ಕನ್ನಡ ನಲ್ಬರಹ ತಾಣ
ಬೇಲಿಯ ಹೂಗಳು ನಾವು
ಬೆಳದಿಂಗಳ ಬಾಲೆಯು ನೀನು||
ತರತರಹದ ಬಣ್ಣಗಳಲಿ,
ತರತರದ ನೋವುಗಳಲಿ ನಾವು|
ಸಂತಸದಲಿ ಮೈತುಂಬಿ
ಸ್ವಚ್ಚ ಬಿಳಿಯ ಬಣ್ಣದಲಿ
ಕಾಣಸಿಗುವೆ ನೀನು||
ಪ್ರತಿ ತಿಂಗಳಿಗೊಮ್ಮೆ
ನಿನಗೆ ಮರುವಸಂತದ ಸಂತಸ|
ನಮಗೆಲ್ಲಾ ವರ್ಷಕ್ಕೊಂದೇ ವಸಂತ ಮಾಸ|
ಯಾರ ಸೇವೆಗೂ ಮುಡಿಪಾಗಿರದ
ಯಾವಲೆಕ್ಕಕೂ ಸಿಗದ ಜೀವನ ನಮ್ಮದು|
ಸೂರ್ಯಚಂದ್ರರಿಬ್ಬರಿಗೆ ನಮ್ಮ ಸತ್ಯ
ತಿಳಿದಿಹುದು||
ಗಾಳಿಗೆ ತೂಗಿ ಬಿಸಿಲಿಗೆ ಬಾಗಿ
ದುಂಬಿಗಳಿಗೆ ಹಸಿವ ನೀಗಿ
ದಣಿಯದಲೆ ಸಾಯುವ ಜೀವನ ನಮ್ಮದು|
ಮುಡಿಗೆ ಏರದ ಹೂಹಾರಕ್ಕೆ ತಾ ಸಿಗದ
ಪ್ರಕೃತಿಯ ಮಾತೆಯ ಮಡಿಲ ಸೇರುವ
ಬೇಲಿಯ ಹೂಗಳು ನಾವು||
*****
“ವತ್ಸಲಾ……..!” ನಿಟ್ಟುಸುರಿನೊಂದಿಗೆ ಕುಮಾರನು ಆರಾಮ ಕುರ್ಚಿಯ ಮೇಲೆ ದೊಪ್ಪನೆ ಬಿದ್ದು ಕೊಂಡನು. ಚಿಕ್ಕಬಾಲಕನೊಬ್ಬನು ಕಿಡಿಕಿಯಲ್ಲಿ ಹಣಿಕಿ ಹಾಕಿ “ಕುಮಾರಣ್ಣ” ಎಂದು ಕೂಗಿದಂತಾಯಿತು. ಎದ್ದು ನೋಡುತ್ತಾನೆ; ಕೆಂಪು ಮಸಿಯಿಂದ ವಿಳಾಸ ಬರೆದ...
ಸಿಗರೆಟ್ನ್ನು ಕೊನೆಯ ಸಲ ಎಳೆದು ಬದಿಗಿದ್ದ ಅಶ್ಟ್ರೆಯಲ್ಲಿ ಹಾಕಿದ. ಮೂರು ದಿನಗಳಿಂದ ಹೇಳಲಾಗದಂತಹ ಯಾತನೆ ಅವನನ್ನು ಹಿಂತಿಸುತ್ತಿದೆ. ಇದ್ದಿದ್ದು ಮಿತ್ರನ ಮಾತುಗಳು ಬಂದು ಕಿವಿಗೆ ಅಪ್ಪಳಿಸಿ ಎತ್ತ ನೋಡಿದರೂ ಅವನದೆ ಮುಖ ಕಾಣುತ್ತಿದೆ. “ನಾ ಹೇಳುವದನ್ನು ಅರ್ಥಮಾಡಿ ಕೊಳ್ಳು...
