ಮುಖವಾಡಗಳು

ನನ್ನ ಹೊರಗಿನ ಜೀವಿತದಲ್ಲಿ
ಹೆರರ ಮುಖವಾಡಗಳ ನೆರಳು
ನನ್ನೊಳಗಿನ ಜೀವಿತದಲ್ಲಿ
ನನ್ನದೇ ಮುಖವಾಡಗಳ ನೆರಳು.

ಸೋಮವಾರಕ್ಕೆ ಬೂದು ಮುಖವಾಡ
ಶನಿವಾರಕ್ಕೆ ಕಪ್ಪು ಮುಖವಾಡ
ಆದಿತ್ಯವಾರವೋ ರಂಗು ರಂಗಿನ ಮುಖವಾಡ
ಬನ್ನಿ ನಿಮ್ಮ ಮುಖಕ್ಕೂ ಬೇಕು
ಒಂದು ಆವರಣ
ಕಣ್ಣಿಗೆ ಗಾಗಲ್ಸ್
ಕೈಗೆ ಗ್ಲೌಸು
ಕೆನ್ನೆಗೆ ತಿಳಿಯಾದ ಪೌಡರು
ಬೇರೆ ಬೇರೇ ಸಂದರ್ಭಕ್ಕೆ
ಬೇರೆ ಬೇರೇ ಬಣ್ಣದ್ದು
ಕೊಳ್ಳಿರಿ ಇಲ್ಲಿಂದ ಒಂದು ಮುಗುಳುನಗೆ
ಕೊಳ್ಳಿರಿ ಇಲ್ಲಿಂದ ಒಂದು ಪ್ರೇಮದೃಷ್ಟಿ
ನಿಮ್ಮ ಪ್ರಿಯತಮರಿಗಾಗಿ
ಕೊಳ್ಳಿರಿ ಇಲ್ಲಿಂದ ಒಂದು ಅನುಕಂಪನೆಯ ತುಟಿ
ನಿಮ್ಮ ಬಂಧುಗಳಿಗಾಗಿ
ಅವರ ಜನನಕ್ಕಾಗಿ
ಮರಣಕ್ಕಾಗಿ
ಹೊಚ್ಚ ಹೊಸತಯ್ಯ
ವಿಲಾಯಿತಿಯಿಂದ ತರಿಸಿದ್ದು
ನಿಮ್ಮಂಥವರಿಗೆ ಬೇಕಾಗಿ
ಇಲ್ಲಿವೆ ದುಬಾರಿ ಅದ್ದೂರಿ :
ಈವ್ ನಿಂಗ್ ಇನ್ ಪ್ಯಾರಿಸ್
ಇದು ಮಿಯಾಮಿ
ಇದು ಹವಾಯಿ
ಇದು ಮನಿಲಾ
ಇದು ವಿಶ್ವಸುಂದರಿಯರಿಗೆ
ಕೊಳ್ಳಿರಿ ಒಂದು ಡಜನು
ಆಗುತ್ತದೆ ನಿಮ್ಮ ವ್ಯವಹಾರಕ್ಕೆ
ಮುಖವಿಲ್ಲದವರಿಗೆ
ಇದ್ದರೂ ಕಾಣಿಸಲಾರದವರಿಗೆ
ಬೇಕಲ್ಲ ಮುಖಕ್ಕೂ ಒಂದು ಕಾಚ
ರಂಗು ರಂಗಿನ ಕೌಪೀನ.
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ನಾಳೆಗಳಿಲ್ಲದ ಬದುಕು
Next post ಹಗಲು – ಹರಿಗೋಲು

