ಅರೇಬಿಯಾ

ಮೈ ಸುಟ್ಟ ಕಪ್ಪು ಬೆಟ್ಟಗಳು
ಬೆತ್ತಲೆ ಮರುಭೂಮಿ
ಚಿಂದಿಯಾಗಿ ಚುಚ್ಚುವ, ಕಚ್ಚುವ ಕ್ಯಾಕ್ಟಸ್
ಕೆಂಪು ಸಮುದ್ರದ ಹವಳಗಳ ಹರ್ಷೋದ್ಗಾರ
ಕನಸು ತಣಿಸುವ ಇಂಧನ.
ಓಯೊಸಿಸ್ ನೀರಿಗಾಗಿ ಹಲುಬಿ
ಇಂಧನವನ್ನೇ ಹರಯಿಸಿಕೊಂಡ ಒಂಟೆಗಳು
ಆಗೀಗಲಷ್ಟೇ ಮುಗುಳು ನಗುವ ಮಳೆ
ಧಕ್ಕಿಸಿಕೊಳ್ಳದ ಮರುಭೂಮಿ
ಸೂರ್ಯನ ಬಿಸಿಲ್ಗುದುರೆಗಳು –

ಸೌಂದರ್ಯವೆಲ್ಲಸೂರೆಗೊಂಡ
ಸುಂದರಿಯರ ಗಜಗಮನೆಯರ ಬುರ್ಕಾ
ಉಸಿರೊಳಗೇ ಬೆರೆತ ನಮಾಜು
ಮಸಾಲೆ ಕಾಫಿ; ಸಾಮೂಹಿಕ ಹುಕ್ಕಾ
ಪ್ರಾತಃಸ್ಮರಣೀಯರಿಲ್ಲದೇ ಸಿಡಿದೆದ್ದ ಉರಿಬಿಸಿಲು
ನಕ್ಷತ್ರ ಪುಂಜಗಳ  ಚಿತ್ರ

ದುಮ್ಮಿಕ್ಕಿ ಆಕಾಶಕ್ಕೇರುವ
ನಗೆ ಇಂಧನ
ಸಮಾರಂಭಗಳ ಅಭಿಲಾಷೆ
ಅಲಂಕರಿಸಿದ ಕೆಲಿಗ್ರಾಫಿ
ಸರಕು ಸರಂಜಾಮಿನ ವ್ಯಾಪಾರಿ ಹಡಗುಗಳು –

ಇಲ್ಲಿ ಮಕ್ಕಳಿಗೆ ಗಾಳಿ ಪಟೋತ್ಸವ
ಬಾಸ್ಕಿ ರಾಬಿನ್ಸ್ ಆಯಸ್ಕ್ರೀಮ ಕಾತುರ
ನಿರಾಯಾಸ ನಿರಾತಂಕ ಹಣಗಳಿಕೆ

ಕಣ್ಣಿಗೆ ಸುಣ್ಣ ಬಣ್ಣಗಳ ಗದ್ದಲವಿಲ್ಲ
ಮಿಸುಕಿದರೆ ಗಲ್ಲುಗಳುಂಟು
ಬಣ್ಣದ ಕನಸುಗಳು ಚಿಗುರುವಿಕೆಗೆ
ಸಮಶೀತೋಷ್ಣವಿಲ್ಲ
ಹೃದಯ ಕಮರುವಾಗ
ಕನಸುಗಳು ಕನವರಿಸುತ್ತವೆ; ಮೊಟ್ಟೆಯೊಡೆಯುವುದಿಲ್ಲ

(ಸೌದಿ‌ಅರೇಬಿಯಾದ ಒಂದು ಒಳನೋಟ)
*****

ಪುಸ್ತಕ: ಗಾಂಜಾ ಡಾಲಿ

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ತಪ್ಪುಗಳು
Next post ಮಾತು ಮಾತಿಗೂ ಹಂಗಿಸುವೆ

