ಬಣ್ಣದ ಬುಗುರಿ

ಬುಗುರಿಯ ಆಡಿಸೊ ಕಾಲ
ಬರುವದು ತಪ್ಪದೆ ಆ ಜಾಲ
ರಂಗನು ಅಪ್ಪಗೆ ದುಂಬಾಲು
ಬುಗುರಿ ನನಗೆ ಬೇಕೆನಲು

ಅಪ್ಪನು ಹೋದನು ಪೇಟೆಗೆ
ಬಣ್ಣದ ಬುಗುರಿಯ ರಂಗನಿಗೆ
ತಂದುಕೊಟ್ಟನು ಚಾಟಿ ಸಹಿತ
ದಿನದೂಡಿದ ಕನಸು ಕಾಣುತ

ಚಾಟಿಯ ಭರ ಭರ ಸುತ್ತುತ್ತ
ರಂಗನು ನಡೆದ ಮಿತ್ರರತ್ತ
ತನ್ನಯ ಬುಗುರಿ ತೋರಿಸಿದ
ತನ್ನದೇ ಮಿಗಿಲೆಂದು ವಾದಿಸಿದ

ಗಿರಿ ಗಿರಿ ತಿರುಗುವ ಬಣ್ಣದ ಬುಗುರಿ
ತಿರುಗಿದಂತೆ ಕುಂಬಾರರ ತಿಗರಿ
ಗುಂಯಿಗುಡುತಲೆ ನೆಲವನು ಕೊರೆದು
ಆಡುತಲಿತ್ತು ಭೋರ್ಗರೆದು

ತಿಮ್ಮನೂ ತನ್ನಯ ಬುಗುರಿ ತಂದು
ಬಾರೋ ‘ಗಿಚ್ಚೆ’ ಆಡಲು ಬಂದ
ಆಟದಿ ತಿಮ್ಮನ ಬುಗುರಿ ಸೀಳಿತ್ತು
ರಂಗನ ಬುಗುರಿಯೂ ಹೋಳಾಯ್ತು

ಮನೆಗೆ ಮರಳಿದ ರಂಗನು ಅಳುತ
ಬುಗುರಿಯನು ತಂದೆಗೆ ತೋರಿಸುತ
ರಂಗನ ಅಪ್ಪನು ರಮಿಸಿದನು
ಮತ್ತೊಂದ ಕೊಡಿಸಲು ಒಪ್ಪಿದನು

ಮರುದಿನ ರಂಗನ ಅಪ್ಪನು
ತಂದನು ಮರದ ತುಂಡನ್ನು
ಕೊಡಲಿಯಿಂದಲೆ ಕೆತ್ತಿದನು
ಹೊಡೆದನು ಚೂಪಿದ್ದ ಮೊಳೆಯನು

ಗಟ್ಟಿ ಮರದ ಬುಗುರಿ ಹಿಡಿದು
ತಿಮ್ಮನ ರಂಗ ಕೂಗಿ ಕರೆದಿದ್ದ
ಆಟದಿ ತಿಮ್ಮನ ಪೇಟೆ ಬುಗುರಿ
ಹೋಳಾಗಿ ಬಿತ್ತು ಮೇಲೆಗರಿ

ಮನೆಗೆ ಬಂದಾ ರಂಗನು
ಬೀಗುತ ವಿಷಯ ಹೇಳಿದನು
ಗೆಲುವಿನ ಸಂತೋಷದಿ ಅವನು
ಮಲಗಿ ಗೊರಕೆಯ ಹೊಡೆದನು
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ನಾನು ಮೀನಾಗಿದ್ದಿದ್ರೆ
Next post ಯೂರಿಪಿಡಿಸ್‌ನ Medea – ಪ್ರತಿಕಾರದ ದಳ್ಳುರಿ

