ತಂದೆಯವರಿಗೆ

ನೀವೀಗ ಕಲಿಸುತ್ತಿರಬಹುದು ಭೂಮಿತಿಯ ಪ್ರಮೇಯವೊಂದನ್ನು
ಎಸ್. ಎಸ್, ಎಲ್. ಸಿ. ಯಲ್ಲಿ ಗಣಿತಕ್ಕೆ
ನೂರಕ್ಕೆ ನೂರು ಪಡೆದ ವಿದ್ಯಾರ್ಥಿ ನೀವು
ಈಗ ವಿದ್ಯಾರ್ಥಿಗಳ ಎದುರು ನಿಂತಿದ್ದೀರಿ
ಹೇಳುತ್ತಿದ್ದೀರಿ : ಲುಕ್ ಹಿಯರ್

ಆ ಅದೇ ಬೆಂಚಿನ ಮೇಲೆ ನಾನು ಕೂತಿದ್ದೆ
ಹನ್ನೆರಡು ವರ್ಷಗಳ ಹಿಂದೆ
ಬೀಜಗಣಿತ, ಪೈಥಾಗೋರಸನ ನಿಯಮ
ಭೂಮಿತಿಯ ಆರು ಪ್ರಮೇಯಗಳು
ಎಲ್ಲಾ ಕಲಿಯುತ್ತ ಮುಂದೆ

ಕಾಲೇಜಿಗೆ ಬಂದೆ, ಅಲ್ಲಿಂದ ಯೂನಿವರ್ಸಿಟಿ
ತ್ರಿವೇಂದ್ರಂ-ಬೆಂಗಳೂರು
ಇಲ್ಲಿ ನಾನಿಲ್ಲದಾಗ ನೀವು ಬಂದು
ಬದುಕು ಅದರಾಚೆಗಿನ ಹೋರಾಟ ನಡೆಸಿದಿರಿ
ನಾನು ಬಂದಾಗ
ಒಂದು ಲೆಕ್ಕ ಬಿಡಿಸಿದ ನಿರಂಬಳದಲ್ಲಿ
ಮಲಗಿದ್ದಿರಿ ನನ್ನ ಪ್ರೀತಿಯ ಗಣಿತದ ಟೀಚರ್

ನಿಮ್ಮನ್ನು ಅಭಿನಂದಿಸಲೆ ? ತಪ್ಪಾದೀತು
ನನ್ನ ಪ್ರೀತಿಯ ಅಪ್ಪ
ನಾನು ಮಾಡಿದ ತಪ್ಪ
ಕ್ಷಮಿಸುತ್ತಲೇ ಬಂದಿರುವೆ, ನಿನಗೀಗ ಐವತ್ತೇಳು
ನಿನ್ನ ಸಾತ್ವಿಕ ಕೆಚ್ಚು, ಜೀವ ಮಾಧುರ್ಯ
ಲವಲವಿಕೆ, ಜೀವನ ದೃಷ್ಟಿ
ಎಲ್ಲವೂ ಲುಕ್ ಹಿಯರ್, ಲುಕ್ ಹಿಯರ್
ಎಂದು ಕರೆದಂತಾಗುತ್ತಿದೆ ನನಗೆ
ನೀವೋ
ಭೂತಾಕಾರದ ಹಳದಿ ಕಂಪಾಸ್ ಹಿಡಿದು
ವೃತ್ತ ರಚಿಸುತ್ತೀರಿ, ವ್ಯಾಸ ಎಳೆಯುತ್ತೀರಿ
ಮತ್ತೆ
ಇವನ್ನೆಲ್ಲ ಮೀರುತ್ತಲೇ ಬಂದಿದ್ದೀರಿ

ನನ್ನ ಕೃತಜ್ಞತೆಗಳು ನಿಮಗೆ.
*****

ಕೀಲಿಕರಣ : ಎಮ್.ಎನ್.ಎಸ್.ರಾವ್

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಮಲಗೋ ಮಲಗೆನ್ನ ಮರಿಯೆ
Next post ರಾಘವೇಂದ್ರ ಭಾರತಿ ಅಂಬೋ ಆಸಾಮಿಗೆ ಬಡಿದ ಗೋ-ಗ್ರಹಣ