ಸಣ್ಣ ಕತೆ

  • ಕರಾಚಿ ಕಾರಣೋರು

    ಮಳೆಗಾಲ ಆರಂಭವಾಯಿತೆಂದರೆ ಕುಂಞಿಕಣ್ಣ ಕುರುಪ್ಪನ ಏಣೆಲು ಗದ್ದೆಗೆ ನೇಜಿ ಕೆಲಸಕ್ಕೆ ಹೋಗಲು ಕಪಿಲಳ್ಳಿಯ ಹೆಂಗಸರು, ಗಂಡಸರು ತುದಿಗಾಲಲ್ಲಿ ಕಾಯುತ್ತಿರುತ್ತಾರೆ. ವರ್ಷವಿಡೀ ವಿಪ್ರರ ಮತ್ತು ವಿಪ್ರಾತಿವಿಪ್ರರ ಆಡಿಕೆ ತೋಟಗಳಲ್ಲಿ… Read more…

  • ಧರ್ಮಸಂಸ್ಥಾಪನಾರ್ಥಾಯ

    ಕಪಿಲಳ್ಳಿಯ ಏಕೈಕ ಸಂರಕ್ಷಕ ಕಪಿಲೇಶ್ವರನ ವಾರ್ಷಿಕ ರಥೋತ್ಸವದ ಮುನ್ನಾದಿನ ಧಾರ್ಮಿಕ ಪ್ರವಚನವೊಂದನ್ನು ಏರ್ಪಡಿಸಲೇಬೇಕೆಂದೂ, ಇಲ್ಲದಿದ್ದರೆ ಜಾತ್ರಾ ಮಹೋತ್ಸವಕ್ಕೆ ತನ್ನ ಸಪೋರ್ಟು ಮತ್ತು ಕೋ-ಆಪರೇಶನ್ನು ಬಿಲ್ಲು ಕುಲ್ಲು ಸಿಗಲಾರದೆಂದೂ,… Read more…

  • ಅವಳೇ ಅವಳು

    ಇತ್ತೀಚೆಗೆ ಅವಳೇಕೋ ತುಂಬಾ ಕಾಡುತ್ತಿದ್ದಾಳೆ- ಮೂವತ್ತು ವರ್ಷಗಳೇ ಸಂದರೂ ಮರೆಯಾಗಿಲ್ಲ ಜೀವನದಲ್ಲಿ ಅದೆಷ್ಟೋ ನಡೆಯಬಾರದ ಅಥವಾ ನಡೆಯಲೇಬೇಕಾದ ಅನೇಕ ಘಟನೆಗಳು ನಡೆದು ಹೋಗಿವೆ. ದೈಹಿಕವಾಗಿ, ಮಾನಸಿಕವಾಗಿ, ವ್ಯಾವಹಾರಿಕವಾಗಿ,… Read more…

  • ತಿಥಿ

    "ಲೋ ಬೋಸುಡಿಕೆ ನನ್ಮಗನೇ, ಇದು ಕೊನೆಯ ಬಾರಿ ನಿನಗೆ ವಾರ್ನಿಂಗ್ ಕೊಡುತ್ತಾ ಇದ್ದೇನೆ. ಮೂರು ಸಾರಿ ಈ ಜೈಲಿನಿಂದ ನಿನಗೆ ವಿದಾಯ ಕೊಟ್ಟಾಯಿತು. ಇನ್ನು ಹೋಗಿ ನಿನ್ನ… Read more…

  • ಜೀವಂತವಾಗಿ…ಸ್ಮಶಾನದಲ್ಲಿ…

    ಎರಡು ಮೂರು ವರ್ಷದ ಅಂತರದಲ್ಲಿ ಒಂದಾದ ಮೇಲೊಂದು ಗಂಡು ಮಕ್ಕಳು ಜನನವಾದಾಗ ದೇಬಾನಂದಸಾಹುಗೆ ಅವನ ಪತ್ನಿ ನಿಲಾಂದ್ರಿಗೆ ಬಹಳ ಸಂತಸವಾಗಿತ್ತು. "ಮಕ್ಕಳು ದೊಡ್ಡವರಾಗಿ ವಿದ್ಯಾವಂತರಾಗಿ ಉದ್ಯೋಗ ಮಾಡಿದರೆ… Read more…