ಹರಿ ಜನುಮ ಜನುಮದಲ್ಲೂ ನಾ
ಮಾಡಿದೆಷ್ಟೊ ಪಾಪ ಕೋಟಿ ಕೋಟಿ
ಮಾಯೆ ಮಮತೆ ಮಮಕಾರದಲ್ಲಿ ಬೆಂದು
ನಾನು ಮೆರೆದೆ ನನಗಿರದ ಸಾಟಿ
ಮತ್ತೆ ನಿನ್ನೆದುರಿನಲಿ ನಾನೀಗ ನಿಂತು
ಕೈ ಮುಗಿದು ಬೇಡುತ್ತಿರುವೆ ತಂದೆ
ನನ್ನ ಪಾಪಗಳ ಪರಿಹರಿಸು ಹರಿಯೆ
ನಾನು ಸಂಸಾರ ಬಾಣೆಲೆಯಲಿ ಬೆಂದೆ
ಸಾಗರನು ನೀನು ಹನಿಯು ನಾನು
ನಾನು ನಿನ್ನಲಿ ಸೇರದೆ ವಿಧಿಯಿಲ್ಲ
ನಿನೋರ್ವನೆ ಎನಗೆ ಇಹಪರದ ಇಂಬು
ನಿನ್ನ ಹೊರತು ಎನಗೆ ಬೇರೆ ನಿಧಿ ಇಲ್ಲ
ನೀನು ಕೃಪೆ ತೋರಿಸು ಕರುಣಿಸು ಹರಿಯೆ
ನಾನಾಗ ಬಯಸುವೆ ನಿನ್ನ ಪಾದಧೂಳಿ
ನನ್ನ ಮನದ ಇಂಚು ಇಂಚು ನಿನ್ನಲಿ
ಮಾಣಿಕ್ಯ ವಿಠಲನಿಗೆ ತಾಗಲಿ ನಿನ್ನ ಕೃಪಾಗಾಳಿ
*****