ಸಣ್ಣ ಕತೆ

  • ಮೈಥಿಲೀ

    "ಹಾಗಿದ್ದರೆ, ಪಾಪವೆಂದರೇನು ಗುರುಗಳೇ?" ಕಣ್ಣು ಮುಚ್ಚಿ ಧ್ಯಾನಾಸಕ್ತರಾದ ಯೋಗೀಶ್ವರ ವಿದ್ಯಾರಣ್ಯರು ಕಣ್ತೆರೆಯಲಿಲ್ಲ. ಅಪ್ಪನ ಪ್ರಶ್ನೆಗೆ ಉತ್ತರ ಕೊಡಲಿಲ್ಲ. ತೇಜಪುಂಜವಾದ ಗಂಭೀರವಾದ ಮುಖದ ಮೇಲೊಂದು ಮುಗುಳುನಗೆ ಸುಳಿಯಿತು ಅಷ್ಟೇ!… Read more…

  • ಅಜ್ಜಿ-ಮೊಮ್ಮಗ

    ಅಜ್ಜವಿ-ಮೊಮ್ಮಗ ಇದ್ರು. ಅವ ಅಜ್ಜವಿಕಲ್ ಯೇನೆಂದ? "ತಾನು ಕಾಶಿಗೆ ಹೋಗಬತ್ತೆ. ಮೂರ ರೊಟ್ಟಿ ಸುಟಕೊಡು" ಅಂತ. "ಮಗನೇ, ಕಾಶಿಗೆ ಹೋದವರವರೆ, ಹೋದೋರ ಬಂದೋರಿಲ್ಲ. ನೀ ಕಾಶಿಗೆ ಹೋಗ್ವದೆ… Read more…

  • ಕೊಳಲು ಉಳಿದಿದೆ

    ಮಾತಿನ ತೆರೆ ಒಂದು "ನೋಡಿ, ಜನರು ನನ್ನನ್ನು ನೋಡಿ ನಗುತ್ತಾರೆ! ಈ ಬಂಗಾರದ ಕೃಷ್ಣನ ಮೂರ್ತಿ ಇವಳ ಕೈಯಲ್ಲಿ ಯಾವಾಗಲೂ ಏಕೆ ಎಂದು ಕೇಳುತ್ತಾರೆ! ನನ್ನ ಹತ್ತರ… Read more…

  • ಇಬ್ಬರು ಹುಚ್ಚರು

    ಸದಾಶಿವನಿಗೆ ಹೀಗೆ ಹುಚ್ಚನಾಗಿ ಅಲೆಯುವ ಅಗತ್ಯ ಖಂಡಿತಕ್ಕೂ ಇರಲಿಲ್ಲ. ಅವನಿಗೊಂದು ಹಿತ್ತಿಲು ಮನೆಯೂ, ಹಿತ್ತಿಲಲ್ಲಿ ಸಾಕಷ್ಟು ಫಲ ಕೊಡುವ ಗೇರು ಮರಗಳೂ ಇದ್ದವು. ದಿನಕ್ಕೆ ಸಾವಿರ ಬೀಡಿ… Read more…

  • ಶಾಕಿಂಗ್ ಪ್ರೇಮ ಪ್ರಕರಣ

    ಅವನು ಅವಳನ್ನು ದಿನವೂ ತಪ್ಪದೇ ನೋಡುತ್ತಿದ್ದ. ಅವಳು ಕಾಲೇಜಿಗೆ ಹೋಗುವ ಹೊತ್ತಿಗೆ ಅವಳನ್ನು ಹಿಂಬಾಲಿಸುತ್ತಿದ್ದ. ಕಾಲೇಜು ಬಿಡುವ ಹೊತ್ತಿಗೆ ಗೇಟಿನ ಎದುರು ಕಾದು ನಿಂತು ಮತ್ತೆ ಹಿಂಬಾಲಿಸುತ್ತಿದ್ದ.… Read more…