ಭಾರತ ಭಾಗ್ಯ ವಿಧಾತಾ

(ಹಾಡು)

ಭಾರತ ಭಾಗ್ಯ ವಿಧಾತಾ
ತಾತಾತಾ
ಸ್ವರಾಜ್ಯಮೆಮಗೆ ದಾತಾ
ತಾತಾತಾ ||ಪಲ್ಲ||

ಅನಾಧರ ನಾಥಾ
ಪತಿತರ ನೇತಾ
ಮದಾಂಧರ ಜೇತಾ
ಪರತಂತ್ರರ ತ್ರಾತಾ ||೧||

ನೋಡೈ ನಿಮಿರೆಮೆಯೊಡೆಯಾ
ನಮ್ಮ ತನುಮನ ಕ್ಷುಧೆಯಾ
ನಗೆಯಮೃತದ ಜೀಯಾ
ಕೇಳ್ನಿರಾಶೆಯ ಸೆಲೆಯಾ ||೨||

ಭಾರತದ ಗದ್ಗದ
ದಿಂದುದಿಸಿ ಮೊರೆವುದ
ತಾರಮಗೆ ಸ್ನೇಹದ
ತವ ಶಂಖ ನಿನಾದ ||೩||

ಮೊಲೆ ಮಡಿಲ ಶಿಶುಗಳ
ಮಲತಾಯ ಜೋಗುಳ
ಗಳಿನೆಮ್ಮೊಳು ಭೇದಗಳ
ವಿಧಿ ಪಾಡಿದಳಗ್ಗಳ ||೪||

ಕಲಿಸೆಮಗೆ ಸತ್ಯಮೊಂದು
ಇಸ್ಲಾಮಂತೆಯೆ ಹಿಂದು
ತಾಯ್ಮೊಲೆಗಳಿವೆಂದು
ಮೊಲೆ ಕೊಡುವ ತಾಯೊಂದು ||೫||

ನಮ್ಮ ಸುತ್ತಲು ನೀಡಂ
ಹುಯ್ವವೆರಕೆಯ ಹಾಡಂ;
ತೆರೆ ಸುಯ್ಗಳ ಗೂಡಂ,
ಕೊಡು ಗಗನದ ಬೀಡಂ ||೬||

ಪಡು ತೂಗುತಿದೈ ತಿಮಿರಂ
ಕಾವೆವು ನಾವಿನ್ನೆವರಂ
ಜಗದಂಬಿಗ ಹಾಯ್ಸಿವರಂ
ನಿಲುನೇಸರ ತವರಂ ||೭||

ಬಡತನವೆ ಧನವೆಮಗೆ
ಕೊಡಲಾಪೆವೇಂ ನಿನಗೆ?
ಕಂಬನಿಗಳಂದುಗೆ
ಚಾಚುವೆವು ನಿನ್ನಡಿಗೆ ||೮||

ಸ್ವರಾಜ್ಯ ಪಿಪಾಸೆ
ಜಗಕೆ ಹಾಲಿನ ಬಾಸೆ
ಯಪ್ಪಂತೆ ಕರುಣಿಸೆ,
ಸುರಿಗು ಶಾಂತಿಯ ಸೇಸೆ ||೯||
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಹೂಡಬೇಡ ಬಾಣ
Next post ವಿಸ್ಮಯ ಹುಟ್ಟಿಸುವ ಮೂಷಿಕ ಪ್ರಪಂಚ

ಸಣ್ಣ ಕತೆ

  • ಮೈಥಿಲೀ

    "ಹಾಗಿದ್ದರೆ, ಪಾಪವೆಂದರೇನು ಗುರುಗಳೇ?" ಕಣ್ಣು ಮುಚ್ಚಿ ಧ್ಯಾನಾಸಕ್ತರಾದ ಯೋಗೀಶ್ವರ ವಿದ್ಯಾರಣ್ಯರು ಕಣ್ತೆರೆಯಲಿಲ್ಲ. ಅಪ್ಪನ ಪ್ರಶ್ನೆಗೆ ಉತ್ತರ ಕೊಡಲಿಲ್ಲ. ತೇಜಪುಂಜವಾದ ಗಂಭೀರವಾದ ಮುಖದ ಮೇಲೊಂದು ಮುಗುಳುನಗೆ ಸುಳಿಯಿತು ಅಷ್ಟೇ!… Read more…

