ಕನ್ನಡ ನಲ್ಬರಹ ತಾಣ
ಅವಳ ಹೆಸರು ಇವಳಿಗಿಷ್ಟ
ಇವಳ ಹೆಸರು ಅವಳಿಗಿಷ್ಟ
ಅವಳ ಹೆಸರಲಿವಳ ಕರೆದು
ಇವಳ ಹೆಸರಲವಳ ಕರೆದು
ನೋಡಬೇಕೇ ನಾನು ಹಾಡಬೇಕೇ
ಮಲ್ಲಿಗೆಗೆ ಗುಲಾಬಿಯಿಷ್ಟ
ಗುಲಾಬಿಗೆ ಮಲ್ಲಿಗೆಯಿಷ್ಟ
ಅದರ ಪರಿಮಳ ಇದಕೆ ಇಟ್ಟು
ಇದರ ಬಣ್ಣ ಅದಕೆ ಕೊಟ್ಟು
ನೋಡಬೇಕೇ ನಾನು ಹಾಡಬೇಕೇ
ಕುರಿಗಳಿಗೆ ಮೋಡಗಳಿಷ್ಟ
ಮೋಡಗಳಿಗೆ ಕುರಿಗಳಿಷ್ಟ
ಕುರಿಗಳ ತುಪ್ಪುಳ ಮೋಡಕೆ ಅಂಟಿಸಿ
ಮೋಡದ ಹಗುರದಿ ಕುರಿಗಳ ತೇಲಿಸಿ
ನೋಡಬೇಕೇ ನಾನು ಹಾಡಬೇಕೇ
ಮುಂಜಾನೆಯ ಮಂಜಿಗೆ ಹೊಗೆಯಿಷ್ಟ
ಹೊಗೆಗೋ ಮುಂಜಾನೆಯ ಮಂಜಿಷ್ಟ
ಕೆಳಗಿಳಿಯುವುದನು ಮೇಲಕೆ ಕಳಿಸಿ
ಮೇಲೇರುವುದನು ಕೆಳಕ್ಕೆ ಇಳಿಸಿ
ನೋಡಬೇಕೇ ನಾನು ಹಾಡಬೇಕೇ
*****
ಸರಲಾಕ್ಷ ಹುಲಿಮೀಸೆಯು ಮನೆಯಲ್ಲಿ ಬಂದಿರಲಾರಂಭಿಸಿದಂದಿನಿಂದ ತಾನು ತೊಂದರೆಗೊಂಡು ಬೇಸತ್ತು ಹೋಗಿರುವೆನೆಂದು ವಸತಿಗೃಹದ ಸ್ವಾಮಿನಿಯಾದ ಲೀಲಾಬಾಯಿಯು ದೂರಿಕೊಳ್ಳುತ್ತಿದ್ದಳು. “ಕೆಟ್ಟ ಮೋರೆಯವರೂ ಅಸಭ್ಯರೂ ಸುಟ್ಟಮನೆಯವರೂ ಸುಡದ ಮನೆಯವರೂ ತೆರವಿಲ್ಲದೆ ನನ್ನ ಮನೆಗೆ ಬರುತ್ತಿರುವ...
ಸರ್, ಗುಡ್ ಮಾರ್ನಿಂಗ್, ಮೇ ಐ ಕಮೀನ್ ಸರ್ – ನಿತ್ಯ ಆಫೀಸಿನ ಅವಧಿ ಪ್ರಾರಂಭವಾಗುತ್ತಲೇ ಹಿಂದಿನ ದಿನ ರೆಡಿ ಮಾಡಿದ ಹತ್ತಾರು ಕಾಗದ ಪತ್ರಗಳಿಗೆ ಸಹಿ ಪಡೆಯಲು, ಇಲ್ಲವೇ ಹಿಂದಿನ ದಿನದ ಎಲ್ಲ ಫೈಲುಗಳ ಚೆಕ್ ಮಾಡಿಸಲು, ಕೈಯಲ್ಲಿ ಫೈಲುಗಳ ಕಟ್ಟು ಹಿಡಿದು ಬಾಗಿಲ ಮರೆಯಲ್ಲಿ ನಿಂತು ...
ಕೋತಿಯಿಂದ ನಿಮಗಿನ್ನೆಂಥಾ ಭಾಗ್ಯ! ನೀವು ಹೇಳುವ ಮಾತು ಸರಿ! ಬಿಡಿ! ತುಂಗಮ್ಮನವರೆ. ಇದೇನೆಂತ ಹೇಳುವಿರಿ! ಯಾರಾದರೂ ನಂಬುವ ಮಾತೇನರೀ! ಕೊತೀಂತೀರಿ. ಬಹುಲಕ್ಷಣವಾಗಿತ್ತಿರಿ ಎಂತೀರಿ? ಅದು ಹೇಗೋ ಎನೋ, ನಾನಂತೂ ನಂಬಲಾರನರೀ!” “ಹೀಗೆಂತ ನೆರ ಮನೆ ಪುಟ್ಟಮ್ಮನವರು ಹೇಳಿದರು....
ಕೀಲಿಕರಣ: ಕಿಶೋರ್ ಚಂದ್ರ
