ಮಳೆ ಮಳೆ ಮುದ್ದು ಮಳೆ
ನೀನು ಬಂದರಲ್ಲಾ ಕೊಳೆ
ಯಾಕೆ ಬರುವೆ ಇಲ್ಲಿಗೆ?
ಕೇಳಿತೊಂದು ಮಗುವು
ಸುರಿವ ವರ್ಷ ಧಾರೆಗೆ
ಮುದ್ದು ಮಗುವೇ, ಕೇಳು ಇಲ್ಲಿ
ನಾನು ಬರದೆ ಇದ್ದರಿಲ್ಲಿ
ಎಲ್ಲ ಬರಡು ಚಿಗುರು ಕೊರಡು
ಅಂತೆ ಹಾಗೆ ಬರುವೆ ನಾನು
ಹನಿಸಿ ನೀರ ಬರಿಸಿ ಚಿಗುರ
ತಣಿಸಿ ನಲಿವೆ ಭೂಮಿಯ
ತೃಪ್ತಿ ನಗೆಯ ನಕ್ಕ ಮಳೆ
ನೀಡಿತದಕೆ ಉತ್ತರ
ಮಳೆ ಮಳೆ ಮುದ್ದು ಮಳೆ
ವರ್ಷಕ್ಕೊಮ್ಮೆ ನಿನ್ನ ಕಳೆ
ಭೂಮಿಯಲ್ಲಾ ನೀರ ಹೊಳೆ
ಮತ್ತೆ ಪಯಣ ಎಲ್ಲಿಗೆ?
ಮುದ್ದು ಮಗುವೇ ಕೇಳು ಇಲ್ಲಿ
ಮಳೆಯ ಕಾಲ ನನ್ನ ಸರಸ
ತಂಪು ತಣಿವು ಭೂಮಿ ಹರುಷ
ಬಿಸಿಲ ಧಗೆ ನನ್ನ ಹಗೆಯು
ಮೋಡದೊಳಗೆ ನನ್ನ ಮನೆಯು
ಎಂದು ಮಳೆಯು ನಕ್ಕಿತು
ತುಂತುರಾಗಿ ಹಾರಿತು
*****
ಒಂದು ವಾರದಿಂದಲೇ ಮನೆಯಲ್ಲಿ ತಯಾರಿ ನಡೆದಿತ್ತು. ತಂಗಿಯನ್ನು ನೋಡಲು ಬೆಂಗಳೂರಿನಿಂದ ವರ ಬರುವವನಿದ್ದ. ಗೋಪಿ ಅವಳನ್ನು ಆ ವರನ ಹೆಸರೆತ್ತಿ ಚುಡಾಯಿಸುತ್ತಿದ್ದ, ರೇಗಿಸುತ್ತಿದ್ದ. ಅವಳ ಕೆನ್ನೆ ಕೆಂಪಗೆ… Read more…
ಮಗಳ ಮದುವೆ ಪಿಕ್ಸ್ ಆಗಿದ್ದರಿಂದ ದೊಡ್ಡ ತಲೆ ಭಾರ ಇಳಿದಂತಾಗಿತ್ತು. ಮದುವೆ ಮುಂದಿನ ತಿಂಗಳ ಕೊನೆಯ ವಾರವೆಂದು ದಿನಾಂಕವನ್ನೂ ನಿಗದಿಪಡಿಸಲಾಗಿತ್ತು. ಗಂಡಿನವರ ತರಾತುರಿಗೆ ಒಪ್ಪಲೇಬೇಕಾದ ಪರಿಸ್ಥಿತಿ ನನ್ನದು.… Read more…
ಭಾಗೀರಥಿ ತೀರದಲ್ಲಿರುವದೊಂದು ಅತಿ ರಮಣೀಯವಾಗಿರುವ ಪ್ರದೇಶದಲ್ಲಿ ಕುಸುಮಪುರವೆಂಬ ಚಿಕ್ಕಿದಾದ ನಗರವಿತ್ತು. ಭೂಮಿಯ ಗುಣಕ್ಕಾಗಿ ಆ ಪ್ರದೇಶದಲ್ಲಿ ಬೆಳೆಯುವ ಬಕುಲ, ಚಂಪಕ, ಮಾಲತಿ, ಪುನ್ನಾಗ, ಗುಲಾಬೆ, ಸೇವಂತಿ ಮುಂತಾದ… Read more…
ಆಲೀ........ ಏ ಆಲೀ........ ಐಸಮ್ಮ ಮಗನನ್ನು ಎಷ್ಟು ಜೋರಾಗಿ ಕರೆದರೂ ಆಲಿಯಿಂದ ಉತ್ತರ ಬರಲಿಲ್ಲ. ಒಂದು ಕಡೆ ಕತ್ತಲೆಯಾಗುತ್ತಾ ಬರುತ್ತಿದೆ. ಬೀಡಿ ಕಟ್ಟುಗಳನ್ನು ಸಂಜೆಯ ಒಳಗೆ ಬ್ರಾಂಚಿಗೆ… Read more…
ತೆಂಗಿನ ತೋಟದಲ್ಲಿ ಬಾಗಿಕೊಂಡು ಹಣ್ಣಾಗಿ ಉದುರಿದ ಅಡಕೆಗಳನ್ನು ಒಂದೊಂದಾಗಿ ಹೆಕ್ಕಿ, ಸನಿಹದಲ್ಲಿದ್ದ ಪ್ಲಾಸ್ಟಿಕ್ ಚೀಲಕ್ಕೆ ತುಂಬಿಸುತ್ತಿದ್ದಂತೆ ಪಕ್ಕದಲ್ಲಿ ಸರಕ್ಕನೆ ಹರಿದು ಹೋದ ಕೇರೆ ಹಾವಿನಿಂದಾಗಿ ಒಮ್ಮೆ ವಿಚಲಿತರಾದರು… Read more…