  • ಕರಾಚಿ ಕಾರಣೋರು

    ಮಳೆಗಾಲ ಆರಂಭವಾಯಿತೆಂದರೆ ಕುಂಞಿಕಣ್ಣ ಕುರುಪ್ಪನ ಏಣೆಲು ಗದ್ದೆಗೆ ನೇಜಿ ಕೆಲಸಕ್ಕೆ ಹೋಗಲು ಕಪಿಲಳ್ಳಿಯ ಹೆಂಗಸರು, ಗಂಡಸರು ತುದಿಗಾಲಲ್ಲಿ ಕಾಯುತ್ತಿರುತ್ತಾರೆ. ವರ್ಷವಿಡೀ ವಿಪ್ರರ ಮತ್ತು ವಿಪ್ರಾತಿವಿಪ್ರರ ಆಡಿಕೆ ತೋಟಗಳಲ್ಲಿ… Read more…

  • ಗಿಣಿಯ ಸಾಕ್ಷಿ

    ಹತ್ತಿರವಿದ್ದ ನೆರೆಹೊರೆಯ ಮನೆಯವರಿಗೆ ಗಿಣಿಯ ಕೀರಲು ಕಿರುಚಾಟ ಕೂಗಾಟ ಸತತವಾಗಿ ಕೇಳಿಬಂದಾಗ ಅವರು ಅಲ್ಲಿಗೆ ಧಾವಿಸಿ ಬಂದಿದ್ದರು. ಗೌರಿಯು ಕಳೇಬರವಾಗಿ ಬಿದ್ದಿರುವುದು ನೋಡಿ ಅವರಿಗೆ ದಿಗ್ಭ್ರಾಂತಿಯಾಯಿತು. ಅವಳ… Read more…

  • ಆ ರಾತ್ರಿ

    ಆ ದಿನ ಮಧ್ಯಾಹ್ನ ವಸಂತನ ಮನೆಯಲ್ಲಿ ಬಹಳ ಗಡಿಬಿಡಿ! ವಸಂತ ತಾನು ಕೂಡುವ ಕೋಣೆಯನ್ನು ಅತ್ಯಂತ ಶಿಸ್ತಿನಿಂದ ಇಡುವ ಕಾರ್ಯದಲ್ಲಿ ಮಗ್ನನಾಗಿದ್ದನು. ಗಡಿಯಾರದ ಮುಳ್ಳುಗಳು ಎರಡು ಗಂಟೆಯಾದುದನ್ನು… Read more…

  • ದೇವರು ಮತ್ತು ಅಪಘಾತ

    ಊರಿನ ಕೊನೆಯಂಚಿನಲ್ಲಿದ್ದ ಕೆರೆಯಂಗಳದಲ್ಲಿ ಅಣಬೆಗಳಂತೆ ಮೈವೆತ್ತಿದ್ದ ಗುಡಿಸಲುಗಳಲ್ಲಿ ಕೊನೆಯದು ಅವಳದಾಗಿತ್ತು. ನಾಲ್ಕೈದು ಸಾರಿ ಮುನಿಸಿಪಾಲಿಟಿಯವರು ಆ ಗುಡಿಸಲುಗಳನ್ನು ಕಿತ್ತು ಹಾಕಿದ್ದರೂ ಮನುಷ್ಯ ಪ್ರಾಣಿಗಳ ಸೂರಿನ ಅದಮ್ಯ ಅವಶ್ಯಕ… Read more…

cheap jordans|wholesale air max|wholesale jordans|wholesale jewelry|wholesale jerseys