ನಾವಿಕರು

|| ನಾವಿಕರಾವಿಹವೆವು ಜೀವಾರ್ಣವದಲ್ಲಿ ತೇಲುತ್ತಿಹೆವು ||

ನಾವು ಜನುಮದ ನಾವೆ ಯೇರ್‍ದೆವು
ಸಾವು ನೋವನು ದೂರಲಿರುವೆವು
ಜೀವಕಕ್ಷರ ಭಾವ ಹೊಳೆಯಲಿ
-ಜಾವ ಜಾವಕೆ ನಾಡನೆನಹಲಿ-

ಅಲ್ಲಿತೆರೆ ಕೊರೆ ಕಲ್ಲು ಸುಳಿಯಿವೆ!
ಇಲ್ಲಿ ಹೂಡಿರಿ! ದೋಣಿಯೆನ್ನುತ
ಎಲ್ಲಸಾಗರ ನಾಭಿಯಲ್ಲಿರೆ!
-ಚಲ್ಪ ಬುದ್ದನ ಗರುಡದೀಪವು-

ನುಡಿದು ನಡೆಯುತ ತೇದು ತೊಳೆಯುತ
ಗಡಿಯ ಬೆಳಗುತ ನಿತ್ಯ ಜೀವನ-
ಉಡಿಗೆ ಯುಡಿಸುತ ತಿನಿಸಿನಲಿವೆಡೆ
-ಒಡನೆ ಯಾಡಲಿ ಗಾಂಧಿರೂಹದು –

ನೋಡಿನಲಿಯಲು-ಹೂಡಿದಣಿಯಲು
ಕೂಡೆಕರೆಯಲು-ಜೋಡಿಗತಿಥಿಯ!
ಕಾಡಿರವಿಠಾ ಕೂರಜಿಹ್ವೆಯು
-ಹಾಡಕಲಿಸಲಿ ನಾಡನೆನಹಿನ-

ನಲವುನೋವಿನ ಉಬ್ಬರಿಳಿತವ
ಗೆಲಿದು ತೇಲಲು ಜೀವಜಲಧಿಯ
ಲಿಳಿದು ಹೊರಟೆವು! ನಾಡನೆನಹಿನೊ
-ಳಳಿವುದುಳಿವುದ ಬಲ್ಲನಾತನು- ನಾವಿಕರಾನಿಹೆವು
*****