ಊದ್ಸೊರು ಬಂದಾರ ಬಾರ್‍ಸೋರು ಬಂದಾರ
ಬೆಂಗ್ಳೂರ ಹುಡಿಗಿ ಬರಲಿಲ್ಲೋ
ಹುಬ್ಬಳ್ಳಿ ಹುಡುಗಾ ಕಂಚೀನ ಕಡಗಾ
ತಲವಾರ ಬೆಡಗಾ ಸಜ್ಜಾದೋ ||೧||
ಸೋಗ್ಲಾಡಿ ಮೂಲಂಗಿ ಹುಳಕ್ಲಾಡಿ ಹುಚಗಿಂಡಿ
ಹಿಂಗ್ಯಾಕ ಮಾಡ್ತಾಳ ಸುಸ್ತಸುಸ್ತಾ
ದೀಡ್ ಪೈಯಿ ಧೀಮಾಕಿ ಥೈಯ್‍ಥೈಯಿ ಹಾಲಕ್ಕಿ
ಮೈಯ್ ಮೈಯಿ ಯಾಲಕ್ಕಿ ಮಸ್ತಮಸ್ತಾ ||೨||
ಕಮಟೆಣ್ಣಿ ಯರಕೊಂಡ ಕಿಲುಬುಂಡ ಬಿಕನೇಸಿ
ಕರಕೊಂಡ ಹೋಕ್ಕಾಳ ಗುಳುಗುಳುಕಿ
ಜಾರ್‍ಕೊಂಡ ಹೋದರ ಮಾರ್‍ಕೊಂಡ ಹೋಕ್ಕಾಳ
ಹೋಕೊಂಡ ಹೋಗಲೆ ಹುಳುಹುಳುಕಿ ||೩||
ಕಾಡೆಮ್ಮಿ ಕ್ವಾಣಕ್ಕ ತಾಳೀಯ ಕಟತೇನೆ
ಬಂದಾರ ಬರಲೇ ಬುಬ್ಣಗಿತ್ತಿ
ಕರಿಮುಸ್ಸಾ ಮಂಗ್ಯಾಗ ಸೀರೀಯ ಉಡಸ್ತೇನೆ
ತಂದಾರ ತರಲೇ ನಿಬ್ಣಗಿತ್ತಿ ||೪||
ಪ್ಯಾಟ್ಯಾನ ಉಂಡಿಗೆ ಕೋಟೀಯ ನೊಣಮುಕ್ರಿ
ಹೇತಾಡಿ ಹೋಗ್ಯಾವ ಭಾರಿಭಾರಿ
ಸೀರೀಯ ಉಡಲಾಕ ಈಸೊಂದು ತಡಯಾಕ
ನಾಯ್ನೂರು ನೆಕ್ಕ್ಯಾವ ಜೋರಾಜೋರಿ ||೫||
*****
ಬೆಂಗ್ಳೂರ ಹುಡಿಗಿ = ಪರಮಾತ್ಮ
ಹುಬ್ಬಳ್ಳಿ ಹುಡುಗಾ = ಜೀವಾತ್ಮ
ಸೋಗ್ಲಾಡಿ = ಪರಮಾತ್ಮ
ಬಿಕನೇಸಿ = ಮಾಯೆ
ನೋಣ, ನಾಯಿ = ಐಹಿಕ ಭೋಗಗಳು
