ನಿನ್ನ ದನಿಯಲಿ
ಉಸಿರು ಹಸಿರಾಗಿ
ನಿನ್ನ ಸಿರಿವಂತಿಕೆಯಲಿ
ನೊಂದು ಬೆಂದವರ ಹಾಡಾಗಿ
ಗೆಳೆಯಾ ನನ್ನಲ್ಲಿ ನೀನು
ನಿನ್ನಲ್ಲಿ ನಾನಾಗಿ ||
ನಿನ್ನ ದನಿಯಲಿ
ಇಂಪು ತಂಪಾಗಿ
ಶೃತಿಲಯದಿ ಕೂಡಿದ
ಧನ್ಯತೆ ತುಂಬಿದ ಹಾಡಾಗಿ
ಗೆಳತೀ ನನ್ನಲ್ಲಿ ನೀನು
ನಿನ್ನಲ್ಲಿ ನಾನಾಗಿ ||
ನಿನ್ನ ದನಿಯಲಿ
ನನ್ನ ನುಡಿ ಸೆರೆಯಾಗಿ
ಜೀವ ತುಡಿತದಲಿ ಒಂದಾಗಿ
ಬೆರೆತ ನೂರಾಸೆಗಳ ಹಾಡಾಗಿ
ಗೆಳೆಯಾ ನಿನ್ನಲ್ಲಿ ನಾನು
ನನ್ನಲ್ಲಿ ನೀನಾಗಿ ||
ನಿನ್ನ ದನಿಯಲಿ
ಪ್ರೀತಿಯು ಅಲೆಯಾಗಿ
ಪ್ರೇಮದಿ ಸೆರೆಯಾದ
ದುಂಬಿಯು ಹಾಡಾಗಿ
ಗೆಳತೀ ನನ್ನಲ್ಲಿ ನೀನು
ನಿನ್ನಲ್ಲಿ ನಾನಾಗಿ ||
ಗೆಳತಿ ನಾವೇನಾವಾಗಿ
ಜೀವದೊಡಲ
ಬೆರೆತ ಹಾಡಾಗಿ
ಹಾಡಿನ ಇಂಪಿಗೆ ತಣಿವೆರೆದು
ತಂಪಾಗಿ ನಾವೇ ನಾವಾಗಿ
ನಮಗೆ ನಾವೇ ನಾವಾಗಿ
*****
