ಸರ್ಕಸ್ಸು

ಜಾಗತಿಕ ಸರ್ಕಸ್ಸು
ಆಕಾಶದ ಮೇಲೆ ಅಂತರ್ಲಾಗ
ಅಕ್ರೊಬಾಟಿಕ್ಸ್
ನಕ್ಷತ್ರದಂತೆ ಹಾಕಿ ವಿದ್ಯು-
ದ್ದೀಪಗಳ ಜಗ್ ಜಗ್ ಪ್ರಭೆಯಲ್ಲಿ
ಕತ್ತಲನು ತೋಳ ಸೆರೆಯೊಳಗೆ
ಸೆರೆಗುಡಿಸಿ ಹಿಡಿದ
ಹುಡುಗಿಯರ ಮಸಲತ್ತು
ಸಾವಿರದೆಂಟು ಆಟಗಳ
ಜಾದೂ ಜಗತ್ತು.

ಅನಿಶ್ಚಿತತೆಯ ಮೇಲೆ ಓಡಾಟ
ಕೆಳಗೆ ತಲೆತಿರುಗಿಸುವ ಪ್ರಪಾತ
ಮುಖವಾಡ ಕಟ್ಟಿ
ತಿಗರಿಯ ಮೇಲೆ ಕತ್ತಿ – ಬೆಂಕಿಯಲಿ ಕಸರತ್ತು
ಗಂಟೆಗೆಂಭತ್ತು ಮೈಲಿ ವೇಗದಲಿ
ಮೃತ್ಯುಗೋಲದ ಒಳಗೆ
ಸಾವಿನ ತುಟಿಗೆ ಮುತ್ತು
ದೊಡ್ಡ ರಾಕ್ಷಸ ಕೊಳವೆ ವಾದ್ಯಗಳ
ಹಂಡೆ ತಬಲೆಗಳ
ಮೇಳ
ಹುಚ್ಚೆದ್ದು ಬೊಬ್ಬಿಡುವ
ಜಾಜ್ ಸಂಗೀತದ ಮಜಾ.

ಸ್ವಾಮಿ, ಇದೋ ನೋಡಿ
ಕೊನೆಯ ಹೈಲೈಟು.
ಬಿಕಿನಿ ಹುಡುಗಿಯ ಜತೆ
ಮುದಿ ಚಿಂಪಾಂಜಿಯ ಕುಸ್ತಿ
ಸೊಂಟ ಸೋಲುವ ವರೆಗೆ.
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಅಂತ್ಯವಲ್ಲ
Next post ಬಿಕ್ಕಳಿಕೆ

ಸಣ್ಣ ಕತೆ

  • ನಿರೀಕ್ಷೆ

    -

    ಆ ಹಣ್ಣು ಮುದುಕ ಎಲ್ಲಿಂದ ಬರುತ್ತಾನೆ, ಎಲ್ಲಿಗೆ ಹೋಗುತ್ತಾನೆ ಎಂದು ಯಾರಿಗೂ ತಿಳಿಯದು. ಆದರೆ ಎಲ್ಲರೂ ಅವನನ್ನು ಕಲ್ಲು ಬೆಂಚಿನ ಮುದುಕ ಎಂದೇ ಕರೆಯುತ್ತಾರೆ. ಪ್ರೈಮರಿ ಶಾಲೆಯ… ಮುಂದೆ ಓದಿ.. 

  • ತಿಮ್ಮರಯಪ್ಪನ ಕಥೆ…

    -

    ರಂಗಣ್ಣ ಎರಡು ತಿಂಗಳು ಕಾಲ ರಜ ತೆಗೆದು ಕೊಂಡು ಬೆಂಗಳೂರಿಗೆ ಬಂದು ವಾಸಮಾಡುತ್ತಿದ್ದನು. ಶಿವಮೊಗ್ಗದಲ್ಲಿ ಪಿತ್ತವೇರಿಸುವ ತುಂಗಾಪಾನವನ್ನು ನಿತ್ಯವೂ ಮಾಡಿ, ಕಿವಿ ಮೂಗು ಬಾಯಿಗಳಿಗೆಲ್ಲ ಮುಸುರುವ ಸೊಳ್ಳೆಗಳ… ಮುಂದೆ ಓದಿ.. 

  • ವಿರೇಚನೆ

    -

    ರವಿವಾರ ರಜವೆಂದು ರಾಮರಾವು ಶನಿವಾರ ರಾತ್ರಿಯೇ ಭೇದಿಗೆ ಔಷಧಿ ತೆಗೆದುಕೊಂಡ, ಕೆಲವು ತಿಂಗಳುಗಳಿಂದ ಊಟಕ್ಕೆ ರುಚಿಯಿಲ್ಲ. ತಿಂದದ್ದು ಜೀರ್ಣವಾಗುವುದಿಲ್ಲ. ರಾತ್ರಿ ನಿದ್ರೆ ಬರುವುದಿಲ್ಲ, ಹೊಟ್ಟೆ ಉಬ್ಬುತ್ತಿದೆ, ದೃಷ್ಟಿ… ಮುಂದೆ ಓದಿ.. 

  • ತನ್ನೊಳಗಣ ಕಿಚ್ಚು…

    -

    ಶಕೀಲಾ ಇನ್ನೂ ಮನೆಗೆ ಬಂದಿಲ್ಲ ಮೈಮೇಲೆ ಮುಳ್ಳುಗಳು ಎದ್ದಂಗಾಗದೆ. ಅಸಲು ಜೀವಂತ ಅದಾಳೋ? ಉಳಿದಾಳೆ ಜಿಂದಾ ಅಂಬೋದಾದ್ರೆ ಎಲ್ಲಿ? ಕತ್ಲೆ ಕವ್ಕತಾ ಅದೆ. ಈಗಷ್ಟೇ ಒಂದು ಗಂಟೆ… ಮುಂದೆ ಓದಿ.. 

  • ಮರೀಚಿಕೆ

    -

    ನಂಬಿದರೆ ನಂಬಿ ಬಿಟ್ಟರೆ ಬಿಡಿ ನನ್ನೆಲ್ಲಾ ಭಾವನೆಗಳೂ ತಬ್ಬಲಿಗಳಾಗಿಬಿಟ್ಟಿವೆ. ಪ್ರೇಮವೆಂದರೆ ತ್ಯಾಗವೆ, ಭೋಗವೆ, ಭ್ರಮೆಯೆ ಆಥವಾ ಕೇವಲ ದಾಸ್ಯವೆ? ಮನಸ್ಸಿಗಾದ ಗ್ಯಾಂಗ್ರಿನ್ ಕಾಯಿಲೆಯೆ? ಇಂತಹ ದುರಾರೋಚನೆಗಳು ಹುಟ್ಟಲು… ಮುಂದೆ ಓದಿ..