ಕ್ವ?

ಮರಣತ ಪರಮೆನ್ನ ಜಿಜ್ಞಾಸೆಯೊಡೆಯಾ-
ಹುಟ್ಟ ಹೊರವಟ್ಟು ಬಾಳ್ವೆಯ ಮುಟ್ಟೆ ಕಡೆಯಾ,
ಮುಂತಡೆವರೇ ಕಡದಿ ಕತ್ತಲೆಯ ತಡಿಯಾ? ೩

ಆವಂಬಿಗಂ ಬರುವ ಪರಿಸೆಯಂ ಕಾಯ್ವಂ?
ಎಂತೆಲ್ಲಿಗೆನ್ನೆಗಂ ತೊರೆಯಾಚೆ ಹಾಯ್ವಂ?
ಅಲ್ಲಿಂದ ಮುಂದವರನಾರೆಲ್ಲಿಗೊಯ್ವಂ? ೬

ಕಡವಿಹವೆ ಮುಂದಿದೇನೊಂದೆ ಕಡವಿಂತೆ?
ಇನ್ನುಮಿರೆ, ಕಡಕಡದ ನಡುನಡುವೆ ಮುಂತೆ
ಚಾಚಿಹವೆ ಬಾಳ್ವೆ? ಇರಲೇ ಪರಿಯವಂತೆ? ೯

ಪಯಣಗತಿ ಎಂತಾಚೆ? ಯಾವ ಮೇರೆವರಂ?
ಅಲ್ಲಿ ನೆಲೆವರೆ? ಮರಳ್ಚುವರೆ ಇಲ್ಲಿಗವರಂ?
ನೆನೆವರೇಂ ಮರೆವರೇನಲ್ಲಿ ಇಲ್ಲಿದರಂ? ೧೨

ಮುಗಿವುದೆಂದೀ ಯಾತ್ರೆ? ತುದಿ ಮೊದಲಿನೊಂದೆ
ಬಾಳ್ವೆ ಇದೊ? ಹಲನೆರೊಳಗೊಂದೊ? ಇಲ್ಲಿಂದೆ
ಅಂದಂದಗಲ್ದರೊಂದಾಗುವರೆ ಮುಂದೆ? ೧೫

ಎಲ್ಲಿಗೆಂದರಿಯದಲ್ಲಿಗೆ ಸರಿಯಲಲ್ಲಿ
ನಿನ್ನ ಕಾಂಬುದೆ ಬಾಳ್ವೆಯರಸಿದುದನಿಲ್ಲಿ?
ಇಲ್ಲಡಕಟಲ್ಲಿಗಲ್ಲಿಗೆ ಭೇದವೆಲ್ಲಿ? ೧೮
*****