ಮೊಕ್ಕ್ ಎಳ್ಡು ಕಣ್ಣಾದ್ರೆ ಮನಸೀಗೆ ಒಂದೆ!
ಮನಸೀನ್ ಒಂದರ್ ಮುಂದೆ ಎಳ್ಡೂನೆ ಬಂದೆ!
ಇಲ್ದಿದ್ರೂ, ಚೆಂದೆ!
ಲೋಕಾನ್ ವುಟ್ಟಿಸ್ತಿದ್ರೆ ಮನಸೀನ್ ಒಂದ್ ಕಣ್ಣು
ಲೋಕಾನ್ ಆಳ್‌ಮಾಡ್ತೈತೆ ಒರಗಿನ ಎಲ್ಡ್ ಕಣ್ಣು!
ಮೊಕದಾಗಿನ್ ವುಣ್ಣು! ೧
‘ಸಿಕ್ದಂಗ್ ಒರ್‍ಣಿಸ್ತಾರ ಈ ಕುಡದೋನ್ ಎಣ್ಣ?
ಯೋಳಾಕ್ ಏನಂತೀಗ? ಬರಿ ಮಾತಿನ್ ಬಣ್ಣ!’
ಅನ್ನೋನ್ ಕಣ್ ಸಣ್ಣ!
ನೀ ಸಿಗಿಯೋ ಕಬ್ಬನಕ ಮುಕ್ಕಾಲ್ವ ಮಣ್ಣ?
ನಡವೆ ‘ಥು’ ಅಂತಾಚೆ ಉಗದಾಕ್ಸ್ನೆ ಗಿಣ್ಣ
ಕಬ್ ಸೀ ಅಲ್ವಾಣ್ಣ? ೨
ಸರಿಯಾಗಿ ನೋಡ್ಬೇಕು ಅಂತಂದ್ರೆ ಯೆಣ್ಗೆ
ರೆಪ್ಪೇ ಪರದೇನಾಕಿ ಮುಚ್ಬೇಕು ಕಣ್ಗೆ!
ಒರಗಿನ್ ನಿನ್ ಕಣ್ಗೆ!
ಮನಸಿನ ಕಣ್ಮುಂದೆ ಔಳ್ ಅರ್‍ತ ಪೂರ್‍ತಿ!
ಮನದ ಕಣ್ಗ್ ಅಂದ್ರ್ ಔಳೆ ಆರಾದ್ಯಮೂರ್‍ತಿ!
ಅದಕೆ ಮನಕ್ಕ್ ಅರ್‍ತಿ! ೩
*****
