ಹೋಮರ್ ಹಾಡಿದ ಹೆಣ್ಣು

ನನ್ನ ಹರೆಯದ ಆ ದಿನಗಳಲ್ಲಿ
ಅವಳತ್ತ ಗಂಡೊಂದು ಸುಳಿದರೆ,
ಪ್ರೀತಿಸುತ್ತಿದ್ದಾನೆ ಅನ್ನಿಸಿ
ಭಯ ದ್ವೇಷ ಉಕ್ಕಿ ತಲ್ಲಣಿಸುತ್ತಿದ್ದೆ.
ನೋಡಿಯೂ ಅವಳತ್ತ ತಿರುಗದೆ
ದಾಟಿ ಹೋದರೆ ಅವನು ‘ಅಯ್ಯೋ
ಘೋರ ಅಪರಾಧ’ ಎಂದೆನ್ನಿಸಿ
ಒಳಗೊಳಗೆ ಒದ್ದಾಡುತ್ತಿದ್ದೆ.

ಆ ಮುಂದೆ ನಾ ಬರೆದೆ ಮುಡಿದೆ,
ಈಗ ಬಿಳಿಕೂದಲಾಗಿರುವೆ,
ಕನಸುವೆನು ಆಗೀಗ ಹೀಗೆ :
ಆ ಬಿಂಬ ಮಿಡಿದ ಚಿಂತನೆಯ
ಎತ್ತಿರುವೆ ಎಂಥ ನೆಲೆಗೆಂದರೆ
ಬರಲಿರುವ ಕಾಲ ಹೇಳೀತು,
‘ಆ ಕಾಯ ಎಂಥದೆಂದೀತ
ನೆರಳಿಸಿದ ಕನ್ನಡಿಯ ಒಳಗೆ’.

ಪ್ರಾಯದವನಿದ್ದಾಗ ನಾನು
ಅವಳಿಗೂ ಕೂಡ ಬಿಸಿರಕ್ತ
ಮುಗಿಲಲ್ಲಿ ನಡೆದಳೆನ್ನಿಸುವ
ಹೆಮ್ಮೆ ಸುಮ್ಮಾನಗಳ ಚಿತ್ರ,
ಹೋಮರ್ ಹಾಡಿದ ಹೆಣ್ಣು ಇವಳು- ಎಂದೇ
ಅವಳ ಧ್ಯಾನದಲ್ಲಾದ ಬಾಳು ಬರೆಹ
ಧೀರೋದಾತ್ತವಾದ ಸ್ವಪ್ನದಂತೆ
ತೋರುವುವು ಹೊರಳಿ ಕಂಡಾಗ
*****
ಮೂಲ: ವಿಲಿಯಂ ಬಟ್ಲರ್ ಏಟ್ಸ್

ಹೋಮರ್ ಕ್ರಿ.ಪೂ. ೯೦೦ರಲ್ಲಿ ಇದ್ದನೆನ್ನಲಾದ ಗ್ರೀಕರ ಆದಿಕವಿ ಮತ್ತು ಮಹಾಕವಿ. ಇಲಿಯಡ್ ಮತ್ತು ಒಡಿಸ್ಸಿ ಎಂಬ ಮಹಾಕಾವ್ಯಗಳನ್ನು ಬರೆದಿದ್ದಾನೆ. ಅವನ ಇಲಿಯಡ್ ಕಾವ್ಯದ ನಾಯಕಿ ಹೆಲೆನ್ ಅಪೂರ್‍ವ ಚೆಲುವೆ. ಇಲ್ಲಿ ಮಾಡ್‌ಗಾನಳನ್ನು ಹೆಲೆನ್ನಳ ಜೊತೆ
ಸಮೀಕರಿಸಲಾಗಿದೆ.

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ‘ಶಬ್ದ ಪ್ರಸಂಗ’ವೆಂಬ ಕಾವ್ಯದ ಮೋಜವಾನಿ’
Next post ಇತ್ಯಾದಿ ಏನಿಲ್ಲ… ಪ್ರೀತಿಯಷ್ಟೆ! – ೧೪೮

ಸಣ್ಣ ಕತೆ

  • ಎರಡು…. ದೃಷ್ಟಿ!

