ಚಾರಿತ್ರಹೀನಳ ಚರಿತ್ರೆ

ಇವಳ ಹುಲ್ಲು ಹುದುಗಲಿನಂಥ, ಕಳ್ಳಕೆಸರಿನಂಥ,
ವಿಲವಿಲಿ ಹುಳ ಹರಿದಾಡುವಂಥ
ಚಾರಿತ್ರ ಹೀನ ಚರಿತ್ರೆಯು ಪಾತಾಳಕ್ಕೆ ಬೇರಿಳಿಸಿದೆ
ಮೇಲಿನ ತೊಳೆಯೋಣ ತಿಕ್ಕೋಣಗಳೆಲ್ಲ
ಮೋಟುಮರಕ್ಕೆ ಗಾಳಿ ಮಾಡುವ ಪರಿಣಾಮವಷ್ಟೆ
ಸಾವಿರಾರು ವರ್ಷಗಳ ಇವಳ ಹಳಸು ರೋಗ
ವಂಶಾನುಗತವಾಗಿ ರಕ್ತದಲ್ಲೇ ಹರಿಯುತ್ತಾ ಬಂದಿದೆ
ಸುಧಾರಣೆ ಕ್ರಾಂತಿಗಳೆಂಬ ವಾಂತಿ ಭೇದಿಗಳು
ಇವಳ ಏನೇನೂ ಅಲ್ಲಾಡಿಸಲಾರವು
ಅಲುಗಾಡಿದಂತೆ ಕಂಡರೂ ಕೆಸರೂಳಗಿನ ಕಾಲಿನಂತೆ
ಇನ್ನಷ್ಟು ಕೆಳಗಿಳಿದು ಗಾಢವಾದೀತು ಗೂಢವಾದೀತು ಅಷ್ಟೇ
ಇವಳ ಹೀನ ಚರಿತ್ರೆಯ ಹೊಸಪುಟ ತೆರೆಯದು
ಇವಳ ರೋಗ ನಿರೋಗವಾಗದು
*****