ಬದುಕಿನಲಿ ನಿ ಒಂಟಿಯಾಗು
ಸತಿ ಸುತರೆಲ್ಲ ನಿನ್ನ ಬಂಧಿ ಯಾಗದಿರಲಿ
ನೀನು ಹೃದಯದಲಿ ಮಡಿವಂತನಾಗು
ಹಗಲಿರುಳು ದೇವ ನುಡಿ ನುಡಿಯಲಿ
ಯಾವ ಜನುಮದಿ ಎಂಥವರೊ ನಿನಗೆ
ನಾಳಿನ ಬಾಳಿಗೊ ಇನ್ನಾರೊ ಯಾರೋ
ಇಂದಿನ ಕ್ಷಣಗಳಲಿ ಸಾರ್‍ಥಕವಾಗಲು
ನಿತ್ಯ ಶುದ್ಧಮನದ ತಿದ್ದು ಬಾರೊ
ಪಾಪ ಪುಣ್ಯಗಳ ಹೋರಾಟ ಆಟ
ಜನುಮ ಜನುಮಗಳಿಗೂ ಸಾಟಿ
ಕ್ಷಣದ ಬಾಳಿಗೆ ಎಷ್ಟೊ ವಂಚನೆ
ಆತ್ಮ ಆನಂದಕ್ಕೆ ಇನ್ನೆಷ್ಟು ಖಟಿಪಿಟಿ
ಕೋಟಿ ಜನುಮಗಳನುಭವಿಸಿ
ಮತ್ತೆ ಈ ನರಜನ್ಮ ಪಡೆದೆ
ಮತ್ತೆಯೂ ಹಳೆಯದೆ ರಾಗ
ಆಯುಷ್ಯ ಮುಗಿದಾಗ ನಡೆದೆ
ಮನವು ತನುವು ಶುದ್ಧವಾಗಲಿ
ಭಾವವು ನಿತ್ಯ ಪವಿತ್ರವಾಗಲಿ
ಕಷ್ಟ ನಷ್ಟ ಸುಖಗಳ ಮಧ್ಯ
ಮಾಣಿಕ್ಯ ವಿಠಲ ಸರ್‍ವತ್ರವಾಗಲಿ
*****