    ದೀಪಾವಳಿಯು ಸಮೀಪಿಸಿದ್ದಿತು. ದೀಪಾವಳಿಯನ್ನು ನಾವು ಪಂಚಾಗ ನೋಡದೆ ತಿಳಿದುಕೊಳ್ಳಬಹುದು. ಅದು ಹೇಗೆ? ದೀಪಾವಳಿ ಪೂರ್ವರಂಗದ ಸುಳಿವು ನಮಗೇ ಗೊತ್ತೇ ಆಗುವದು. ಮನೆಯಲ್ಲಿ ಕರಚೀ ಕಾಯಿ, ಚಿರೋಟಿಗಳನ್ನು ಕರಿಯುವ… Read more…

  • ಸ್ವಯಂಪ್ರಕಾಶ

    ಇಸ್ತ್ರೀ ಇಲ್ಲದ ಸೀರೆ, ಬಾಚದ ತಲೆ... ಕೈಯಲ್ಲಿ ಚೀಲದ ತುಂಬ ತರ್ಕಾರಿಗಳೊಂದಿಗೆ ಮಾರುಕಟ್ಟೆಯಿಂದ ಹೊರಗೆ ಬರುವುದು ಭ್ರಮರೆ’ಯೇ... ಕಂಡು ತುಂಬಾ ಆಶ್ಚರ್ಯವಾಯಿತು. ರೋಡಿನ ಈ ಕಡೆ ಕಾರು… Read more…

  • ನಿಂಗನ ನಂಬಿಗೆ

    ಹೊಸಳ್ಳಿ ನೋಡುವದಕ್ಕೆ ಸಣ್ಣದಾದರೂ ಕಣ್ಣಿಗೆ ಅಂದವಾಗಿದೆ. ಬೆಳವಲ ನಾಡಿನಲ್ಲಿ ಬರಿ ಬಯಲೆಂದು ಟೀಕೆ ಮಾಡುವವರಿಗೆ ಹೊಸಳ್ಳಿ ಕೂಗಿ ಹೇಳುತ್ತಿದೆ - ತಾನು ಮಲೆನಾಡ ಮಗಳೆಂದು ! ಊರ… Read more…

  • ಅಮ್ಮ

    ‘ಅಮ್ಮನ್ಗೆ ಯಿಡೀ ರಾತ್ರೆಲ್ಲ ವಾಂತಿ ಭೇದಿ ವುಬ್ಸ ಆಯಾಸ... ಕುತ್ರೂಸಾ... ಬಾಳಾ ಯೆಚ್ಕುಡ್ಮೆಯಾಗಿ ರಾಮ್ಪಾರ್ದ ಡಾಕಿಟ್ರಾತ್ರ ತೋರ್ಸಿದ್ರು ಗುಣಾಗಿಲ್ಲ! ನೀ ಆದಷ್ಟು ಗಡಾನೇ ವೂರ್ಗೆ ಬಾಣ್ಣ...’ ಸೇಕ್ರಿ,… Read more…

  • ದುರಾಶಾ ದುರ್ವಿಪಾಕ

    "ಒಳ್ಳೇದು, ಅವನನ್ನು ಒಳಗೆ ಬರಹೇಳು" ಎಂದು ಪ್ರೇಮಚಂದನು- ಘನವಾದ ವ್ಯಾಪಾರಸ್ಥನು- ಆಢ್ಯತೆಯಿಂದ, ತಾನು ಆಡುವ ಒಂದೊಂದು ಶಬ್ದವನ್ನು ತೂಕಮಾಡಿ ಚಲ್ಲುವಂತೆ ಸಾವಕಾಶವಾಗಿ ನುಡಿದನು. ಬಾಗಿಲಲ್ಲಿ ನಿಂತಿದ್ದ ವೃದ್ಧ… Read more…

cheap jordans|wholesale air max|wholesale jordans|wholesale jewelry|wholesale jerseys