ಸಣ್ಣ ಕತೆ

  • ಆಮಿಷ

    ರಮಾ ಕುರ್ಚಿಯನ್ನೊರಗಿ ಕುಳಿತಿದ್ದಳು. ದುಃಖವೇ ಮೂರ್ತಿವೆತ್ತಂತೆ ಕುಳಿತಿದ್ದ ಅವಳ ಹೃದಯದಲ್ಲಿ ಭೀಕರ ಕೋಲಾಹಲ ನಡೆದಿತ್ತು. ಕಣ್ಣುಗಳು ಆಳಕ್ಕಿಳಿದಿದ್ದವು. ದೇಹದ ಅಣು ಅಣುವೂ ನೋವಿನಿಂದ ಮಿಡಿಯುತ್ತಿತ್ತು. "ತಾನೇಕೆ ದುಡುಕಿಬಿಟ್ಟೆ?… Read more…

  • ಮುದುಕನ ಮದುವೆ

    ಎಂಬತ್ತುನಾಲ್ಕು ವರ್ಷದ ನಿವೃತ್ತ ಡಾಕ್ಟರ್ ಶ್ಯಾಮರಾಯರಿಗೆ ೩೮ ವರ್ಷದ ಗೌರಮ್ಮನನ್ನು ಮದುವೆಯಾದಾಗ ಅದು ವೃತ್ತಪತ್ರಿಕೆಗಳಲ್ಲಿ ದೊಡ್ಡ ಅಕ್ಷರಗಳಲ್ಲಿ ಬಂದು ಒಂದು ರೀತಿಯ ಆಶ್ಚರ್ಯ, ಕೋಲಾಹಲ ಎಬ್ಬಿಸಿತ್ತು. ಡಾ.… Read more…

  • ಸ್ನೇಹಲತಾ

    ೧೫-೯-೧೯.. ಈಗ ಮನಸ್ಸಿಗೆ ನೆಮ್ಮದಿಯೆನಿಸುತ್ತಿದೆ. ಇಂದಿನಿಂದ ಮತ್ತೆ ನನ್ನ ದಿನಚರಿ ಬರೆಯುವ ಕಾರ್ಯಕ್ರಮವನ್ನು ಆರಂಭಿಸಬೇಕು. ದಿನಚರಿಯೆ ನನ್ನ ಸಹಧರ್ಮಿಣಿ; ನನ್ನ ಸಹ-ಸಂಚಾರಿ; ಅದೆ ನನಗೆ ಸಂತಸ ಕೊಡುವುದು.… Read more…

  • ದೇವರು

    ನನ್ನ ದೇವರಿಗೆ, ಬಹಳ ದಿನಗಳ ನಂತರ ನಿಮಗೆ ಕಾಗದ ಬರೆಯುತ್ತಿದ್ದೇನೆ. ಏಕೆಂದರೆ ನೀವು ಬರೆದ ಕಾಗದಕ್ಕೆ ಉತ್ತರ ಕೇಳಿದ್ದೀರಿ. ನಾನೀಗ ಉತ್ತರ ಬರೆಯಲೇಬೇಕು ಬರೆಯುತ್ತಿದ್ದೇನೆ. "ಪತಿಯೇ ದೇವರು"… Read more…

  • ವ್ಯವಸ್ಥೆ

    ಮಗಳ ಮದುವೆ ಪಿಕ್ಸ್ ಆಗಿದ್ದರಿಂದ ದೊಡ್ಡ ತಲೆ ಭಾರ ಇಳಿದಂತಾಗಿತ್ತು. ಮದುವೆ ಮುಂದಿನ ತಿಂಗಳ ಕೊನೆಯ ವಾರವೆಂದು ದಿನಾಂಕವನ್ನೂ ನಿಗದಿಪಡಿಸಲಾಗಿತ್ತು. ಗಂಡಿನವರ ತರಾತುರಿಗೆ ಒಪ್ಪಲೇಬೇಕಾದ ಪರಿಸ್ಥಿತಿ ನನ್ನದು.… Read more…

cheap jordans|wholesale air max|wholesale jordans|wholesale jewelry|wholesale jerseys