ಕನ್ನಡ ನಲ್ಬರಹ ತಾಣ
ಹಸಿರು ಮರಗಳು ತೇರು ಎಳೆದಿವೆ
ಇಗೋ ನೀಲಿಯ ಮುಗಿಲಲಿ
ಶಿಖರ ಸಾಲ್ಗಳು ತಬ್ಬಿ ನಿಂದಿವೆ
ಅಗೋ ಧಾರೆಯ ಜಲದಲಿ
ಮುಗಿಯಲಾರದ ಮುಗಿಲು ಮುಗಿದಿದೆ
ಕ್ಷಿತಿಜ ಓಕುಳಿಯಾಡಿದೆ
ಸಿಡಿಲು ಘಂಟಾನಾದ ಮೊಳಗಿದೆ
ಕಡಲು ಭೂಮಿಯ ತಬ್ಬಿದೆ
ಮಿನುಗು ತಾರೆಯ ಗಗನ ನೀರೆಯ
ಕೇಶ ಹಾಸಿದೆ ಹುಡಿಯಲಿ
ಹಗಲು ರಾತ್ರಿಯ ಮಿಲನ ಮಾಡಿದೆ
ಕಾಡು ಕಂದರ ಕೊಳದಲಿ
ಮೌನ ಗಿಣಿಯು ಮಾತನಾಡಿದೆ
ಮರಿಗೆ ಗುಟುಕನು ಉಣಿಸಿದೆ
ಮಗುವು ತಾಯಿಯ ತಬ್ಬಿ ಹಿಡಿದಿದೆ
ಎದೆಯ ಹಾಲನು ಕುಡಿದಿದೆ
*****
“ಮಮ್ಮಿ ! ಮಮ್ಮಿ ! ಬೇಗ ಬಾ” “ಅಡಿಗೆ ಮಾಡುತ್ತಾ ಇದ್ದೇನೆ, ಯಾಕೆ ಕಿರಿಚಿಕೊಳ್ಳುತ್ತಾ ಇದ್ದಿಯಾ ರೋಜಿ? ಬರುತ್ತೀನಿ ತಾಳು” ಎಂದಳು ಕೆಲಸದಲ್ಲಿ ನಿರತ ತಾಯಿ. “ಮಮ್ಮಿ! ಒಂದು ನಿಮಿಷ ಬಂದು ನೋಡು, ಕಾಗೆ ಪುಟ್ಟ ಅಳಿಲನ್ನು ಕುಕ್ಕಿ ನೋವು ಮಾಡುತ್ತಾ ...
“ಭಟ್ಟರೇ, ನಿಮಗೆ ಹೇಳಲೊ? ಇಘ್ನೇಶ್ವರರಾಯರು ಅಂದರೆ ನಮ್ಮ ಜಾತಿಗೇ ಭೂಷಣ. ಅವರು ವಕೀಲಿ ಮಾಡಲು ಸುರು ಮಾಡಿದಂದಿನಿಂದ ಬೇರೆ ಜಾತಿಯವರ ಸೊಕ್ಕು ಮುರಿದಿದೆ. ಈಗ ಶೆಟ್ಟಿ ಶಾನಬೋಗರೆಲ್ಲ ಅವರಿಗೆ ರಾಯರೇ ಎಂದು ಸಲಾಮು ಮಾಡುವವರೇ! ನಿಮಗೆ ಹೇಳಲೊ? ಅದು ಒಬ್ಬೊಬ್ಬರ ಜನ್ಮಕುಂಡಲಿ ಇದ್ದ...
