ಕಣ್ಣಾಗ ನಗಿ ನಗಿ ಹೊಟ್ಯಾಗ ಹೊಗಿ ಹೊಗಿ
ಏನ್ಕಂಡು ಏನಾತು ನನಬಾಳೆ ||ಪಲ್ಲ||
ನೀರ್ಲಣ್ಣು ಮರತುಂಬ ಪ್ಯಾರ್ಲಣ್ಣು ಗಿಡತುಂಬ
ಹರದರ ಭುಸು ಭುಸು ಭುಸ್ಸಣ್ಣಾ
ಪೈಪಾಟ ಥೈಥಾಟ ಮೈಮಾಟ ಸೈಸಾಟ
ಮುಟ್ಟಂಬ್ಲಿ ಮುಚ್ಚಂಬ್ಲಿ ಮುಳ್ಳಣ್ಣಾ ||೧||
ಗಡಗಡ ಗಮ್ಮತ್ತು ನಡನಡ ಮಸಲತ್ತು
ಜಡಿಜಡಿ ಕ್ಯಾದಿಗಿ ಹೊಡಿಯಣ್ಣಾ
ಎದಿಗುಂಡ ಮನಗಂಡ ಬಿಂಗ್ರೇನ ಸಿಂಗ್ರೇನ
ಸುತ್ತಾರ ಸೆಳುವೇನ ಸಂಗಣ್ಣಾ ||೨||
ಪಾತರಗಿತ್ಯಾಗ ತಂಬಾಕು ತುಂಬ್ಯಾರ
ಹೂವಿಗಿ ಕುಡಿಸ್ಯಾರ ಹುಳಿಹೆಂಡಾ
ಕೂಸೀನ ಬಾಯಿಗೆ ಭುಸುಭುಸು ಬೀಡೆಣ್ಣಾ
ಹಣಕೊಂದು ಮಣಕುಂಡಿ ಹೆಣ್ಣಣ್ಣಾ ||೩||
ತುಟಿತುಂಬ ತಂಬೂರಿ ಎದಿತುಂಬ ನಗಾರಿ
ನೌಬತ್ತು ನಾರಂಗಿ ನಾರಿಯಣ್ಣಾ
ಬಿಚಬಿಲ್ಲಿ ಬಸವಣ್ಣಾ ಹುಚಬಿಲ್ಲಿ ಹನುಮಣ್ಣಾ
ಅಡಚಾಪಿ ಗುಡಚಾಪಿ ಕಟ್ಟಣ್ಣಾ ||೪||
ಮುಗಲಾಗ ಪಲ್ಲಕ್ಕಿ ಜಡಿಯಾಗ ಅವಲಕ್ಕಿ
ಹಕ್ಯಾಗಿ ಹಾರಣ್ಣಾ ಮ್ಯಾಲಮ್ಯಾಲ
ಎತ್ತಾರ ಬಿತ್ತಾರ ಉತ್ತಮರ ಹತ್ತಾರ
ಉತ್ತತ್ತಿ ಗೊನಿಯಣ್ಣಾ ಮ್ಯಾಲಮ್ಯಾಲ ||೫||
*****
