ಕನ್ನಡ ನಲ್ಬರಹ ತಾಣ
ಮೌನ ವಿಶ್ವವು ಗಾನ ತುಂಬಿತು
ಶೂನ್ಯ ಸಕ್ಕರೆಯಾಯಿತು
ಬಯಲು ಆಲಯವಾಗಿ ಅರಳಿತು
ಜೀವ ತೇರನು ಎಳೆಯಿತು.
ಬೆಳಕಿನದ್ಭುತ ನಾಟ್ಯ ನಡೆದಿದೆ
ನೋಡ ಬಾರೊ ಗೆಳೆಯನೆ
ಬಿಸಿಲ ಕೋಲ್ಗಳು ಬಣ್ಣ ಬೀಸಿವೆ
ಇತ್ತ ನೋಡೊ ಅರಮನೆ
ಅಲ್ಲಿ ಬಿಸಿಲು ಇಲ್ಲಿ ಗಾಳಿ
ಕಡಲು ಭೂಮಿಯ ತೋರಣಾ
ಸುತ್ತ ಮುತ್ತಾ ಬೆತ್ತ ಬಿದಿರು
ಒಡಲು ವಿಸ್ಮಯ ಚಾರಣಾ
ಯಾರು ಕೊಟ್ಟರು ಮಣ್ಣು ನೀರನು
ಇಗೋ ಬೆಂಕಿಯ ಬಟ್ಟಲಾ
ಯಾರು ಗಗನಕೆ ಗಾಳಿ ತಂದರು
ಪಂಚ ತತ್ತ್ವದ ತೊಟ್ಟಿಲಾ
ಇಲ್ಲಿ ಪೂರ್ಣತೆ ಹೂರ್ಣವಾಗಲಿ
ಕಂಪು ಕಸಕಸಿ ತುಂಬಲಿ
ಬಿಸಿಯ ಹೋಳಿಗೆ ತುಪ್ಪ ಸುರಿಯಲಿ
ಜೀವ ಶಿವಮಯವಾಗಲಿ
*****
ಸರಲಾಕ್ಷ ಹುಲಿಮೀಸೆಯು ಮನೆಯಲ್ಲಿ ಬಂದಿರಲಾರಂಭಿಸಿದಂದಿನಿಂದ ತಾನು ತೊಂದರೆಗೊಂಡು ಬೇಸತ್ತು ಹೋಗಿರುವೆನೆಂದು ವಸತಿಗೃಹದ ಸ್ವಾಮಿನಿಯಾದ ಲೀಲಾಬಾಯಿಯು ದೂರಿಕೊಳ್ಳುತ್ತಿದ್ದಳು. “ಕೆಟ್ಟ ಮೋರೆಯವರೂ ಅಸಭ್ಯರೂ ಸುಟ್ಟಮನೆಯವರೂ ಸುಡದ ಮನೆಯವರೂ ತೆರವಿಲ್ಲದೆ ನನ್ನ ಮನೆಗೆ ಬರುತ್ತಿರುವ...
ಸರ್, ಗುಡ್ ಮಾರ್ನಿಂಗ್, ಮೇ ಐ ಕಮೀನ್ ಸರ್ – ನಿತ್ಯ ಆಫೀಸಿನ ಅವಧಿ ಪ್ರಾರಂಭವಾಗುತ್ತಲೇ ಹಿಂದಿನ ದಿನ ರೆಡಿ ಮಾಡಿದ ಹತ್ತಾರು ಕಾಗದ ಪತ್ರಗಳಿಗೆ ಸಹಿ ಪಡೆಯಲು, ಇಲ್ಲವೇ ಹಿಂದಿನ ದಿನದ ಎಲ್ಲ ಫೈಲುಗಳ ಚೆಕ್ ಮಾಡಿಸಲು, ಕೈಯಲ್ಲಿ ಫೈಲುಗಳ ಕಟ್ಟು ಹಿಡಿದು ಬಾಗಿಲ ಮರೆಯಲ್ಲಿ ನಿಂತು ...
ಕೋತಿಯಿಂದ ನಿಮಗಿನ್ನೆಂಥಾ ಭಾಗ್ಯ! ನೀವು ಹೇಳುವ ಮಾತು ಸರಿ! ಬಿಡಿ! ತುಂಗಮ್ಮನವರೆ. ಇದೇನೆಂತ ಹೇಳುವಿರಿ! ಯಾರಾದರೂ ನಂಬುವ ಮಾತೇನರೀ! ಕೊತೀಂತೀರಿ. ಬಹುಲಕ್ಷಣವಾಗಿತ್ತಿರಿ ಎಂತೀರಿ? ಅದು ಹೇಗೋ ಎನೋ, ನಾನಂತೂ ನಂಬಲಾರನರೀ!” “ಹೀಗೆಂತ ನೆರ ಮನೆ ಪುಟ್ಟಮ್ಮನವರು ಹೇಳಿದರು....
ಕೀಲಿಕರಣ: ಕಿಶೋರ್ ಚಂದ್ರ