ಸಣ್ಣ ಕತೆ

  • ಸಂಶೋಧನೆ

    ವೇಣುಗೋಪಾಲನ ಜೀವನ ಬೆಳಗು ರಾತ್ರಿಗಳಂತೆ ಒಂದೇ ಮಾಂತ್ರಿಕತೆಗೆ ಹೊಂದಿಕೊಂಡಿತ್ತು. ಬೆಳಿಗ್ಗೆ ಏಳುವುದು ನೈಸರ್ಗಿಕ ವಿಧಿಗಳಿಂದ ಮುಕ್ತನಾಗಿ ಕಾಫಿ ಕುಡಿಯುತ್ತಾ ಅಂದಿನ ದಿನಪತ್ರಿಕೆ ಓದುವುದು, ಓದಿದ್ದರ ಬಗ್ಗೆ ಚಿಂತಿಸುತ್ತಾ… Read more…

  • ಕಳಕೊಂಡವನು

    ಸುಮಾರು ಒಂದು ಗಂಟೆಯ ಪಯಣದಿಂದ ಸುಸ್ತಾದ ಅವನು ಬಸ್ಸಿನಿಂದ ಇಳಿದು ರಸ್ತೆಯ ಬದಿಗೆ ಬಂದು ನಿಂತು ತನ್ನ ಕೈಗಡಿಯಾರ ದೃಷ್ಟಿಸಿದ. ಮಧ್ಯಾಹ್ನ ಒಂದು ಗಂಟೆ. ಒಮ್ಮೆ ಮುಖ… Read more…

  • ಶಾಕಿಂಗ್ ಪ್ರೇಮ ಪ್ರಕರಣ

    ಅವನು ಅವಳನ್ನು ದಿನವೂ ತಪ್ಪದೇ ನೋಡುತ್ತಿದ್ದ. ಅವಳು ಕಾಲೇಜಿಗೆ ಹೋಗುವ ಹೊತ್ತಿಗೆ ಅವಳನ್ನು ಹಿಂಬಾಲಿಸುತ್ತಿದ್ದ. ಕಾಲೇಜು ಬಿಡುವ ಹೊತ್ತಿಗೆ ಗೇಟಿನ ಎದುರು ಕಾದು ನಿಂತು ಮತ್ತೆ ಹಿಂಬಾಲಿಸುತ್ತಿದ್ದ.… Read more…

  • ಕೇರೀಜಂ…

    ಮಂಜೇಲ್ಮುಂಜೇಲಿ ಯೆದ್ಬೇಗ್ನೇ ಕೇರ್ಮುಂದ್ಗಡೆ ಸಿವಪ್ಪ ಚೂರಿ, ಕತ್ತಿ, ಕುಡ್ಗೋಲು, ಯಿಳ್ಗೆಮಣೆ, ಕೊಡ್ಲಿನ... ಮಸ್ಗೆಲ್ಗೆ ಆಕಿ, ಗಸ್ಗಾಸಾ... ನುಣ್ಗೆ ತ್ವಟ್ವಟ್ಟೇ... ನೀರ್ಬಟ್ಗಾಂತಾ, ಜ್ವಲ್ಸುರ್ಗಿಗ್ಯಾಂತಾ, ಅವ್ಡುಗಚ್ಗೊಂಡೂ ಮಸೆಯತೊಡ್ಗಿದ್ವನ... ಕಟ್ದಿ ತುರ್ಬು,… Read more…

  • ಒಂದು ಹಿಡಿ ಪ್ರೀತಿ

    ತೆಂಗಿನ ತೋಟದಲ್ಲಿ ಬಾಗಿಕೊಂಡು ಹಣ್ಣಾಗಿ ಉದುರಿದ ಅಡಕೆಗಳನ್ನು ಒಂದೊಂದಾಗಿ ಹೆಕ್ಕಿ, ಸನಿಹದಲ್ಲಿದ್ದ ಪ್ಲಾಸ್ಟಿಕ್ ಚೀಲಕ್ಕೆ ತುಂಬಿಸುತ್ತಿದ್ದಂತೆ ಪಕ್ಕದಲ್ಲಿ ಸರಕ್ಕನೆ ಹರಿದು ಹೋದ ಕೇರೆ ಹಾವಿನಿಂದಾಗಿ ಒಮ್ಮೆ ವಿಚಲಿತರಾದರು… Read more…