ನಂ ಬೋಜ ಮುನಿಯ

ಯಿಂದ್ ಒಬ್ಬ ರಾಜ್ ಇದ್ದ – ಬೊಜಾಂತ್ ಔನೆಸರು;
ಔನ್ ಮುಂದೇನ್ ಈ ಈಗ್ನೋರು- ಪನ್ನೀರ್ ಮುಂದೆ ಕೆಸರು!
ಔನತ್ರ ಯಾರಾನ ಆಡೀದ್ರ್ ಬಂದ್ ಪಕ್ಸ-
ಕೊಡ್ತಿದ್ನಂತ್ ತಕ್ಕೋಂತ ಆಕ್ಸರಕೊಂದ್ ಲಕ್ಷ! ೧

ನಾನೂನೆ ಆಡ್ತೀನಿ ಏರ್‍ದಾಗ ಮತ್ತು!
ನನ್ ಆಡಿನ್ ಜೋಕಂದ್ರೆ, ಬೇವಾರ್‍ಸಿಗ್ ಗೊತ್ತು!
ನನ್ ಆಡಗೊಳ್ ಪಸಂದ್ಗೆ ಗೆಣೆಯ ಬೇವಾರ್‍ಸಿ
ಯೆಂಡ ಕುಡದೋನಿಂದೆ ಅಲೆಯೋದೆ ಸಾಕ್ಸಿ! ೨

ನಮಗೇನ್ ಬೇಕಿಲ್ಲಾಣ್ಣ ಅಕ್ಸರ್‌ಕ್ ಒಂದ್ ಲಕ್ಸ!
ಒಂದ್ ಕಾಸ್ ಬುಡಬೇಕಲ್ಲ ಮುನಿಯಣ್ಣನ್ ಬೊಕ್ಸ!
ಅದಕೂ ಬೇಡಾಂತಂದ್ರೆ ಅಳತೆ ಬುಡುವಾಗ
ತೊಟ್ಟಿಚ್ಗೆ ಬುಡತಂದ್ರೆ ಮುರಕ ಮನೆಯಾಗ? ೩

ಮುನಿಯಣ್ಣಂಗ್ ಏನ್ ಗೊತ್ತು ನನ್ ಪದಗೊಳ್ ಸೋಕು!
ಯೆಂಡದ್ ಪದಗೊಳ್ನೂವೆ ತಿಳಿಯೋದ್ಕು ಬೇಕು!
ಈಚ್ಲೆಂಡದ್ ಸೀ ಕಂಡ್ರೆ ಪೀಪಾಯ್ ಒಂದ್ ಪಕ್ಸ-
ಬಿರಕ್ ಬುಟ್ರೂ ಬುಟ್ಟಾತು ಮುನಿಯಣ್ಣನ್ ಬೋಕ್ಸ! ೪
*****