ಕನ್ನಡ ನಲ್ಬರಹ ತಾಣ
ಜೀವದ ಹಕ್ಕಿ ಪಲ್ಲವಿಸುತಿದೆ
ಬಿರಿ ಬಿರಿದ ಕೊರಳಿನಿಂದ,
ಅಲೆವ ಮೋಡಗಳ ಕೈ ಬೀಸಿ ತಡೆಯುತಿದೆ
ಅನುಪಲ್ಲವಿಗೆ ದೈನ್ಯದಿಂದ ||ಪ||
ಮೌನ ಮೌನದ
ಮಾತಿನ ಮಾತನು ಮೀರಿನಿಂತ ಕೂಗು,
ನಿನದ ನಿನದದ
ಬಾಳ ತರಂಗದ ತಂತುತಂತಿನಾ ಕೊರಗು |
ಚಿಂದಿ ಚಿಂದಿಯ
ಹಸಿರು ವಸನದಾ ತಾಯಗೊರಳ ಕೂಗು,
ಬಸಿರ ಚಗುರಿಗೋ
ಅವನಿಯಾಸೆಯ ಜೀವದುಸಿರ ಕೊರಗು |
ಕಣ್ಣ ಕಾಂತಿಯು
ಮುರುಟಿಸಿ ತಲ್ಲಣಗೊಂಡ ಜೀವದಾ ಕೂಗು,
ಬಣ್ಣದ ಭ್ರಾಂತಿಯ
ಬದುಕಲಿ ಸೋತ ಕಣ್ತೆರೆದು ನಿಂತವರ ಕೊರಗು |
ನಾಳೆ-ನಾಳೆಯ
ಕಣ್ಣ-ಕಣ್ಣುಗಳಲ್ಲಿ ಹೊತ್ತ ಕಂದಗಳ ಕೂಗು,
ಇಂದು-ಇಂದಿನಾ
ಬವಣೆ-ಬವಣೆಗಳ ತೊತ್ತಿನ ಜನಗಳ ಕೊರಗು |
*****
“ವತ್ಸಲಾ……..!” ನಿಟ್ಟುಸುರಿನೊಂದಿಗೆ ಕುಮಾರನು ಆರಾಮ ಕುರ್ಚಿಯ ಮೇಲೆ ದೊಪ್ಪನೆ ಬಿದ್ದು ಕೊಂಡನು. ಚಿಕ್ಕಬಾಲಕನೊಬ್ಬನು ಕಿಡಿಕಿಯಲ್ಲಿ ಹಣಿಕಿ ಹಾಕಿ “ಕುಮಾರಣ್ಣ” ಎಂದು ಕೂಗಿದಂತಾಯಿತು. ಎದ್ದು ನೋಡುತ್ತಾನೆ; ಕೆಂಪು ಮಸಿಯಿಂದ ವಿಳಾಸ ಬರೆದ...
ಸಿಗರೆಟ್ನ್ನು ಕೊನೆಯ ಸಲ ಎಳೆದು ಬದಿಗಿದ್ದ ಅಶ್ಟ್ರೆಯಲ್ಲಿ ಹಾಕಿದ. ಮೂರು ದಿನಗಳಿಂದ ಹೇಳಲಾಗದಂತಹ ಯಾತನೆ ಅವನನ್ನು ಹಿಂತಿಸುತ್ತಿದೆ. ಇದ್ದಿದ್ದು ಮಿತ್ರನ ಮಾತುಗಳು ಬಂದು ಕಿವಿಗೆ ಅಪ್ಪಳಿಸಿ ಎತ್ತ ನೋಡಿದರೂ ಅವನದೆ ಮುಖ ಕಾಣುತ್ತಿದೆ. “ನಾ ಹೇಳುವದನ್ನು ಅರ್ಥಮಾಡಿ ಕೊಳ್ಳು...
