ಭಾರತಾಂಬೆಯ ಮಕ್ಕಳು ನಾವು
ಕನ್ನಡ ತಾಯಿಯ ಒಕ್ಕಲು ||
ತಾಯಿಯ ಒಡಲ ಹೂಗಳು ನಾವು
ಅವಳ ಅಕ್ಕರೆಯ ಕಿರಣಗಳು ||
ಹಸಿರ ಒಡಲ ಕಣಗಳು ನಾವು
ಉಸಿರಾಗುವ ಮಾನವತೆಯ ಸಸಿಗಳು || ಭಾ ||
ಗಂಗೆ ಯಮುನೆ ಸಿಂಧು
ಕಾವೇರಿ ತುಂಗೆ ಭದ್ರೆ ಜೀವನದಿ || ಭಾ ||
ಜಾತಿ ಭೇದ ಭಾವ ನೀತಿ
ಸತ್ಯ ಶಾಂತಿ ತ್ಯಾಗ ಅಮರ ಕೀರುತಿ || ಭಾ ||
ನಮ್ಮ ಛಲವು ನಮ್ಮ ಒಲವು
ಸ್ವಾಭಿಮಾನ ಒಂದೇ ಅಂತರಂಗ ನಿಲುವು || ಭಾ ||
ಹೊಸತು ಜನ್ಮ ಹಳೆಯ ಬಾಳ್ವೆ
ತಾಯಬೇರು ಅನಂತ ವಾಹಿನಿಕಾಣ್ವೆ || ಭಾ ||
ರಾಮಾಯಣ ದರ್ಶನ ಮಹಾಭಾರತ ಮಜ್ಜನ
ಇರುವ ಭೂಮಿಕೆ ಸಪ್ತ ರೂಪಗಳು || ಭಾ ||
ಪದಕುಂಜ ನಕ್ಷತ್ರ ಪುಂಜ ಬೆಳಕು
ಮಹಾತ್ಮ ವೀರರ ಗತಕಾಲ ನಮ್ಮದು || ಭಾ ||
ನೆರೆಹೊರೆಯ ಪ್ರೀತಿ ಸಲುಗೆ ನೀತಿ
ನಿತ್ಯ ಸತ್ಯ ಜ್ಯೋತಿ ಬೆಳಗುವೆವು || ಭಾ ||
ಹಿರಿಯ ಕಿರಿಯರಿಲ್ಲ ಇಲ್ಲಿ ಶ್ರೀಮಂತ
ಭಾರತಾಂಬೆ ಮಕ್ಕಳು ಕನ್ನಡಾಂಬೆ ಒಕ್ಕಲು || ಭಾ ||
*****