಡು ಚೆಂಡು
ಉಂಡೆ ಥರ ಗುಂಡು

ಮಕ್ಕಳು :  ಆಟ ಮುಗಿಸಿ ಮನೆಗೆ ಬಂದು
ಪ್ರಾರ್ಥನೆ ಮಾಡ್ತೀವಿ
ಪಾಠ ಓದಿ ಊಟ ಮಾಡಿ
ಗೊರಕೆ ಹಾಕ್ತೀವಿ!

ಗುಂಡ :    ಢರ್ ಢರ್ ಢರ್
ಗೊರ್ ಗೊರ್ ಗೊರ್
ಢರ್ ಢರ್ ಢರ್
ಗೊರ್ ಗೊರ್ ಗೊರ್!
*****